Geri

FHN-in Qarabağ Regional Mərkəzi səhiyyə müəssisəsində müşavirə keçirmişdir

Fövqəladə Hallar Nazirliyinin Qarabağ Regional Mərkəzi 11 sentyabr 2018-ci il tarixində Ağdam rayonu Üçoğlan kənd Sahə xəstəxanasında “Fövqəladə hallarla bağlı davranış və yanğın təhlükəsizliyi qaydaları” mövzusunda müşavirə keçirmişdir. Müşavirədə Nazirliyin regionda fəaliyyət göstərən digər qurumlarının əməkdaşları da iştirak etmişlər.

Tədbir səhiyyə işçilərinə fövqəladə hallar zamanı davranış qaydaları və mülki müdafiə sahəsində vərdiş və biliklərin aşılanması məqsədilə keçirilmişdir. Xəstəxana əməkdaşlarının qatıldığı müşavirədə Regional Mərkəzin nümayəndələri “Zəlzələ”, “Dəm qazı”, “Sel və daşqın”, “Əyində geyim yanarkən davranış qaydaları”, “101” və “112” qaynar xətti”nə müraciət qaydaları”, “Məişətdə yanğın zamanı davranış qaydaları” və “Odsöndürən balonlardan istifadə qaydaları” mövzularında çıxışlar etmişlər.  Tədbirdə, həmçinin mövzularla bağlı hazırlanmış videoçarxlar nümayiş etdirilmiş, təbliğat materialları paylanılmışdır.

Sonra səhiyyə müəssisəsinin təxliyə planının müvafiq qaydalara əməl etməklə düzgün hazırlanmasının, yanğın və texniki təhlükəsizlik tədbirlərinə əməl olunmasına nəzarətin artırılmasının, müəssisənin ehtiyat çıxış qapılarının və zirzəmilərinin daim istifadəyə yararlı vəziyyətdə saxlanılmasının, ilkin yanğınsöndürmə vasitələri ilə təchiz olunmasının vacibliyi tibb işçilərinin diqqətinə çatdırılmışdır.

Digər məlumatlar

FHN-in Bakı Regional Mərkəzi maarifləndirmə tədbiri keçirib

18 aprel 2019-cu il tarixində Fövqəladə Hallar Nazirliyinin Bakı Regional Mərkəzi Xətai rayonu 194 nömrəli orta məktəbdə “Fövqəladə hallarla bağlı davranış qaydaları” mövzusunda maarifləndirmə tədbiri keçirib. ...

Ardını oxu

“Su hövzələrində təhlükəsizliyin təmin olunması” mövzusunda müşavirə keçirilib

17 aprel 2019-cu il tarixində Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti ilə Bakı Regional Mərkəzi paytaxtın Sabunçu rayon İcra Hakimiyyətində “Su hövzələrində təhlükəsizliyin təmin olunması” mövzusunda müşavirə keçirib. ...

Ardını oxu

FHN-in Dövlət Yanğın Nəzarəti Xidməti maarifləndirmə tədbiri keçirib

Fövqəladə Hallar Nazirliyinin Dövlət Yanğın Nəzarəti Xidməti “2019 Formula-1 Azərbaycan Qran Prisi” layihəsi çərçivəsində “Bakı Şəhər Halqası Əməliyyat Şirkəti”nin dəvəti əsasında növbəti maarifləndirmə tədbirini 17 aprel 2019-cu il tarixində Bakı Avropa Oyunları Əməliyyat Komitəsində keçirib. ...

Ardını oxu