Geri

Fövqəladə Hallar Nazirliyinin Akademiyasında valideynlərlə görüş keçirilmişdir

Fövqəladə Hallar Nazirliyi Akademiyasında 28 yanvar 2019-cu il tarixində III-IV kursda təhsil alan kursant və müdavimlərin valideynləri ilə görüş keçirilmişdir.

Tədbirdə çıxış edən Akademiyanın rəisi general-mayor Baba Salayev  bildirmişdir ki, 2009-cu ildən fəaliyyətə başlayan Fövqəladə Hallar Nazirliyi Akademiyasının qarşısında duran ən başlıca vəzifə xüsusi ixtisaslı ali təhsilli kadrların yetişdirilməsi və onları vətənpərvərlik, dövlət və dövlətçiliyimizə sədaqət ruhunda tərbiyə etməkdir.

Akademiyanın rəisi diqqətə çatdırmışdır ki, kursantlar və onların valideynləri ilə görüşlərin keçirilməsi artıq ənənə halını almışdır. Valideynlərlə görüşlər keçirməkdə əsas məqsəd fikir mübadiləsi aparmaq, kursantların təlim-tərbiyə prosesinin yüksək səviyyədə təşkil etməklə yanaşı, gəncləri vətənpərvərlik, ulu öndər Heydər Əliyev amallarına sədaqət ruhunda tərbiyə etməkdir.

Qeyd edilmişdir ki, Akademiyada peşəkar kadrların yetişdirilməsi və kursantların asudə vaxtlarından səmərəli istifadəsi üçün hər cür şərait yaradılmışdır. Kursantların tədrisi və təlim-tərbiyələri ilə yüksək ixtisası mütəxəssislər məşğul olur. Tədris prosesi ilə yanaşı, gənclərin vətənpərvərlik ruhunda tərbiyəsi, dünya görüşlərinin formalaşması, mədəni səviyyələrinin və fiziki hazırlıqlarının artırılması istiqamətində məqsədyönlü müsbət addımlar atılır.

Akademiyanın rəis müavini polkovnik Aslan Hüseynov kursantlar üçün yaradılmış şəraitdən, tədris, təlim-tərbiyə işlərinin yüksək səviyyədə qurulmasında valideyn münasibətlərinin əhəmiyyətindən bəhs etmişdir. Kursantların təhsildə qazandıqları uğurlar və bəzi nöqsanlar valideynlərin nəzərinə çatdırılmışdır.

Daha sonra valideynlərlə müvafiq məslələrlə bağlı fikir mübadiləsi aparılmışdır.

Görüşdə çıxış edən valideynlər keçirilən səmərəli görüşə və onların övladları üçün yaradılmış hərtərəfli şəraitə görə təşəkkürlərini bildirmişlər.

Tədbirdən sonra valideynlər övladlarının yaşayış şəraitləri ilə yaxından tanış olmuşlar. 

Digər məlumatlar

Taxıl zəmilərində, otlaq sahələrində və meşə fondu ərazilərində yanğın təhlükəsizliyinə riayət olunmalıdır

Yanğın təhlükəsizliyinin təmin edilməsi ilə bağlı əkin sahələrində baş vermiş yanğınların qarşısının alınması məqsədilə Tərtər və Cəlilabad rayon İcra Hakimiyyətində qərərgahlar yaradılıb....

Ardını oxu

Yanğın təhlükəsizliyi müzakirə olunub

Sabirabad rayonu ərazisində dənli və texniki bitkilərin yığılması, daşınması, saxlanılması və emalı dövründə, eləcə də meşə zolaqlarında  yanğın təhlükəsizliyinin təmin edilməsi məqsədilə......

Ardını oxu

Əkin sahələrinin yanğın təhlükəsizliyinə dair videokonfranslar keçirilib

Taxıl və dənli bitkilərin biçin mövsümü ilə əlaqədar olaraq Yevlax və Göyçay rayonlarında əkin sahələrində yanğın təhlükəsizliyinin təmin edilməsi məqsədilə həmin rayonların icra hakimiyyətlərində müvafiq qərargahlar yaradılıb....

Ardını oxu