Geri

“Köpük verməklə ən yaxşı manqa” adı uğrunda baxış-müsabiqə keçirilib

8 noyabr 2019-cu il tarixində Fövqəladə Hallar Nazirliyinin Dövlət Yanğından Mühafizə Xidməti FHN işçilərinin Həmkarlar İttifaqının dəstəyi ilə “Köpük verməklə ən yaxşı manqa” adı uğrunda baxış-müsabiqə keçirib.

Yanğından mühafizə qurumlarının əməliyyat-xidməti fəaliyyətində, həmçinin, neft, qaz və kimya sənayesi obyektlərində baş verə biləcək fövqəladə hadisələrin çevik və peşəkarlıqla qarşısının alınması və yanğınların söndürülməsinin təşkili və taktikası üzrə düzgün qərarların qəbul olunmasında manqaların peşə hazırlığının yüksəldilməsi, əməkdaşların taktiki hazırlığının, onların xüsusi biliklərinin, metodiki vərdişlərinin təkmilləşdirilməsi məqsədi ilə keçirilən müsabiqədə Azərbaycan Respublikası Dövlət Neft Şirkəti Obyektlərinin Mühafizəsi üzrə Yanğından Mühafizə İdarəsinin tabeliyində olan 10,  Neftayırma Müəssisələrinin üzrə Yanğından Mühafizə Dəstəsinin 5 və Sumqayıt şəhər Dövlət Yanğından Mühafizə İdarəsinin 3 yanğından mühafizə hissəsinin komandası iştirak edib. 

18 komandadan 126 nəfər yanğınsöndürən təmsil olunduğu müsabiqədə əməkdaşların döyüş hazırlığının tərkib hissəsi olan yanğın-xilasetmə hazırlığının inkişafı, eləcə də ekstremal şəraitdə şəxsi heyətin öz xidməti vəzifələrini yerinə yetirərkən onlara peşə vərdişlərinin aşılanması və dözümlüyünün artırılması, şəxsi heyətin taktiki hazırlığının səviyyəsinin yüksəldilməsi diqqət mərkəzində olub.

“Köpük verməklə ən yaxşı manqa” adı uğrunda keçən baxış-müsabiqədə birinci yerə Azərbaycan Respublikası Dövlət Neft Şirkəti Obyektlərinin Mühafizəsi üzrə Yanğından Mühafizə İdarəsinin 54 nömrəli Yanğından Mühafizə Hissəsi, ikinci yerə Sumqayıt şəhər Dövlət Yanğından Mühafizə İdarəsinin 21 nömrəli Yanğından Mühafizə Hissəsi, üçüncü yerə isə  Azərbaycan Respublikası Dövlət Neft Şirkəti Obyektlərinin Mühafizəsi üzrə Yanğından Mühafizə İdarəsinin 56 nömrəli Yanğından Mühafizə Hissəsi layiq görülüb.

Baxış-müsabiqənin qalibləri FHN işçilərinin Həmkarlar İttifaqı və Dövlət Yanğından Mühafizə Xidməti tərəfindən mükafatlandırılıb.

Digər məlumatlar

Taxıl zəmilərində, otlaq sahələrində və meşə fondu ərazilərində yanğın təhlükəsizliyinə riayət olunmalıdır

Yanğın təhlükəsizliyinin təmin edilməsi ilə bağlı əkin sahələrində baş vermiş yanğınların qarşısının alınması məqsədilə Tərtər və Cəlilabad rayon İcra Hakimiyyətində qərərgahlar yaradılıb....

Ardını oxu

Yanğın təhlükəsizliyi müzakirə olunub

Sabirabad rayonu ərazisində dənli və texniki bitkilərin yığılması, daşınması, saxlanılması və emalı dövründə, eləcə də meşə zolaqlarında  yanğın təhlükəsizliyinin təmin edilməsi məqsədilə......

Ardını oxu

Əkin sahələrinin yanğın təhlükəsizliyinə dair videokonfranslar keçirilib

Taxıl və dənli bitkilərin biçin mövsümü ilə əlaqədar olaraq Yevlax və Göyçay rayonlarında əkin sahələrində yanğın təhlükəsizliyinin təmin edilməsi məqsədilə həmin rayonların icra hakimiyyətlərində müvafiq qərargahlar yaradılıb....

Ardını oxu