Geri

Fövqəladə Hallar Nazirliyinin Akademiyasında elmi-praktik konfrans keçirilmişdir

Fövqəladə Hallar Nazirliyinin Akademiyasında 28 aprel 2017-ci il tarixində ümummilli lider Heydər Əliyevin anadan olmasının 94–cü ildönümünə həsr olunmuş “Fövqəladə hallarda xəbərdarlıq, xilasetmə və yardım” mövzusunda kursant və magistrantların IV elmi-praktik konfransı keçirilmişdir.

Konfrans iştirakçıları əvvəlcə Akademiyanın Heydər Əliyev Mərkəzi ilə tanış olmuşlar.

Konfransı giriş sözü ilə açan Akademiyanın rəis müavini, iqtisad üzrə fəlsəfə doktoru Cabir Həsənov Azərbaycan xalqının ümummilli lideri Heydər Əliyevin zəngin həyat və fəaliyyətindən söhbət açaraq qeyd etmişdir ki, Heydər Əliyev şəxsiyyətinin müasir Azərbaycan dövlətçilik tarixində müstəsna yeri vardır. Azərbaycanın təxminən 30 ildən artıq bir dövrünü əhatə edən tarixi taleyi Heydər Əliyevin adı ilə bağlıdır. Ulu Öndər özünün zəngin və mənalı həyatı boyu daim xalqını, doğma vətənini düşünmüş onu üzləşdiyi çətinliklərdən xilas etmək üçün çox böyük fədakarlıqlar göstərmişdir.

Hər il olduğu kimi xüsusi tədbirlər planına müvafiq olaraq, Azərbaycan xalqının ümummilli lideri Heydər Əliyevin anadan olmasının ildönümü ərəfəsində çox saylı tədbirlər həyat keçirilir və bugünkü toplantı da ulu öndərin əziz xatirəsinə həsr edilmiş kursant və magistrantların IV elmi-praktik konfransıdır. Bu cür tədbirlərin keçirilməsinin kursant və magistrantların elmi-tədqiqat işlərinə maraqlarının formalaşması, tədris materiallarının yaradıcı səviyyədə mənimsənilməsi, elmi araşdırma üsullarının dərindən öyrənilməsi və onların xüsusi təhsilli mütəxəssis kimi yetişməsi üçün böyük əhəmiyyətə malik olduğunu deyən Cabir Həsənov tədbir iştirakçılarına uğurlar arzulamışdır.

Sonra Nicat İsmayılov, Fərid Quliyev, İbrahim Şiriyev, Mirramin Yunusov və Tural Ələsgərli müxtəlif mövzularda elmi məruzələrlə çıxış etmişlər.

Plenar iclasdan sonra “Yanğın təhlükəsizliyi”, “Həyat fəaliyyətinin təhlükəsizliyi”, “Təbiət və fundamental fənlər”, “Hərbi hazırlıq” və “Həyat fəaliyyətinin təhlükəsizliyinin hümanitar məsələləri” adlı bölmə iclaslarında kursant və magistrantların məruzələri dinlənilmişdir.

Digər məlumatlar

Fövqəladə Hallar Nazirliyi işçilərinin Həmkarlar İttifaqının təşkilatçılığı ilə anım tədbirləri keçirilib

17 yanvar 2020-ci il tarixində Fövqəladə Hallar Nazirliyi işçilərinin Həmkarlar İttifaqının təşkilatçılığı ilə 20 Yanvar Faciəsinin 30-cu ildönümü münasibətilə Fövqəladə Hallar Nazirliyinin “İzotop” xüsusi kombinatının akt zalında tədbir keçirilib. ...

Ardını oxu

FHN-in qurumlarında və regional mərkəzlərində 20 Yanvar faciəsi qurbanlarının xatirəsi anılıb

Fövqəladə Hallar Nazirliyinin qurumlarında və regional mərkəzlərində 20 Yanvar faciəsinin 30-cu ildönümü ilə bağlı anım tədbirləri keçirilib. ...

Ardını oxu

FHN-nin Aran Regional Mərkəzi maarifləndirmə tədbiri keçirib

Fövqəladə Hallar Nazirliyinin Aran Regional Mərkəzi 17 yanvar 2020-ci il tarixində FHN-in bu regionda fəaliyyət göstərən digər qurumları ilə birgə Goranboy rayon Xanqərvənd tam orta məktəbinin kollektivi ilə “Fövqəladə hallarla bağlı davranış qaydaları” mövzusunda maarifləndirmə tədbiri keçirib. ...

Ardını oxu