Geri

Yardım qəbul edən ölkənin dəstəyi üzrə ilk işçi görüşü keçirilmişdir

Fövqəladə Hallar Nazirliyinin Bakı Regional Mərkəzində 4 oktyabr 2018-ci il tarixində Avropa İttifaqının “Təbii və texnogen fəlakətlərin qarşısının alınması, hazırlıq və cavab tədbirləri” üzrə Şərq proqramının (PPRD East II) II fazası çərçivəsində “Yardım Qəbul Edən Ölkənin Dəstəyi” üzrə ilk işçi görüşü keçirilmişdir. Görüşdə Şərq proqramının mütəxəssisləri də iştirak etmişlər.

Tədbirdə PPRD East II Şərq proqramı çərçivəsində yardım qəbul edən ölkənin dəstəyi sahəsində həyata keçirilmiş fəaliyyətlər və bu sahədə əldə olunmuş nailiyyətlər təqdim edilmişdir. Görüşdə, həmçinin Avropa İttifaqının “MOLDEX2017” geniş miqyaslı sahə təlimində yardım qəbul edən ölkənin dəstəyi sahəsində əldə olunmuş təcrübə ilə də tanış olmuşlar. Tədbirdə yardım qəbul edən ölkənin dəstəyi sahəsində cavabdeh olan dövlət orqanları və mülki müdafiə fəaliyyətinə cəlb olunmuş digər tərəfdaşların vəzifələri və funksiyaları nəzərdən keçirilmişdir. Eyni zamanda fəlakətlər zamanı qarşılıqlı fəaliyyəti nəzərdə tutan və Avropa İttifaqının yardım qəbul edən ölkənin dəstəyi ilə bağlı qaydalarını nəzərə almaqla hazırlanacaq standart əməliyyat prosedurları və qurumlararası əlaqələndirmə, qanunvericilik bazasının inkişaf etdirilməsi üzrə plan müzakirə olunmuşdur.

Görüşdə Azərbaycan Respublikası Milli Məclisinin, Fövqəladə Hallar, Səhiyyə, Daxili İşlər və Xarici İşlər nazirliklərinin, Dövlət Sərhəd Xidmətinin, Dövlət Gömrük Komitəsinin, Dövlət Dəniz Agentliyinin, Dövlət Miqrasiya Xidmətinin, Azərbaycan Qızıl Aypara Cəmiyyətinin və “Azərbaycan Hava Yolları” QSC-nin nümayəndələri iştirak etmişlər.

Digər məlumatlar

FHN-in Qarabağ Regional Mərkəzi uşaq bağçası-körpələr evində “dəyirmi masa” keçirib

18 iyun 2019-cu il tarixində Fövqəladə Hallar Nazirliyinin Qarabağ Regional Mərkəzinin təşklilatçılığı, Qarabağ Regional Dövlət Yanğın Nəzarəti İdarəsinin əməkdaşlarının iştirakı ilə Beyləqan rayon 7 nömrəli Uşaq Bağçası-Körpələr Evində “Fövqəladə hallarla bağlı qaydaları” mövzusunda “dəyirmi masa” keçirilib. ...

Ardını oxu

FHN-in Dövlət Yanğın Nəzarəti Xidməti mehmanxanada maarifləndirmə tədbiri keçirib

FHN-in Dövlət Yanğın Nəzarəti Xidməti 18 iyun 2019-cu il tarixində Səbail rayonu, H.Rzayeva küçəsi 3 ünvanda yerləşən “Promenade Hotel”  mehmanxanasında növbəti maarifləndirmə tədbirini keçirib. ...

Ardını oxu

FHN-in Gəncə Regional Mərkəzi nümunəvi dərs keçirib

Fövqəladə Hallar Nazirliyinin Gəncə Regional Mərkəzi Gəncə Dövlət Universitetində “Əhalinin fövqəladə hallar zamanı mühafizəsinin təşkili” mövzusunda nümunəvi dərs keçirib. ...

Ardını oxu