Geri

Maarifləndirmə tədbirləri davam etdirilir

13 noyabr 2019-cu il tarixində FHN-in Dövlət Yanğın Nəzarəti Xidmətinin İctimai obyektlərə nəzarət sektoru Bakı şəhəri Səbail rayonunda yerləşən “Badamdar“ otelində, 1-ci ərazi Dövlət Yanğın Nəzarəti İdarəsi Qobustan rayon Cəngi kənd tam orta məktəbində, 4-cü ərazi Dövlət Yanğın Nəzarəti İdarəsi Suraxanı rayon Qaraçuxur qəsəbəsində yerləşən “İsabət” tədris mərkəzində, Xəzər rayon 234 nömrəli tam orta məktəbində, Sabunçu rayon Bakıxanov qəsəbəsi “Addım-addım” Uşaq bağçasında, Aran regional Dövlət Yanğın Nəzarəti İdarəsi Ucar rayon Statistika İdarəsində, Zərdab rayon Təzəkənd kənd ümumi orta məktəbində, Mingəçevir şəhər 2 nömrəli tam orta məktəbində, Tərtər şəhər 1 nömrəli tam orta məktəbində və Goranboy rayon Səfikürd kənd Uşaq bağçasında, Qarabağ regional Dövlət Yanğın Nəzarəti İdarəsi Bərdə rayon Lək kənd Uşaq bağçasında, Hala-Çadırlı kənd 62 nömrəli Ağdam köçkün tam orta məktəbində, Füzuli rayon Horadiz şəhər Dövlət Dram Teatrında, Muğan regional Dövlət Yanğın Nəzarəti İdarəsi Sabirabad şəhər Peşə liseyində, 3 saylı Uşaq bağçasında və 9 nömrəli tam orta məktəbində, Neftçala şəhər 1 nömrəli Uşaq bağçasında, “Azərişıq” ASC-nin Hacıqabul Elektrik Şəbəkəsində, Cənub regional Dövlət Yanğın Nəzarəti İdarəsi Lənkəran rayon Kənarmeşə kənd tam orta məktəbində, Şimal regional Dövlət Yanğın Nəzarəti İdarəsi isə Qusar şəhər 1 nömrəli tam orta məktəbində  maarifləndirmə tədbirləri keçirib.

Tədbirlərdə “İnzibati binalar üçün yanğın təhlükəsizliyi qaydaları”, “Dəm qazı təhlükəsi”, “Məişətdə yanğın təhlükəsizliyi”, “112” qaynar xətti”nə nə vaxt zəng etməli?”, “Odsöndürənlərdən istifadə qaydası” barədə, həmçinin adıçəkilən müəssisələrdə yanğın təhlükəsizliyi qaydaları haqqında ətraflı məlumat verilib. Toplantılarda, həmçinin ərazinin daim təmiz vəziyyətdə saxlanılması, normativ sənədlərə uyğun ilkin yanğınsöndürmə vasitələri ilə təmin edilməsi, yanğın zamanı insanların binadan köçürülməsi planlarının hazırlanmasının zəruriliyi, pilləkan qəfəslərində əlavə otaqların quraşdırılmasının yolverilməzliyi, yanğına qarşı su təchizatına-hovuzlara, kəmərlərə, çən və hidrantlara qayğı ilə yanaşılmasının vacibliyi  qeyd olunub, ikin yanğınsöndürmə vasitələrindən istifadə qaydaları əyani olaraq nümayiş etdirilib, yanğına qarşı təbliğat işində istifadə olunması üçün “Vətəndaşların nəzərinə”, “Yanğın zamanı davranış qaydaları” mövzularında yaddaş vərəqələri və bukletlər paylanılıb.

Digər məlumatlar

FHN-in Şimal Regional Mərkəzində birgə qərargah məşqi keçirilib

5-6 dekabr 2019-cu il tarixlərində Fövqəladə halların nəticələrin aradan qaldırılması zamanı FHN-in xilasetmə qurumlarının struktur bölmələrinin qərargahlarının qarşılıqlı fəaliyyətinin təşkili mövzusunda birgə qərargah məşqi keçirilib. ...

Ardını oxu

FHN-in Aran Regional Mərkəzi maarifləndirmə tədbiri keçirib

6 dekabr 2019-cu il tarixində Fövqəladə Hallar Nazirliyinin Aran Regional Mərkəzi Ucar rayon 5 nömrəli tam orta məktəbinin kollektivi ilə “Fövqəladə hallarla bağlı davranış qaydaları” mövzusunda maarifləndirmə tədbiri keçirib....

Ardını oxu

Dövlət Yanğın Nəzarəti Xidməti maarifləndirmə tədbirlərini davam etdirir

6 dekabr 2019-cu il tarixində FHN-in Dövlət Yanğın Nəzarəti Xidmətinin 2-ci ərazi Dövlət Yanğın Nəzarəti İdarəsi Nəsimi rayon 18 nömrəli Uşaq bağçasında, Gəncə regional Dövlət Yanğın Nəzarəti İdarəsi “Aqroservis” ASC-nin Şəmkir regional ...

Ardını oxu