Geri

Maarifləndirmə tədbirləri davam edir

FHN-in Dövlət Yanğın Nəzarəti Xidmətinin Gəncə regional Dövlət Yanğın Nəzarəti İdarəsi 29 oktyabr 2019-cu il tarixində Gəncə şəhər 49 saylı Uşaq bağçasında, İctimai obyektlərə nəzarət sektoru Bakı şəhərində yerləşən “Nine” otelində, Qarabağ regional Dövlət Yanğın Nəzarəti İdarəsi Bərdə rayon Güloğlular kəndində yerləşən tam orta məktəbdə, Beyləqan rayon Eyvazlar kənd tam orta məktəbdə, Biləsuvar rayon ərazisində Cəbrayıl rayon məcburi köçkünlər üçün 10 saylı Uşaq bağçasında, Muğan regional Dövlət Yanğın Nəzarəti İdarəsi Sabirabad rayon 54 saylı “AzPetrol” yanacaq doldurma məntəqəsində, Saatlı rayon Dədə Qorqud kənd Tibb məntəqəsində, Hacıqabul şəhər 1 saylı tam orta məktəbdə, Aran regional Dövlət Yanğın Nəzarəti İdarəsi Yevlax rayon Rüstəmli kənd tam orta məktəbdə, Goranboy rayon Dəliməmmədli Şəhər Xəstəxanasında, Ucar rayon Rəstəcə kənd Uşaq bağçasında, Cənub regional Dövlət Yanğın Nəzarəti İdarəsi Lənkəran şəhər Türkəçal kənd tam orta məktəbdə, Şimal regional Dövlət Yanğın Nəzarəti İdarəsi Quba rayon Kupçal kənd tam orta məktəbdə, Siyəzən rayon Zarat kənd tam orta məktəb və İnzibati Ərazi Dairəsi üzrə nümayəndəliyində, Şimal-Qərb regional Dövlət Yanğın Nəzarəti İdarəsi Qəbələ şəhər “Qafqaz Sport” otelində  maarifləndirmə tədbirləri keçirib.

Tədbirlərdə “İnzibati binalar üçün yanğın təhlükəsizliyi qaydaları”, “Dəm qazı təhlükəsi”, “Məişətdə yanğın təhlükəsizliyi”, “112” qaynar xətti”nə nə vaxt zəng etməli?”, “Odsöndürənlərdən istifadə qaydası” barədə, həmçinin adıçəkilən müəssisələrdə yanğın təhlükəsizliyi qaydaları haqqında ətraflı məlumat verilib. Toplantılarda, həmçinin ərazinin daim təmiz vəziyyətdə saxlanılması, normativ sənədlərə uyğun ilkin yanğınsöndürmə vasitələri ilə təmin edilməsi, yanğın zamanı insanların binadan köçürülməsi planlarının, pilləkan qəfəslərində əlavə otaqların quraşdırılmasının yolverilməzliyi, yanğına qarşı su təchizatına-hovuzlara, kəmərlərə, çən və hidrantlara qayğı ilə yanaşılmasının vacibliyi  qeyd olunub, ilkin yanğınsöndürmə vasitələrindən istifadə qaydaları əyani olaraq nümayiş etdirilib, yanğına qarşı təbliğat işində istifadə olunması üçün “Vətəndaşların nəzərinə”, “Yanğın zamanı davranış qaydaları” mövzularında yaddaş vərəqələri və bukletlər paylanılıb.

Digər məlumatlar

Fövqəladə Hallar Nazirliyi işçilərinin Həmkarlar İttifaqının onlayn iclası keçirilib

22 may 2020-ci il tarixində FHN işçilərinin Həmkarlar İttifaqı FHN-in aparatı, regional mərkəzləri və qurumlarında fəaliyyət göstərən həmkarlar ittifaqı komitəsi sədrlərinin iştirakı ilə onlayn iclas keçirib.  ...

Ardını oxu

Fövqəladə Hallar Nazirliyinin Dövlət Yanğından Mühafizə Xidməti Şabran rayonunda regional müşavirə keçirib

Fövqəladə Hallar Nazirliyinin Dövlət Yanğından Mühafizə Xidməti 20 may 2020-ci il tarixində Şabran şəhərində cari ilin ötən dövrü ərzində şimal regionu üzrə baş vermiş yanğınlarla bağlı əməliyyat şəraitinin vəziyyətinin, görülmüş işlər və qarşıda duran vəzifələrin müzakirəsinə həsr olunmuş müşavirə keçirib. ...

Ardını oxu

FHN-in Cənub Regional Mərkəzi tərəfindən qanvermə aksiyası keçirilib

Heydər Əliyev Fondunun çağırışına və təşəbbüsünə dəstək olaraq Fövqəladə Hallar Nazirliyinin regionlarda yerləşən strukturları da könüllü qanvermə aksiyasına qoşulur. ...

Ardını oxu