Geri

Maarifləndirmə tədbirləri davam etdirilir

29 noyabr 2019-cu il tarixində FHN-in Dövlət Yanğın Nəzarəti Xidmətinin 1-ci ərazi Dövlət Yanğın Nəzarəti İdarəsi Siyəzən MQKİ-nin Qobustan xidmət sahəsində, Qobustan rayon Sədəf kənd tam orta məktəbində, Binəqədi rayonunda yerləşən Ağdam rayon 149 nömrəli köçkün tam orta məktəbində, 2-ci ərazi Dövlət Yanğın Nəzarəti İdarəsi Səbail rayon 1 nömrəli şəhər poliklinikasında, 4-cü ərazi Dövlət Yanğın Nəzarəti İdarəsi Xəzər rayon Binə qəsəbəsi “Timlanol” Uşaq əyləncə mərkəzində, Sabunçu rayon Balaxanı qəsəbə 4 nömrəli tam orta məktəbində, Suraxanı rayon Hövsan qəsəbəsində yerləşən dəmirçi sexində,  Muğan regional Dövlət Yanğın Nəzarəti İdarəsi Sabirabad rayon Çöl-Ağammədli və Bala-Həşimxanlı  kənd tam orta məktəblərində, Qaragüney kəndində yerləşən Polis bölməsində, Sabirabad rayonu ərazisində yerləşən iki yanacaq doldurma məntəqəsində, Sabirabad şəhər 2 nömrəli Uşaq bağçasında, Şirvan şəhər Uşaq Gənclər İnkişaf Mərkəzində, Aran regional Dövlət Yanğın Nəzarəti İdarəsi Goranboy rayonu ərazisində yerləşən Xocalı rayon Aşağı Ağcakənd tam orta məktəbində, Qarabağ regional Dövlət Yanğın Nəzarəti İdarəsi Ağdam Məşğulluq Mərkəzində, Ağcabədi şəhər 2 saylı tam orta məktəbində, Bərdə rayon Əmirli kənd ərazi dairəsi üzrə İcra nümayəndəliyi​ndə, Cənub regional Dövlət Yanğın Nəzarəti İdarəsi Cəlilabad rayon Göytəpə şəhər Peşə liseyində, Şimal regional Dövlət Yanğın Nəzarəti İdarəsi isə Siyəzən şəhər Məşğulluq Mərkəzində  maarifləndirmə tədbirləri keçirib.

Tədbirlərdə “İnzibati binalar üçün yanğın təhlükəsizliyi qaydaları”, “Dəm qazı təhlükəsi”, “Məişətdə yanğın təhlükəsizliyi”, “112” qaynar xətti”nə nə vaxt zəng etməli?”, “Odsöndürənlərdən istifadə qaydası” barədə, həmçinin adıçəkilən müəssisələrdə yanğın təhlükəsizliyi qaydaları haqqında ətraflı məlumat verilib. Toplantılarda, həmçinin ərazinin daim təmiz vəziyyətdə saxlanılması, normativ sənədlərə uyğun ilkin yanğınsöndürmə vasitələri ilə təmin edilməsi, yanğın zamanı insanların binadan köçürülməsi planlarının hazırlanmasının zəruriliyi, pilləkən qəfəslərində əlavə otaqların quraşdırılmasının yolverilməzliyi, yanğına qarşı su təchizatına-hovuzlara, kəmərlərə, çən və hidrantlara qayğı ilə yanaşılmasının vacibliyi  qeyd olunub, ikin yanğınsöndürmə vasitələrindən istifadə qaydaları əyani olaraq nümayiş etdirilib, yanğına qarşı təbliğat işində istifadə olunması üçün “Vətəndaşların nəzərinə”, “Yanğın zamanı davranış qaydaları” mövzularında yaddaş vərəqələri və bukletlər paylanılıb.

Digər məlumatlar

Fövqəladə Hallar Nazirliyi işçilərinin Həmkarlar İttifaqının onlayn iclası keçirilib

22 may 2020-ci il tarixində FHN işçilərinin Həmkarlar İttifaqı FHN-in aparatı, regional mərkəzləri və qurumlarında fəaliyyət göstərən həmkarlar ittifaqı komitəsi sədrlərinin iştirakı ilə onlayn iclas keçirib.  ...

Ardını oxu

Fövqəladə Hallar Nazirliyinin Dövlət Yanğından Mühafizə Xidməti Şabran rayonunda regional müşavirə keçirib

Fövqəladə Hallar Nazirliyinin Dövlət Yanğından Mühafizə Xidməti 20 may 2020-ci il tarixində Şabran şəhərində cari ilin ötən dövrü ərzində şimal regionu üzrə baş vermiş yanğınlarla bağlı əməliyyat şəraitinin vəziyyətinin, görülmüş işlər və qarşıda duran vəzifələrin müzakirəsinə həsr olunmuş müşavirə keçirib. ...

Ardını oxu

FHN-in Cənub Regional Mərkəzi tərəfindən qanvermə aksiyası keçirilib

Heydər Əliyev Fondunun çağırışına və təşəbbüsünə dəstək olaraq Fövqəladə Hallar Nazirliyinin regionlarda yerləşən strukturları da könüllü qanvermə aksiyasına qoşulur. ...

Ardını oxu