Geri

Maarifləndirmə tədbirləri davam etdirilir

28 noyabr 2019-cu il tarixində FHN-in Dövlət Yanğın Nəzarəti Xidmətinin İctimai obyektlərə nəzarət sektoru Bakı şəhəri Səbail rayonunda yerləşən “Austin” və “Four Seasons Hotel Baku” otellərində, 1-ci ərazi Dövlət Yanğın Nəzarəti İdarəsi Qobustan rayon Gigiyena və Epidemologiya Mərkəzində, Gəncə regional Dövlət Yanğın Nəzarəti İdarəsi Qazax rayon Daş Salahlı kənd tam orta məktəbində, Aran regional Dövlət Yanğın Nəzarəti İdarəsi  Göyçay rayon Şıxbəy kənd ümumi orta məktəbində, Muğan regional Dövlət Yanğın Nəzarəti İdarəsi Sabirabad rayon Mirzəli kənd tam orta məktəbində, Şirvan şəhər Peşə liseyində, Qarabağ regional Dövlət Yanğın Nəzarəti İdarəsi Bərdə rayon Divanlı kəndində yerləşən Ağdam rayon 78 nömrəli  köçkün tam orta məktəbində, Güloğlular kənd tibb məntəqəsində, Kətəlparaq kənd ərazi Dairəsi üzrə İcra nümayəndəliyində, Otuzikilər kənd tam orta məktəbində, Füzuli rayon Horadiz şəhərində yerləşən “AzPetrol” yanacaq doldurma məntəqəsində və 47 nömrəli Yol İstismar Sahəsi​ndə, Ağdam rayon İmamqulubəyli qəsəbəsində yerləşən 87 nömrəli köçkün tam orta məktəbində, Şimal regional Dövlət Yanğın Nəzarəti İdarəsi isə Şabran şəhər 5 nömrəli tam orta məktəbində maarifləndirmə tədbirləri keçirib.

Tədbirlərdə “İnzibati binalar üçün yanğın təhlükəsizliyi qaydaları”, “Dəm qazı təhlükəsi”, “Məişətdə yanğın təhlükəsizliyi”, “112” qaynar xətti”nə nə vaxt zəng etməli?”, “Odsöndürənlərdən istifadə qaydası” barədə, həmçinin adıçəkilən müəssisələrdə yanğın təhlükəsizliyi qaydaları haqqında ətraflı məlumat verilib. Toplantılarda, həmçinin ərazinin daim təmiz vəziyyətdə saxlanılması, normativ sənədlərə uyğun ilkin yanğınsöndürmə vasitələri ilə təmin edilməsi, yanğın zamanı insanların binadan köçürülməsi planlarının hazırlanmasının zəruriliyi, pilləkən qəfəslərində əlavə otaqların quraşdırılmasının yolverilməzliyi, yanğına qarşı su təchizatına-hovuzlara, kəmərlərə, çən və hidrantlara qayğı ilə yanaşılmasının vacibliyi  qeyd olunub, ikin yanğınsöndürmə vasitələrindən istifadə qaydaları əyani olaraq nümayiş etdirilib, yanğına qarşı təbliğat işində istifadə olunması üçün “Vətəndaşların nəzərinə”, “Yanğın zamanı davranış qaydaları” mövzularında yaddaş vərəqələri və bukletlər paylanılıb.

Digər məlumatlar

Taxıl zəmilərində, otlaq sahələrində və meşə fondu ərazilərində yanğın təhlükəsizliyinə riayət olunmalıdır

Yanğın təhlükəsizliyinin təmin edilməsi ilə bağlı əkin sahələrində baş vermiş yanğınların qarşısının alınması məqsədilə Tərtər və Cəlilabad rayon İcra Hakimiyyətində qərərgahlar yaradılıb....

Ardını oxu

Yanğın təhlükəsizliyi müzakirə olunub

Sabirabad rayonu ərazisində dənli və texniki bitkilərin yığılması, daşınması, saxlanılması və emalı dövründə, eləcə də meşə zolaqlarında  yanğın təhlükəsizliyinin təmin edilməsi məqsədilə......

Ardını oxu

Əkin sahələrinin yanğın təhlükəsizliyinə dair videokonfranslar keçirilib

Taxıl və dənli bitkilərin biçin mövsümü ilə əlaqədar olaraq Yevlax və Göyçay rayonlarında əkin sahələrində yanğın təhlükəsizliyinin təmin edilməsi məqsədilə həmin rayonların icra hakimiyyətlərində müvafiq qərargahlar yaradılıb....

Ardını oxu