Geri

FHN-in Dövlət Yanğın Nəzarəti Xidməti məcburi köçkünlərin məskunlaşdığı yataqxanalarda yanğına qarşı təbliğat günlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti Məcburi Köçkünlərin Sosial  İnkişaf  Fondunun müraciəti əsasında  1-2  fevral  2018-ci il tarixlərində Bərdə şəhərində yerləşən Dövlət İqtisadiyyat və Humanitar Kollecinin, Bərdə Peşə Liseyinin və Mingəçevir şəhərində yerləşən yataqxanalarda məskunlaşan məcburi köçkünlər arasında maarifləndirmə işləri aparılmışdır. Tədbirlərdə işıqlandırmaq üçün açıq alovdan (şam, məşəl) istifadə edilməsinin, sobanın üzərində və yanında paltar qurudulmasının, kustar üsulla düzəldilmiş elektrik avadanlıqlarından və elektrik qızdırıcı cihazlarından istifadə edilməsinin, bacaların yaxınlığındakı çardaqlarda tez alışan əşya və məişət qaz balonları saxlanmasının, qaz balonlarından və nasaz qaz cihazlarından istifadə olunmasının, siqaret çəkərkən diqqətsizlik edilməsinin, uşaqların odla dəcəlliyinin real yanğın təhlükəsi yarada bildiyini, tüstü bacalarının ildə iki dəfə təmizlənməsini, mənzildən çıxarkən elektrik avadanlığı, qaz cihazlarını şəbəkədən ayırmağı və söndürməyi unutmamağı, məişətdə yanğın zamanı nə etməli, odsöndürən balonlar və onlardan istifadə qaydalarını sakinlərin nəzərinə çatdırmış və “Vətəndaşların nəzərinə”, “Məişətdə yanğın zamanı davranış qaydaları” adlı yaddaş vərəqələri onlara  paylanmışdır.

Digər məlumatlar

“Fövqəladə halların nəticələrinin aradan qaldırılması zamanı idarəetmənin təşkili” mövzusunda mülki müdafiə məşqi keçirilmişdir

Mayın 22-də FHN-in Bakı Regional Mərkəzi tərəfindən “Bakı Telefon Rabitəsi” MMC-də “Fövqəladə halların nəticələrinin aradan qaldırılması zamanı idarəetmənin təşkili” mövzusunda rəhbər heyətin nümunəvi mülki müdafiə məşqi keçirilmişdir. ...

Ardını oxu

FHN-in Qarabağ Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Qarabağ Regional Mərkəzi 22 may 2018-ci il tarixində Bərdə şəhər 8 nömrəli tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir. Toplantıda Qarabağ Regional Dövlət Yanğın Nəzarəti İdarəsinin və Bərdə rayon Dövlət Yanğından Mühafizə Hissəsinin nümayəndələri də iştirak etmişlər. ...

Ardını oxu

Azərbaycan Xalq Cümhuriyyətinin 100 illiyi münasibətilə Fövqəladə Hallar Nazirliyinin Mülki Müdafiə Qoşunlarının N saylı hərbi hissəsində tədbir keçirilmişdir

Fövqəladə Hallar Nazirliyi işçilərinin Həmkarlar İttifaqının təşkilatçılığı ilə Azərbaycan Xalq Cümhuriyyətinin 100 illiyi münasibətilə Fövqəladə Hallar Nazirliyinin Mülki Müdafiə Qoşunlarının Qaradağ rayonunda yerləşən N saylı hərbi hissəsində tədbir keçirilmişdir. Tədbirdə FHN-in Mülki Müdafiə Qoşunları, Xüsusi Riskli Xilasetmə Xidməti və Aviasiya Dəstənin əməkdaşları iştirak etmişlər. ...

Ardını oxu