Geri

FHN-in Dövlət Yanğın Nəzarəti Xidməti maarifləndirmə tədbir keçirib

FHN-in Dövlət Yanğın Nəzarəti Xidmətinin Yanğına Qarşı Təbliğat Şöbəsi “Nord Star Company” şirkətinin müraciəti əsasında 2019-cu ilin fevral ayının 22-də “Leyla Şıxlinskaya Hospitalı”nda yanğına qarşı maarifləndirmə tədbiri keçirib.

Hospitalın tibb və texniki heyətinin iştirakı ilə keçirilən tədbirdə səhiyyə müəssisələrində yanğın təhlükəsizliyi qaydalarına əməl edilməsinin vacibliyi qeyd olunaraq bildirilib ki, sözügedən sahənin ərazisi və binaları həmişə təmiz saxlanılmalı, zibil və tullantılar müntəzəm surətdə xüsusi ayrılmış yerlərə daşınmalıdır. Səhiyyə müəssisələrinin binaları yanğınları söndürmək üçün su ehtiyatı ilə təmin edilməlidir. Əczaxana və əczaxana anbarlarında yanğın baş verdikdə müvafiq müəssisə rəhbərləri zəhərli və partlayış təhlükəli maddələrin olması və saxlanılması yerləri haqqında yanğından mühafizə xidmətinin əməkdaşlarını xəbərdar etməlidirlər.

Həmçinin, qeyd olunub ki, ümumi xəstəxana korpusundakı əczaxanalar bir qayda olaraq birinci mərtəbədə yerləşdirilməli, onların çölə müstəqil çıxışı olmalı və başqa təyinatlı otaqlardan yanmayan örtüklər və divarlarla ayrılmalıdır. Su qızdırıcıları və su qaynatmaq üçün xüsusi qurğulu böyük çənlər yalnız mətbəxlərdə, yaxud bu məqsədlər üçün nəzərdə tutulmuş otaqlarda quraşdırıla bilər. Səhiyyə müəssisələrində laboratoriya və anbarlardakı reaktivlər açarla bağlanan şkaflarda saxlanılmalı, açarlar laborantlarda, yaxud digər məsul şəxslərdə olmalıdır. Ümumi miqdarı 3 kiloqramdan artıq olmamaq şərti ilə asan alışan və yanar mayelər yalnız xüsusi metal yeşikdə və qızdırıcı cihazlardan uzaq məsafədə saxlanıla bilər. Digər təyinatlı binalarda yerləşən əczaxanalarda asan alışan və yanar mayelərin ümumi miqdarı 100 kiloqramdan artıq olmamalıdır.

Tədbirin sonunda səhiyyə müəssisəsinin işçilərinə odsöndürənlərdən istifadə qaydaları haqqında məlumat verilib, onlara yanğın təhlükəsizliyi ilə bağlı kitabça və bukletlər paylanılıb.

Digər məlumatlar

FHN-in regional mərkəzləri maarifləndirmə tədbirlər keçiriblər

12 noyabr 2019-cu il tarixində FHN-in Qarabağ Regional Mərkəzi Ağcabədi rayon Kəhrizli kənd tam orta məktəbində,  Gəncə Regional Mərkəzi Gəncə şəhər 4 nömrəli Uşaq Musiqi Məktəbində, Şimal-qərb Regional Mərkəzi  isə İsmayıllı rayon C. Həsənov adına Kürdmaşı kənd tam orta məktəbində “Fövqəladə hallarla bağlı davranış və yanğın......

Ardını oxu

FHN-in Dövlət Yanğın Nəzarəti Xidməti yanğın potensiallı ərazilərdə təhlükə mənbələrinin aradan qaldırılması işini davam etdirir

Respublikanın şəhər və rayonlarında yanğın təhlükəsinin aradan qaldırılması məqsədilə, yerli icra strukturları və bələdiyyələrin iştirakı ilə əvvəlcədən müəyyən edilmiş, təyinatı üzrə zibilxana kimi nəzərdə tutulmayan ünvanlardan məişət tullantılarının, həmçinin yolların və müxtəlif təyinatlı obyektlərin bilavasitə yaxınlığında olan quru kol-kos və s. ərazilərin təmizlənməsi, müvafiq yerlərə daşınması......

Ardını oxu

FHN-in Dövlət Yanğın Nəzarəti Xidməti maarifləndirmə tədbirləri keçirib

12 noyabr 2019-cu il tarixində FHN-in Dövlət Yanğın Nəzarəti Xidmətinin İctimai obyektlərə nəzarət sektoru Bakı şəhəri Nərimanov rayonunda yerləşən “Rusel” otelində, 4-cü ərazi Dövlət Yanğın Nəzarəti İdarəsi Suraxanı rayon Şahmat ...

Ardını oxu