Geri

FHN-in Dövlət Yanğın Nəzarəti Xidməti iri ticarət mərkəzlərinin rəhbərləri ilə görüşlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti aprel ayıın 25-də FHN-in Sumqayıt Regional Mərkəzi ilə birgə “Sumqayıt”, “Karvan”, “Cavid”, “Xəlifə” və “Səfərli” ticarət mərkəzlərinin, “Jalə-94” firmasının, “Vicdan-1” MMC-nin (avtomobil bazarı), “Qayalı”, “Fəxri”, “Pioner” və “Qobustan” istehsalat ticarət mərkəzlərinin, “Qalatasaray” Səbuni-10” firmasının və digər ticarət mərkəzlərinin rəhbərləri ilə görüş keçirmişdir. Görüşdə Xidmətin Yanğına qarşı təbliğat şöbəsinin rəisi daxili xidmət polkovniki Hikmət Cəfərov ticarət mərkəzlərində yanğına qarşı tələblərə toxunaraq, yanğından müdafiə sistemlərinin işlək vəziyyədə olmasının, onlara mütəxəssislər tərəfindən texniki qulluğun həyata keçirilməsinin vacibliyini bildirmişdir. O, əsas və vacib tələblərdən biri olan ehtiyat çıxış yollarının vəziyyətinə toxunmuş, ehtiyat çıxış qapılarının bağlanmasının yolverilməz olduğunu diqqətə çatdırmışdır.

Daha sonra ticarət mərkəzlərində insanların sərbəst hərəkəti üçün şəraitin yaradılmasının təmin olunmasının vacibliyi vurğulanmışdır. Yanğına qarşı tədbirlər ətrafında da geniş söhbətlər aparılmış və obyektlərdə mövcud olan yanğın su təchizatı, ilkin odsöndürmə vasitələri, kinozallara və əyləncə sahələrinə daha mütəşəkkil qaydada nəzarətin aparılması, tüstü bacalarının təmizlənməsi (kafe, restoran və s.), elektrik təchizatının tələblərə uyğun olması, işçilərin təlimatlandırılması və digər məsələlərə də toxunulmuşdur. Tədbirdə obyektlərin yanğından icbari qaydada sığortalanması məsələsi də diqqət mərkəzində olmuşdur.

Görüşdə FHN-in Sumqayıt Regional Mərkəzinin rəisi polkovnik Adil Hacıyev və Sumqayıt regional Dövlət Yanğın Nəzarəti İdarəsinin rəis müavini daxili xidmət polkovniki Fikrət Ələkbərov ticarət mərkəzlərində təxliyənin düzgün təşkil olunması və işçi heyətinin peşəkarlığının artırılması məqsədilə mütəmadi olaraq birgə təlimlərin təşkil edilməsinin əhəmiyyətindən danışmışlar. Daha sonra tədir iştirakçılarını maraqlandıran suallar cavablandırılmışdır.   

Digər məlumatlar

Maarifləndirmə tədbirləri davam etdirilir

13 noyabr 2019-cu il tarixində FHN-in Dövlət Yanğın Nəzarəti Xidmətinin İctimai obyektlərə nəzarət sektoru Bakı şəhəri Səbail rayonunda yerləşən “Badamdar“ otelində, 1-ci ərazi Dövlət Yanğın Nəzarəti İdarəsi Qobustan rayon Cəngi...

Ardını oxu

FHN-in regional mərkəzlərində maarifləndirmə tədbirləri davam edir

Fövqəladə Hallar Nazirliyinin Sumqayıt Regional Mərkəzi Qubadlı rayonu Mahmudlu kənd tam orta məktəbində, Şimal Regional Mərkəzi Siyəzən rayonu Tuğay kənd ümumi orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbirləri keçirib. ...

Ardını oxu

FHN-in Bakı Regional Mərkəzi rayon müşavirəsi keçirib

Fövqəladə Hallar Nazirliyinin Bakı Regional Mərkəzi 13 noyabr 2019-cu il tarixində Binəqədi Rayon İcra Hakimiyyətində “Mülki müdafiə sahəsində 2019-cu ilin yekunu, 2020-ci ildə qarşıda duran vəzifələr” mövzusunda metodiki toplanış, eləcə də “Yanğın təhlükəsizliyinin təmin olunmasında Fövqəladə Hallar Nazirliyi, yerli icra hakimiyyəti və özünüidarəetmə orqanlarının birgə fəaliyyəti” mövzusunda......

Ardını oxu