Geri

Yanğın-xilasetmə idmanı üzrə respublika birinciliyinin final mərhələsinə yekun vurulmuşdur

Fövqəladə Hallar Nazirliyinin Dövlət Yanğından Mühafizə Xidməti və FHN işçiləri Həmkarlar İttifaqı tərəfindən təşkil edilmiş yanğın-xilasetmə idmanı üzrə respublika birinciliyinin final mərhələsinə yekun vurulmuşdur. Respublika birinciliyi Dövlət Yanğından Mühafizə Xidmətinin şəxsi heyətinin peşə və fiziki hazırlığının yüksəldilməsi və eləcə də yanğın-xilasetmə idmanının Nazirlik əməkdaşları arasında populyarlaşdırılması, gənclər arasında bu idman növünün təbliği məqsədilə keçirilmişdir. Yanğın-xilasetmə idmanı üzrə respublika birinciliyi əvvəlcə regionlar üzrə keçirilmişdir. Regionlarda keçirilmiş yarışların final mərhələsinə 13 komanda vəsiqə qazanmışdır. Finalda iştirak edən 100-dən artıq idmançı 3 mərhələdə - təlim qülləsinə qalxma, 100 metrlik maneə zolağını dəf etmə və döyüş açılışında qüvvələrini sınamışlar. 8 oktyabr 2018-ci il tarixində birinciliyin başa çatması ilə əlaqadar olaraq Bakı şəhəri NM üzrə YMD-nın idman bazasında tədbir keçirilmişdir.

Tədbirdə yanğın-xilasetmə idmanı üzrə respublika birinciliyinin qalibləri elan olunmuşdur. Birincilikdə təlim qülləsinə qalxmaq üzrə mübarizədə 1-ci yerə Səbail rayon Dövlət Yanğından Mühafizə Hissəsinin böyük yanğınsöndürəni Əmin Kərimxanlı, 2-ci yerə Nəsimi rayon Dövlət Yanğından Mühafizə Hissəsinin manqa komandiri Seymur Məmmədov, 3-cü yerə isə Azərbaycan Respublikası Dövlət Neft Şirkətinin obyektləri üzrə Yanğından Mühafizə İdarəsinin yanğınsöndürəni Asəf İbrahimov layiq görülmüşdür.

100 metrlik maneə zolağının dəf edilməsi üzrə yarışda isə qalib Azərbaycan Respublikası Dövlət Neft Şirkətinin obyektləri üzrə Yanğından Mühafizə İdarəsinin yanğınsöndürəni Anar Quliyev olmuşdur. Nəsimi rayon Dövlət Yanğından Mühafizə Hissəsinin manqa komandiri Seymur Məmmədov 2-ci yeri, Sumqayıt şəhər Dövlət Yanğından Mühafizə İdarəsinin yanğınsöndürəni Vüsal Tahirov isə 3-cü yeri tutmuşdur.

Döyüş açılışı üzrə yarışlarda Xəzər rayon Dövlət Yanğından Mühafizə Hissəsi 1-ci, Sumqayıt şəhər Dövlət Yanğından Mühafizə İdarəsi 2-ci, Səbail rayon Dövlət Yanğından Mühafizə Hissəsi isə 3-cü yerə çıxmışdır.

Yanğın-xilasetmə idmanı üzrə respublika birinciliyinin nəticələri ümumiləşdirilərək komanda üzrə qaliblər müəyyənləşdirilmişdir. Azərbaycan Respublikası Dövlət Neft Şirkətinin obyektləri üzrə Yanğından Mühafizə İdarəsinin 2-ci komandası birinciliyin qalibi olmuşdur. 2-ci yerə Səbail rayon Dövlət Yanğından Mühafizə Hissəsinin komandası, 3-cü yerə isə Azərbaycan Respublikası Dövlət Neft Şirkətinin obyektləri üzrə Yanğından Mühafizə İdarəsinin 1-ci komandası layiq görülmüşdür.

FHN işçiləri Həmkarlar İttifaqının sədri Mehman İsmayılov, Dövlət Yanğından Mühafizə Xidmətinin rəis müavinləri daxili xidmət polkovnikləri Rasim Kərimov və Rza Xudiyev tərəfindən qaliblərə medal və diplomlar, qiymətli hədiyyələr təqdim edilmişdir.

 

 

 

 

 

Digər məlumatlar

FHN-in Qarabağ Regional Mərkəzi uşaq bağçası-körpələr evində “dəyirmi masa” keçirib

18 iyun 2019-cu il tarixində Fövqəladə Hallar Nazirliyinin Qarabağ Regional Mərkəzinin təşklilatçılığı, Qarabağ Regional Dövlət Yanğın Nəzarəti İdarəsinin əməkdaşlarının iştirakı ilə Beyləqan rayon 7 nömrəli Uşaq Bağçası-Körpələr Evində “Fövqəladə hallarla bağlı qaydaları” mövzusunda “dəyirmi masa” keçirilib. ...

Ardını oxu

FHN-in Dövlət Yanğın Nəzarəti Xidməti mehmanxanada maarifləndirmə tədbiri keçirib

FHN-in Dövlət Yanğın Nəzarəti Xidməti 18 iyun 2019-cu il tarixində Səbail rayonu, H.Rzayeva küçəsi 3 ünvanda yerləşən “Promenade Hotel”  mehmanxanasında növbəti maarifləndirmə tədbirini keçirib. ...

Ardını oxu

FHN-in Gəncə Regional Mərkəzi nümunəvi dərs keçirib

Fövqəladə Hallar Nazirliyinin Gəncə Regional Mərkəzi Gəncə Dövlət Universitetində “Əhalinin fövqəladə hallar zamanı mühafizəsinin təşkili” mövzusunda nümunəvi dərs keçirib. ...

Ardını oxu