Geri

FHN-in Bakı Regional Mərkəzi metodiki toplanış keçirmişdir

FHN-in Bakı Regional Mərkəzi 11 yanvar 2019-cu il tarixində Nəsimi rayon İcra Hakimiyyətində “Nəsimi rayonunda mülki müdafiənin vəziyyəti və 2019-cu ildə qarşıda duran vəzifələr” mövzusunda metodiki toplanış keçirmişdir.

Tədbirin keçirilməsində əsas məqsəd rayon ərazisində mülki müdafiə işinin mövcud vəziyyətinin təhlili, bu sahədəki problem və çatışmazlıqların aradan qaldırılması yollarının müzakirəsi, habelə mülki müdafiə işinin gücləndiriməsi, fövqəladə hadisələrdən qorunma sahəsində əhalinin hazırlanması, maarifləndirmə tədbirlərinin təşkili və mülki müdafiə dəstələrinin daimi hazırlığının təmin edilməsinə diqqətin artırılması olmuşdur.

Toplanışda Bakı Regional Mərkəzinin, İcra Hakimiyyətinin, yerli icra və özünüidarəetmə orqanlarının, eləcə də rayonun təsərrüfat xidmətlərinin, təhsil, səhiyyə müəssisələrinin, qaz, elektrik enerjisi və su təchizatını təmin edən rayon qurumlarının, mənzil-kommunal təsərrüfatı təşkilatlarının rəhbərləri iştirak etmişlər.

Tədbirdə giriş sözü ilə çıxış edən Nəsimi rayon İcra Hakimiyyəti başçısının müavini Qurban İsmayılov mülki müdafiə işinin təşkili ilə bağlı görülmüş işlər barədə məlumat vermiş, mövcud problemlərin aradan qaldırılmasının vacibliyini vurğulamışdır.

Daha sonra Bakı Regional Mərkəzinin nümayəndələri “Rayonda mülki müdafiə işinin təşkili sahəsində görülmüş işlər və 2019-cu ildə qarşıda duran vəzifələr”, “Rayonda xəbərdarlıq sistemlərinin və mühəndis mühafizəsinin vəziyyəti”, “Rayonda kimyəvi mühafizənin vəziyyəti” mövzularında çıxışlar etmiş və rayon ərazisində yerləşən müxtəlif obyektlərin balansında olan xəbərdarlıq sistemləri, kollektiv mühafizə qurğuları və fərdi mühafizə vasitələrinin vəziyyəti, bu sahədə mövcud olan çatışmazlıqlar və problemlərin həlli ilə bağlı məsələləri tədbir iştirakçılarının diqqətinə çatdırmışlar.

Toplanış zamanı rayonun Mənzil-Kommunal Təsərrüfatı Birliyi və digər aidiyyəti qurum rəhbərləri tərəfindən mülki müdafiənin təşkili ilə bağlı problemlərin həlli istiqamətində həyata keçirilmiş və keçirilməsi nəzərdə tutulmuş işlər barədə məlumat verilmişdir.  

Tədbirdə səslənən məruzə və çıxışlara münasibət bildirən FHN-in Bakı Regional Mərkəzinin nümayəndəsi mülki müdafiənin təşkili, xəbərdarlıq, fərdi və kollektiv mühafizə vasitələrinin əhalinin təhlükəsizlyinin mühafizəsindəki vacibliyini vurğulamış, bu sahədə mövcud olan problemlərin həllinin ən prioritet məsələlərdən olduğunu diqqətə çatdırmışdır.

Digər məlumatlar

FHN-in regional mərkəzləri və qurumları 26 iyun - Silahlı Qüvvələr Günü münasibətilə tədbirlər keçiriblər

25 iyun 2019-cu il tarixində FHN-in regional mərkəzlərində və qurumlarında Azərbaycan Silahlı Qüvvələrinin yaradılmasının 101-ci ildönümünə həsr olunmuş tədbirlər keçirilib....

Ardını oxu

FHN-in Cənub Regional Mərkəzi müşavirə keçirib

FHN-in Cənub Regional Mərkəzi 25 iyun 2019-cu il tarixində Yardımlı rayon İcra Hakimiyyətinin akt zalında “Əhalinin fövqəladə hallara hazırlığının artırılması ” mövzusunda müşavirə keçirib. ...

Ardını oxu

Fövqəladə Hallar Nazirliyinin Akademiyasında Azərbaycan Silahlı Qüvvələri Günü qeyd olunub

25 iyun 2019-cu il tarixində Fövqəladə Hallar Nazirliyi Akademiyasının konfrans zalında Azərbaycan Silahlı Qüvvələrinin yaradılmasının 101 illiyi münasibətilə tədbir keçirilib. ...

Ardını oxu