Geri

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

FHN-in Dövlət Yanğın Nəzarəti Xidmətinin İctimai obyektlərə nəzarət sektoru 11 oktyabr 2019-cu il tarixində Bakı şəhərində yerləşən “Opera” otelində, 1-ci ərazi  Dövlət Yanğın Nəzarəti İdarəsi Qaradağ rayon Səngəçal qəsəbəsində yerləşən Həkim Məntəqəsində, Cənub regional Dövlət Yanğın Nəzarəti İdarəsi DSMF-nin Lerik rayon  şöbəsində, Qarabağ regional Dövlət Yanğın Nəzarəti İdarəsi Ağdam rayon Quzanlı qəsəbəsi 2 saylı Texniki Peşə Məktəbində, Beyləqan rayon Şəfəq qəsəbə tam orta məktəbdə, Ağcabədi rayon Suvarma Sistemləri İdarəsində, Cəbrayıl rayon Cocuq Mərcanlı kənd orta məktəbində, Sumqayıt regional Dövlət Yanğın Nəzarəti İdarəsi Sumqayıt şəhər “Delta Grup” MMC-də, 4-cü ərazi Dövlət Yanğın Nəzarəti İdarəsi Suraxanı rayon 146 saylı tam orta məktəbdə, Sabunçu rayon 259 saylı tam orta məktəb və 21 saylı Şəhər Poliklinikasında  maarifləndirmə tədbirləri keçirib.

Tədbirlərdə “İnzibati binalar üçün yanğın təhlükəsizliyi qaydaları”, “Dəm qazı təhlükəsi”, “Məişətdə yanğın təhlükəsizliyi”, “112” qaynar xətti”nə nə vaxt zəng etməli?”, “Odsöndürənlərdən istifadə qaydası” barədə, həmçinin adıçəkilən müəssisələrdə yanğın təhlükəsizliyi qaydaları haqqında ətraflı məlumat verilib. Toplantılarda, həmçinin ərazinin daim təmiz vəziyyətdə saxlanılması, normativ sənədlərə uyğun ilkin yanğınsöndürmə vasitələri ilə təmin edilməsi, yanğın zamanı insanların binadan köçürülməsi planlarının, pilləkan qəfəslərində əlavə otaqların quraşdırılmasının yolverilməzliyi, yanğına qarşı su təchizatına - hovuzlara, kəmərlərə, çən və hidrantlara qayğı ilə yanaşılmasının vacibliyi  qeyd olunub, ilkin yanğınsöndürmə vasitələrindən istifadə qaydaları əyani olaraq nümayiş etdirilib, yanğına qarşı təbliğat işində istifadə olunması üçün “Vətəndaşların nəzərinə”, “Yanğın zamanı davranış qaydaları” mövzularında yaddaş vərəqələri və bukletlər paylanılıb.

Digər məlumatlar

Dövlət Yanğın Nəzarəti Xidməti maarifləndirmə tədbirlərini davam etdirir

14 noyabr 2019-cu il tarixində FHN-in Dövlət Yanğın Nəzarəti Xidmətinin İctimai obyektlərə nəzarət sektoru Bakı şəhərində yerləşən “Boutiqe İquana” otelində, Aran...

Ardını oxu

FHN-in Aran Regional Mərkəzi mülki müdafiə məşqi keçirib

Fövqəladə Hallar Nazirliyi Aran Regional Mərkəzinin 2019-cu tədris ili üçün Hazırlıq planına və Kürdəmir rayon İcra Hakimiyyətinin 2019-cu il üçün Mülki Müdafiə tədbirər planına əsasən Aran Regional Mərkəzi tərəfindən Kürdəmir rayon hərbiləşdirilməmiş ərazi Mülki Müdafiə dəstələri ilə xəbərdarlıq və toplanış üzrə nümunəvi məşq keçirib. ...

Ardını oxu

FHN-in Cənub Regional Mərkəzində şahmat üzrə yarış keçirilib

12-13 noyabr 2019-cu il tarixində Fövqəladə Hallar Nazirliyinin Cənub Regional Mərkəzinin 2019-cu ilin Hazırlıq Planına əsasən idmanın müxtəlif növlərinin təbliğ olunması, şəxsi heyətin fiziki hazırlığının yüksəldilməsi və onların asudə vaxtlarının səmərəli təşkilində idman tədbirlərinin rolunun artırılması məqsədilə Mərkəzin əməkdaşları arasında şahmat üzrə yarış təşkil edilib. ...

Ardını oxu