Geri

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

FHN-in Dövlət Yanğın Nəzarəti Xidməti 13 iyun 2018-ci il tarixində Səhiyyə Nazirliyinin təşkilatçılığı ilə C.Abdullayev adına Elmi-Tədqiqat Kardiologiya institutunda “Səhiyyə müəssisələrinin yanğın təhlükəsizliyi” mövzusunda maarifləndirmə tədbiri keçirmişdir. Bakı şəhərinin Nərimanov, Nizami və Xətai rayonlarında yerləşən iri səhiyyə müəssisələrinin nümayəndələrinin iştirakı ilə keçirilən tədbir Səhiyyə Nazirliyinin müraciəti əsasında təşkil olunmuşdur.

Tədbirdə səhiyyə müəssisələrinin yanğın təhlükəsizliyi ilə bağlı görülən işlərdən danışılmış, qarşılıqlı əməkdaşlıq şəraitində yanğından mühafizənin təmin edilməsinin, fövqəladə hadisələrin qarşısının alınması məqsədilə lazımı qabaqlayıcı tədbirlərin görülməsinin, könüllü yanğınsöndürmə dəstələrinin fəaliyyətinin vacibliyi diqqətə çatdırılmışdır. Toplantıda fotoslaydların müşayiəti ilə ”Səhiyyə müəssisələrində yanğın təhlükəsizliyi” mövzusunda məruzə edilmiş, həmçinin yanğın təhlükəsizliyinə dair tövsiyələr vermiş, “Vətəndaşların nəzərinə”, “Yanğın zamanı davranış qaydaları”, “Qaz cihazlarından istifadə edərkən yanğın, partlayış, zəhərlənmə kimi fövqəladə hadisələrin baş verməməsi üçün təhlükəsizlik qaydalarına əmək edin!”  mövzularında yaddaş vərəqələri və “Səhiyyə müəssisələrinin yanğın təhlükəsizliyi”, “İnzibati binaların yanğın təhlükəsizliyi” adlı yaddaş kitabçaları paylanmışdır.

Tədbirdə  yanğınsöndürmə vasitələrindən istifadə qaydaları da əyani surətdə nümayiş olunmuşdur.

Digər məlumatlar

FHN-in Aran Regional Mərkəzi maarifləndirmə tədbiri keçirib

Fövqəladə Hallar Nazirliyinin Aran Regional Mərkəzi Mingəçevir şəhəri "Kür Hazırlıq Mərkəzi" MMC-də FHN-in regionda fəaliyyət göstərən digər qurumları ilə birgə 17 may 2019-cu il tarixində “Fövqəladə hallarla bağlı davranış qaydaları” mövzusunda maarifləndirmə tədbiri keçirib....

Ardını oxu

FHN-in Sumqayıt Regional Mərkəzi Kiçikhəcmli Gəmilərə Nəzarət və Sularda Xilasetmə Dövlət Xidməti ilə birgə müşavirə keçirib

Fövqəladə Hallar Nazirliyinin Sumqayıt Regional Mərkəzi Kiçikhəcmli Gəmilərə Nəzarət və Sularda Xilasetmə Dövlət Xidməti ilə birlikdə 17 may 2019-cu il tarixində Mərkəzin inzibati binasında “Su hövzələrində insanların təhlükəsizliyinin təmin edilməsi” mövzusunda müşavirə keçirib. ...

Ardını oxu

FHN-in Dövlət Yanğın Nəzarəti və Dövlət Yanğından Mühafizə xidmətləri birgə yanğın-taktiki təlim keçirib

FHN-in Dövlət Yanğın Nəzarəti Xidməti Dövlət Yanğından Mühafizə Xidməti ilə birgə 17 may 2019-cu il tarixində Səbail rayonu, Neftçilər prospekti 1 ünvanında yerləşən “Four Seasons Hotel Baku” mehmanxanasında yanğın-taktiki təlim keçirib. ...

Ardını oxu