Geri

Fövqəladə Hallar Nazirliyi Akademiyası işçilərinin Həmkarlar İttifaqı Komitəsində hesabat-seçki konfransı keçirilmişdir

Fövqəladə Hallar Nazirliyi Akademiyası işçilərinin Həmkarlar İttifaqı Komitəsində hesabat-seçki konfransı keçirilmişdir.

İlk olaraq, Fövqəladə Hallar Nazirliyi işçilərinin Həmkarlar İttifaqının sədri Mehman İsmayılov çıxış edərək hesabat-seçki konfransının işini açıq elan etmiş, rəhbərlik etdiyi ittifaq və görülmüş işlər haqqında məlumat vermişdir. Sonra Fövqəladə Hallar Nazirliyi Akademiyası işçilərinin Həmkarlar İttifaqı Komitəsinin sədri İradə Kərimova hesabat məruzəsi ilə çıxış etmişdir. O bildirmişdir ki, komitə hesabat dövrü ərzində öz fəaliyyətini Azərbaycan Respublikası Prezidentinin Fərman və Sərəncamları, Fövqəladə Hallar Nazirliyi işçilərinin Həmkarlar İttifaqının qərar, göstəriş və tövsiyələrinin üzvlər arasında təbliğ edilməsi əsasında qurmuşdur.

Daha sonra Fövqəladə Hallar Nazirliyi Akademiyasının rəisi general-mayor Pənah Süleymanov çıxış edərək komitə üzvlərinin asudə vaxtlarını səmərəli keçirməsinə, səhhətində problem yaranmış işçilərin sağlamlığının təmin olunması məqsədilə ixtisaslaşmış sanatoriyalara yollayışların verilməsinə, ailə vəziyyəti çətin olan işçilərə maddi yardımların edilməsinə, xidmət vaxtı xüsusi fərqlənən və yubiley yaşları tamam olan üzvlərin fəxri fərman və qiymətli hədiyyələrlə mükafatlandırılması kimi işlərə görə təşəkkürünü bildirmişdir.

Konfransda Fövqəladə Hallar Nazirliyi Akademiyası işçilərinin Həmkarlar İttifaqı Komitəsinin sədri İradə Kərimova yenidən sədr seçilmişdir. Həmçinin, konfransda Fövqəladə Hallar Nazirliyi işçilərinin Həmkarlar İttifaqının növbəti aylarda keçiriləcək konfransında iştirak etmək üçün Fövqəladə Hallar Nazirliyi Akademiyası işçilərinin Həmkarlar İttifaqı Komitəsindən 3 nəfər nümayəndə seçilmişdir.

Hesabat-seçki konfransı bitdikdən sonra Fövqəladə Hallar Nazirliyi Akademiyasının yubiley yaşı olan 5 əməkdaşı fəxri fərman və qiymətli hədiyyələrlə mükafatlandırılmışdır.

Digər məlumatlar

FHN-in regional mərkəzlərində Azərbaycan xalqının ümummilli lideri Heydər Əliyevin xatirəsinə həsr olunmuş anma mərasimləri keçirilmişdir

12 dekabr 2017–ci il tarixində Fövqəladə Hallar Nazirliyinin Bakı, Sumqayıt, Qarabağ, Cənub, Gəncə, Muğan və Şimal Regional mərkəzlərində Azərbaycan xalqının ümummilli lideri Heydər Əliyevin anım günü ilə bağlı tədbirlər keçirilmişdir. ...

Ardını oxu

Ümummilli lider Heydər Əliyevin xatirəsi Fövqəladə Hallar Nazirliyinin Akademiyasında anılmışdır

Fövqəladə Hallar Nazirliyinin Akademiyasında fəaliyyət göstərən “Heydər Əliyev Məktəbinin lektoriyası”nın 11 dekabr 2017-ci il tarixində növbəti məşğələsi keçirilmişdir. Məşğələ ulu öndər Heydər Əliyevin  anım gününə həsr olunmuşdur.  Lektoriyanın qonağı Milli Məclisin deputatı, elmlər doktoru, professor Elman Nəsirov olmuşdur. ...

Ardını oxu

FHN-in Bakı Regional Mərkəzi Azərbaycan Tələbə Gənclər Təşkilatları İttifaqı ilə birgə “Fövqəladə hallar və Azərbaycan gəncliyi” mövzusunda elmi-praktik konfrans keçirmişdir

Fövqəladə Hallar Nazirliyinin Bakı Regional Mərkəzi ötən illərdə olduğu kimi, 2017-ci ildə də Azərbaycan Tələbə Gənclər Təşkilatları İttifaqı (ATGTİ) ilə əməkdaşlıq çərçivəsində tələbələr arasında maarifləndirmə tədbirlərini davam etdirir. Belə tədbirlərdən növbətisi dekabr ayının 8-də Qərbi Kaspi Universitetində “Fövqəladə hallar və Azərbaycan gəncliyi” mövzusunda keçirilmiş elmi-praktik konfrans olmuşdur. ...

Ardını oxu