Geri

Qəbələdə keçirilən səmti müəyyən etmə idman növü üzrə FHN-in V ölkə çempionatının qalibləri məlum olmuşdur

Sentyabrın 13-də Qəbələ rayonunda Fövqəladə Hallar Nazirliyi İdman-sağlamlıq klubu və FHN İşçilərinin Həmkarlar İttifaqı tərəfindən birgə keçirilən səmti müəyyən etmə idman növü üzrə FHN-in V respublika çempionatının final mərhələsi başa çatmışdır.

Qəbələ rayonundakı meşə massivində keçirilən yarışın bağlanış mərasimində Fövqəladə Hallar Nazirliyi İdman-sağlamlıq klubunun rəisi polkovnik Füzuli Musayev, FHN İşçilərinin Həmkarlar İttifaqının sədri Mehman İsmayılov çıxış edərək bildirmişlər ki, FHN-in qurumları arasında keçirilən səmti müəyyən etmə idman növü üzrə V ölkə çempionatında 19 qurumdan 19 komanda olmaqla 91 kişi və 5 qadın idmançı iştirak edib. İki gün davam edən yarışın final mərhələsində nazirliyin qurumlarının əməkdaşları komanda və şəxsi birincilik üzrə öz bacarıqlarını nümayiş etdiriblər.

Natiqlər səmti müəyyən etmə idman növü üzrə ölkə çempionatında ilk 3 yeri tutan əməkdaşları, komandaların üzvlərini təbrik edib, ölkəmizdə bu idman növünün inkişafı üçün görülən işlərdən, əldə edilən uğurlardan danışıblar.

Məlumat verilib ki, FHN əməkdaşlarının baş verə biləcək fövqəladə hadisələrə hazırlığını yoxlamaq məqsədilə meşə şəraitində keçirilən bu yarışdan öncə baş hakim tərəfindən püşkatma mərasimi, komanda nümayəndələrinin toplantısı, eləcə də idmançılar üçün seminar keçirilib. Sonra kişi və qadın iştirakçılar kompas və xəritədən istifadə etməklə 4 kilometr məsafədə yerləşən 11 nəzarət məntəqəsini hamıdan tez taparaq finiş xəttinə çatmaq uğrunda mübarizə aparıblar. Burada hər bir idmançıya 2 saat vaxt verilib.

Yarışda FHN-in Tikintidə Təhlükəsizliyə Nəzarət Dövlət Agentliyinin komandası birinci, nazirliyin Mərkəzi aparatının komandası ikinci, Kiçik Həcmli Gəmilərə Nəzarət və Sularda Xilasetmə Dövlət Xidmətinin komandası üçüncü yeri tutub. Qızlar arasında şəxsi yarışlarda Tikintidə Təhlükəsizliyə Nəzarət Dövlət Agentliyinin əməkdaşı Sevda Verdiyeva birinci, Xüsusi Riskli Xilasetmə Xidmətinin əməkdaşı Arzu Eyvazova ikinci, Cənub Regional Mərkəzinin əməkdaşı Nigar Məmmədova üçüncü yeri tutub. Kişilərin yarışında isə FHN-nin Aviasiya Dəstəsinin əməkdaşı Pərvin Əliyev birinci, Dövlət Yanğından Mühafizə Xidmətinin işçisi Şahin Həmidov ikinci, Mülki Müdafiə Qoşunlarının əməkdaşı Şükür Şükürlü üçüncü yerə çıxıb. Sonda qaliblərə medal, diplom, kubok və qiymətli hədiyyələr təqdim olunub.

Qeyd edək ki, FHN-in əməkdaşları səmti müəyyən etmə idman növü üzrə Azərbaycan milli yığma komandasının heyətinə cəlb olunaraq dünya və Avropa çempionatlarında iştirak edəcəklər.  

Digər məlumatlar

Gəncədə “Ümummilli lider Heydər Əliyev və Silahlı Qüvvələr” mövzusunda elmi-praktik konfrans keçirilmişdir

Azərbaycan Respublikası Fövqəladə Hallar Nazirliyi işçilərinin Həmkarlar İttifaqı ümummilli lider Heydər Əliyevin anadan olmasının 95 illiyi və Azərbaycan Silahlı Qüvvələrinin yaradılmasının 100 illiyi münasibətilə 22 iyun 2018-ci il tarixində Fövqəladə Hallar Nazirliyinin Gəncə Regional Mərkəzində “Ümummilli lider Heydər Əliyev və Silahlı Qüvvələr” mövzusunda elmi-praktik konfrans keçirmişdir....

Ardını oxu

Füzuli rayon Mərkəzi Xəstəxanasında rəhbər heyətin mülki müdafiə məşqi keçirilmişdir

FHN Qarabağ Regional Mərkəzi 22 iyun 2018-ci il tarixində Füzuli rayon Mərkəzi Xəstəxanasında “Fövqəladə hadisələrin nəticələrinin aradan qaldırılması zamanı Mülki müdafiə qüvvələrinin idarə olunmasının təşkili” mövzusunda mülki müdafiə məşqi keçirmişdir. ...

Ardını oxu

Fövqəladə Hallar Nazirliyi işçilərinin Həmkarlar İttifaqının təşkilatçılığı ilə 26 iyun - Silahlı Qüvvələr Günü münasibətilə tədbir keçirilmişdir

22 iyun 2018-ci il tarixində  Fövqəladə Hallar Nazirliyinin Mülki Müdafiə Qoşunlarının Gəncə şəhərində yerləşən N saylı hərbi hissəsində FHN işçilərinin Həmkarlar İttifaqının təşkilatçılığı ilə 26 iyun - Azərbaycan Silahlı Qüvvələri Gününə həsr olunmuş tədbir keçirilmişdir. ...

Ardını oxu