Geri

FHN işçilərinin Həmkarlar İttifaqının təşkilatçılığı ilə Kiçik Həcmli Gəmilərə Nəzarət və Sularda Xilasetmə Dövlət Xidmətində çoxnövçülük üzrə yarışlar keçirmişdir

28-29 sentyabr 2017-ci il tarixlərində Fövqəladə Hallar Nazirliyi işçilərinin Həmkarlar İttifaqının təşkilatçılığı ilə Kiçik Həcmli Gəmilərə Nəzarət və  Sularda Xilasetmə Dövlət Xidmətinin struktur bölmələri arasında çoxnövçülük üzrə yarışlar keçirilmişdir. Yarışda 12 komanda mübarizə aparmışdır.

Buzovna xilasetmə məntəqəsində və Dövlət Yanğından Mühafizə Xidmətinin üzgüçülük hovuzunda keçirilən yarışlarda Kiçik Həcmli Gəmilərə Nəzarət və  Sularda Xilasetmə Dövlət Xidmətinin Bakı və Abşeron yarımadasında yerləşən xilasetmə məntəqələrinin əməkdaşları iştirak etmişdir.

Gərgin idman mübarizəsi şəraitində keçən yarışlarda komanda hesabında “Buzovna” məntəqəsinin komandası 1-ci yeri, “Pirşağı” məntəqəsinin komandası 2-ci yeri, “Corat” məntəqəsinin komandası 3-cü yeri tutmuşdur. Şəxsi birincilikdə isə Vladislav Hacıbalayev qalib olmuş, Roman Vasilyev və Rauf Əliyev müvafiq olaraq ikinci və üçüncü yerə layiq görülmüşdür.

Tədbirdə Fövqəladə Hallar Nazirliyi işçilərinin Həmkarlar İttifaqının sədri Mehman İsmayılov və Kiçik Həcmli Gəmilərə Nəzarət və  Sularda Xilasetmə Dövlət Xidmətinin rəis müavini Elxan Cəbiyev iştirak etmişdir.

Yarışların mükafatlandırma mərasimində çıxış edən Fövqəladə Hallar Nazirliyi işçilərinin Həmkarlar İttifaqının sədri Mehman İsmayılov iştirakçıları təbrik etmiş, onlara gələcək yarışlarda uğurlar arzulamışdır.

Qaliblərə Fövqəladə Hallar Nazirliyi işçilərinin Həmkarlar İttifaqının kubok, medal, diplom və qiymətli hədiyyələri təqdim olunmuşdur.

Digər məlumatlar

Ümummilli lider Heydər Əliyevin xatirəsi Fövqəladə Hallar Nazirliyinin Akademiyasında anılmışdır

Fövqəladə Hallar Nazirliyinin Akademiyasında fəaliyyət göstərən “Heydər Əliyev Məktəbinin lektoriyası”nın 11 dekabr 2017-ci il tarixində növbəti məşğələsi keçirilmişdir. Məşğələ ulu öndər Heydər Əliyevin  anım gününə həsr olunmuşdur.  Lektoriyanın qonağı Milli Məclisin deputatı, elmlər doktoru, professor Elman Nəsirov olmuşdur. ...

Ardını oxu

FHN-in Bakı Regional Mərkəzi Azərbaycan Tələbə Gənclər Təşkilatları İttifaqı ilə birgə “Fövqəladə hallar və Azərbaycan gəncliyi” mövzusunda elmi-praktik konfrans keçirmişdir

Fövqəladə Hallar Nazirliyinin Bakı Regional Mərkəzi ötən illərdə olduğu kimi, 2017-ci ildə də Azərbaycan Tələbə Gənclər Təşkilatları İttifaqı (ATGTİ) ilə əməkdaşlıq çərçivəsində tələbələr arasında maarifləndirmə tədbirlərini davam etdirir. Belə tədbirlərdən növbətisi dekabr ayının 8-də Qərbi Kaspi Universitetində “Fövqəladə hallar və Azərbaycan gəncliyi” mövzusunda keçirilmiş elmi-praktik konfrans olmuşdur. ...

Ardını oxu

“Qafqaz Baku city&residences” otelində yanğın-taktiki təlimi keçirilmişdir

Fövqəladə Hallar Nazirliyi Dövlət Yanğından Mühafizə Xidmətinin Yasamal rayon Yanğından Mühafizə Hissəsi və FHN-in Xüsusi Riskli Xilasetmə Xidmətinin Yasamal rayon bölməsi 7 dekabr 2017-ci il tarixində Bakı şəhər Tbilisi prospekti 38 ünvanında yerləşən “Qafqaz Baku city&residences” otelində yanğın-taktiki təlim kecirmişdir. ...

Ardını oxu