Geri

FHN-in Dövlət Yanğın Nəzarəti Xidməti yanğın təhlükəsizliyi ilə bağlı tədbir keçirmişdir

Fövqəladə Hallar Nazirliyinin Dövlət Yanğın Nəzarəti Xidməti 7 mart 2018-ci il tarixində Ədliyyə Nazirliyinin Penitensiar Xidmətində yanğın təhlükəsizliyi ilə bağlı tədbir keçirmişdir. Tədbiri giriş sözü ilə açan Penitensiar Xidmətin rəis müavini ədliyyə polkovniki Məhərrəm Qafarov Penitensiar Xidmətin müəssisələrinin bu gün müasir tələblər səviyyəsində yenidən qurulduğunu, beynəlxalq standartlara uyğunlaşdırıldığını, məhkumların təhlükəsiz şəraitdə saxlanması istiqamətində məqsədyönlü iş aparıldığını qeyd etmiş və yanğın təhlükəsizliyi ilə bağlı görülən tədbirlərin vacibliyini, Dövlət Yanğın Nəzarəti Xidməti ilə birgə iş fəaliyyətinin uğurlu və səmərəli olduğunu bildirmişdir.

Sonra çıxış edənlər mühum mühafizə obyektləri sayılan penitensiar xidmətin müəssisələrində son illər yanğın təhlükəsizliyi ilə bağlı aparılan tədbirlərdən, elektrik və qaz təsərrüfatından istifadə zamanı normativ sənədlərin tələblərinə riayət olunmasından, yanğınların söndürülməsində mühüm rol oynayan su mənbələrinin vəziyyətindən, müasir ilkin yanğınsöndürən vasitələrlə (odsöndürən şarlarla) təchiz edilməsindən, avtomatik yanğınxəbərverici və yanğınsöndürmə qurğularının əhəmiyyətindən danışmış, şəxsi heyətin və xüsusi kontingentin fövqəladə hallar zamanı davranış qaydaları, həyata keçirilməsi zəruri olan təhlükəsizlik tədbirləri barədə məlumat vermişlər.

Sonda FHN DYNX ilə Ədliyyə Nazirliyinin Penitensiar Xidmətinin əməkdaşlarının yanğın təhlükəsizliyinin qorunmasında birgə səylərinin davam etdirilməsinin vacibliyi vurğulanmış, tədbir iştirakçılarına yanğın təhlükəsizliyi mövzusunda nəşr olunmuş xüsusi bukletlər, kitabçalar və plakatlar paylanmışdır.

Digər məlumatlar

FHN-in Sumqayıt Regional Mərkəzi “dəyirmi masa” keçirmişdir

Fövqəladə Hallar Nazirliyinin Sumqayıt Regional Mərkəzi 19 sentyabr 2018-ci il tarixində Xızı rayonu Ağdərə Bələdiyyəsində “Fövqəladə halların qarşısının alınması və nəticələrinin aradan qaldırılması sahəsində Regional Mərkəzlə yerli özünüidarəetmə orqanlarının qarşılıqlı fəaliyyətinin təşkili” mövzusunda dəyirmi masa keçirmişdir. ...

Ardını oxu

FHN-in Sumqayıt Regional Mərkəzi mülki müdafiə kursları təşkil etmişdir

Fövqəladə Hallar Nazirliyinin Sumqayıt Regional Mərkəzi 1-15 sentyabr 2018-ci il tarixlərində Mərkəzin əhatə etdiyi ərazi üzrə şəhər və rayonların ümumtəhsil müəssisələrində mülki müdafiə fənnini tədris edən 2-ci, 5-ci və 6-cı sinif rəhbərləri üçün kurslar təşkil etmişdir. ...

Ardını oxu

Fövqəladə Hallar Nazirliyinin Qarabağ Regional Mərkəzi maarifləndirmə tədbiri keçirmişdir

Qarabağ Regional Mərkəzi 18 sentyabr 2018-ci il tarixində Beyləqan rayon “Yeni Xocavənd” qəsəbəsində yerləşən Xocavənd rayon Kuropatkin kənd Uşaq Bağçasında “Fövqəladə hallarla bağlı davranış və yanğın təhlükəsizliyi qaydaları”  mövzusunda maarifləndirmə tədbiri keçirmişdir....

Ardını oxu