Geri

FHN Akademiyasında Silahlı Qüvvələr Gününə həsr olunmuş tədbir keçirilmişdir

23 iyun 2017-ci il tarixində Fövqəladə Hallar Nazirliyinin Akademiyasında Azərbaycan Respublikası Silahlı Qüvvələrinin 99-cu ildönümünə həsr olunmuş bayram tədbiri keçirilmişdir.

Azərbaycan Respublikasının Dövlət himninin səslənməsi ilə başlanan tədbirdə çıxış edən Akademiyanın rəisi general-mayor Pənah Süleymanov Silahlı Qüvvələr Günü münasibətilə toplantı iştirakçılarını təbrik etmiş, 1918-ci il iyunun 18-də  Milli Ordumuzun yaradılmasını Azərbaycan tarixinin şanlı səhifələrindən biri kimi qiymətləndirmişdir. Natiq vurğulamışdır ki, ulu öndər Heydər Əliyevin xalqın təkidli tələbi ilə siyasi hakimiyyətə qayıdışından sonra ordu quruculuğu ilə bağlı genişmiqyaslı islahatlara start verilmiş, tezliklə hərbi hissələrin, ayrı-ayrı qoşun növlərinin formalaşdırılması tam başa çatdırılmış, hərbi vətənpərvərlik işi gücləndirilmiş, ordu quruculuğunun  ən müxtəlif sahələri ilə bağlı zəruri olan qanunlar qəbul edilmiş, Silahlı Qüvvələrin mükəmməl qanunvericilik bazası yaradılmışdır. Ulu öndərin 22 may 1998-ci il tarixli Fərmanı ilə 26 iyun Azərbaycan Respublikasının Silahlı Qüvvələr Günü elan olunmuş və hər il bu tarix  rəsmi dövlət bayramı kimi qeyd olunur.

P. Süleymanov daha sonra qeyd etmişdir ki, ulu öndər Heydər Əliyevin siyasi kursunun davamçısı, ölkə başçısı, Silahlı Qüvvələrin Ali Baş Komandanı cənab İlham Əliyevin diqqət və qayğısı sayəsində ordumuz həm potensialına, həm döyüş qabiliyyətinə, həm də möhkəm maddi-texniki bazasına görə dünyada güclü ordular sırasındadır.

Sonra Akademiyanın Hərbi kafedrasının müəllimi, ehtiyatda olan polkovnik-leytenant Arzu Musayev çıxış edərək müstəqillik dövründə Azərbaycan Silahlı Qüvvələrinin yaradılması və onun formalaşmasında ulu öndər Heydər Əliyevin misilsiz xidmətlərindən bəhs etmişdir.  

Digər məlumatlar

FHN-in Sumqayıt Regional Mərkəzi “dəyirmi masa” keçirmişdir

Fövqəladə Hallar Nazirliyinin Sumqayıt Regional Mərkəzi 21 iyun 2018-ci il tarixində Abşeron rayon Qobu Bələdiyyəsində “Fövqəladə halların qarşısının alınması və nəticələrinin aradan qaldırılması sahəsində Sumqayıt Regional Mərkəzi ilə yerli özünüidarəetmə orqanları arasında qarşılıqlı fəaliyyətin təşkili” mövzusunda “dəyirmi masa” keçirmişdir. ...

Ardını oxu

FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin əməkdaşı Avropa çempionatında bürünc medal qazanmışdır

14-18 iyun 2018-ci il tarixlərində Şotlandiyanın Qlazqo şəhərində veteranlar arasında cüdo üzrə Avropa çempionatı keçirilmişdir. ...

Ardını oxu

FHN-in Muğan Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Muğan Regional Mərkəzi 20 iyun 2018-ci il tarixində Neftçala rayonu Xolqaraqaşlı kənd sahə xəstəxanasında “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir. ...

Ardını oxu