Geri

Fövqəladə Hallar Nazirliyi Dövlət Material Ehtiyatları Agentliyində Həmkarlar İttifaqı Komitəsinin hesabat-seçki konfransı keçirilmişdir

29 sentyabr 2017-ci il tarixində Fövqəladə Hallar Nazirliyi Dövlət Material Ehtiyatları Agentliyi aparatı və agentliyə tabe olan qurumlarda - Dövlət Taxıl Fondu, “Qala”, “Qaya” və “Qoşqar” kombinatında fəaliyyət göstərən həmkarlar ittifaqı komitələrinin hesabat-seçki konfransı keçirilmişdir

Konfransda ilk olaraq, Fövqəladə Hallar Nazirliyi işçilərinin Həmkarlar İttifaqının sədri Mehman İsmayılov çıxış edərək rəhbərlik etdiyi ittifaq və görülmüş işlər haqqında məlumat vermişdir.

Fövqəladə Hallar Nazirliyi Dövlət Material Ehtiyatları Agentliyi işçilərinin Həmkarlar İttifaqı Komitəsinin sədri Sevda Həsənova  Dövlət Material Ehtiyatları Agentliyi aparatı və agentliyə tabe olan müəsisələrdə fəaliyyət göstərən həmkarlar ittifaqı komitələrinin hesabatını vermişdir.

Komitə sədri  çıxışı zamanı qeyd etmişdir ki, hesabat dövrü ərzində fəaliyyətlərini Azərbaycan Respublikası Prezidentinin Fərman və Sərəncamları, Fövqəladə Hallar Nazirliyi işçilərinin Həmkarlar İttifaqının qərar, göstəriş və tövsiyələrini üzvlər arasında təbliğ edilməsi əsasında qurmuşlar. Həmçinin, işçilərin sağlamlıqlarının qorunması, asudə vaxtlarının səmərəli keçirilməsində bütün səy bacarıqlarını əsirgəməmişlər.

Daha sonra Dövlət Material Ehtiyatları Agentliyinin rəis müavini Səyyad Ələsgərov çıxış edərək rəhbərlik etdiyi agentliyin  işçilərinə göstərilmiş diqqət və qayğını yüksək qiymətləndirmişdir.

Qeyd edək ki, konfransda agentlik və ona tabeli müəsisələrdə fəaliyyət göstərən həmkarlar ittifaqı komitələrinin fəaliyyətinin səmərəliliyinin və effektliyinin daha da artırılması məqsədilə digər kiçik həmkarlar ittifaqı komitələrinin birləşərək vahid bir komitə şəklində birləşdirilməsi təklifi irəli sürülmuş, konfrans iştirakçılarının müzakirəsinə çıxarılaraq bu təklif yekdilliklə qəbul edilmişdir. Həmçinin təklif edilmişdir ki, yeni komitənin adı Dövlət Matereal Ehtiyatları Aparatı və müəsisələri işçilərinin Həmkarlar İttifaqı Komitəsi adlandırılsın.

Konfransın sonunda, yeni yaradılmış komitəyə sədr seçkiləri keçirilmiş və Sevda Həsənova  Dövlət Matereal Ehtiyatları Aparatı və müəsisələri işçilərinin Həmkarlar İttifaqı Komitəsinin sədri seçilmişdir.

Digər məlumatlar

Ümummilli lider Heydər Əliyevin xatirəsi Fövqəladə Hallar Nazirliyinin Akademiyasında anılmışdır

Fövqəladə Hallar Nazirliyinin Akademiyasında fəaliyyət göstərən “Heydər Əliyev Məktəbinin lektoriyası”nın 11 dekabr 2017-ci il tarixində növbəti məşğələsi keçirilmişdir. Məşğələ ulu öndər Heydər Əliyevin  anım gününə həsr olunmuşdur.  Lektoriyanın qonağı Milli Məclisin deputatı, elmlər doktoru, professor Elman Nəsirov olmuşdur. ...

Ardını oxu

FHN-in Bakı Regional Mərkəzi Azərbaycan Tələbə Gənclər Təşkilatları İttifaqı ilə birgə “Fövqəladə hallar və Azərbaycan gəncliyi” mövzusunda elmi-praktik konfrans keçirmişdir

Fövqəladə Hallar Nazirliyinin Bakı Regional Mərkəzi ötən illərdə olduğu kimi, 2017-ci ildə də Azərbaycan Tələbə Gənclər Təşkilatları İttifaqı (ATGTİ) ilə əməkdaşlıq çərçivəsində tələbələr arasında maarifləndirmə tədbirlərini davam etdirir. Belə tədbirlərdən növbətisi dekabr ayının 8-də Qərbi Kaspi Universitetində “Fövqəladə hallar və Azərbaycan gəncliyi” mövzusunda keçirilmiş elmi-praktik konfrans olmuşdur. ...

Ardını oxu

“Qafqaz Baku city&residences” otelində yanğın-taktiki təlimi keçirilmişdir

Fövqəladə Hallar Nazirliyi Dövlət Yanğından Mühafizə Xidmətinin Yasamal rayon Yanğından Mühafizə Hissəsi və FHN-in Xüsusi Riskli Xilasetmə Xidmətinin Yasamal rayon bölməsi 7 dekabr 2017-ci il tarixində Bakı şəhər Tbilisi prospekti 38 ünvanında yerləşən “Qafqaz Baku city&residences” otelində yanğın-taktiki təlim kecirmişdir. ...

Ardını oxu