Geri

FHN-in Bakı Regional Mərkəzi və Azərbaycan Tələbə Gənclər Təşkilatları İttifaqı elmi-praktik konfrans keçirmişlər

Fövqəladə Hallar Nazirliyinin Bakı Regional Mərkəzi və Azərbaycan Tələbə Gənclər Təşkilatları İttifaqının təşkilatçılığı ilə 26 aprel 2017-ci il tarixində “Həyat fəaliyyətinin təhlükəsizliyi Azərbaycan gəncliyinin gözü ilə” mövzusunda elmi-praktik konfrans keçirilmişdir.

Konfransda çıxış edən FHN Regional Mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsinin idarə rəisi Ceyhun Salmanov fövqəladə hallardan qorunma, əhalinin fövqəladə hallara hazırlığının artırılması və baş vermiş fəlakətlər zamanı insan itkisinin qarşısının alınmasının əsas prioritet məsələlərdən biri olduğunu bildirmiş və Nazirliyin bu sahədə həyata keçirdiyi genişmiqyaslı maarifləndirmə işlərindən danışmışdır. O, qeyd etmişdir ki, FHN gənc nəslin də maarifləndirilməsini xüsusi olaraq diqqətdə saxlayaraq müxtəlif tədbirlər keçirir.

FHN Regional Mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsinin idarə rəisi Azadi Quliyev nazirliyin  yaradıldığı gündən maairfləndirmə məsələlərinə elmi-konseptual yanaşma nümayiş etdirdiyini vurğulayaraq bugünkü elmi-praktik konfransın da həmin yanaşmanın təzahürü olduğunu diqqətə çatdırmışdır,

Fövqəladə Hallar Nazirliyi Bakı Regional Mərkəzinin rəis müavini Elxan Cəbiyev fövqəladə hallara hazırlıq, fövqəladə halların qarşısının alınması və nəticələrinin aradan qaldırılması istiqamətində əhalinin müxtəlif təbəqələri, o cümlədən gənclərlə müxtəlif xarakterli maarifləndirmə işləri aparıldığını qeyd edərək bildirmişdir ki, artıq yeddi ildir ki, Azərbaycan Tələbə Gənclər Təşkilatları İttifaqı ilə birgə bu səpkidən olan elmi-praktik konfranslar təşkil olunur.

Azərbaycan Tələbə Gənclər Təşkilatları İttifaqının departament direktoru Həsən Əliyev Fövqəladə Hallar Nazirliyinə təşəkkürünü bildirərək bu cür yüksək səviyyəli tədbirlərin gənc nəslin təbii və texnogen mənşəli hadisələrə hazırlığı üçün böyük əhəmiyyət kəsb etdiyini vurğulamışdır.

Konfransda Fövqəladə Hallar Nazirliyi Akademiyasının kursantı Mirramin Yunusov “Həyat fəaliyyətinin təhlükəsizliyinin təmin edilməsində beynəlxalq təcrübənin  tətbiqi”, Azərbaycan Dillər Universitetinin tələbəsi İlahə Balakişiyeva “Gənclərin fövqəladə hallarla mübarizəyə cəlb edilməsi yolları”, Azərbaycan Dövlət İqtisad Universitetinin tələbəsi Elşən Əsədli “Fövqəladə hallar zamanı gənclərin psixoloji hazırlığı”, Bakı Dövlət Universitetinin  tələbəsi Həyat Qarayeva “Fövqəladə hallar zamanı KİV-lərlə işin təşkili”,  Tibb Universitetinin tələbəsi Fərid Ələkbərli “Fövqəladə hallar zamanı ilk tibbi yardım” mövzusunda məruzələrlə çıxış etmişlər.

Konfransın yekununda məruzələrdəki mövzular ətrafında müzakirələr aparılmışdır. Tədbirdə çıxış edən natiqlər gənc nəslin fövqəladə halların qarşısının alınması və nəticələrinin aradan qaldırılması ilə bağlı maariflənməsi üçün müstəsna əhəmiyyətə malik bu cür tədbirlərin mütəmadi keçirilməsinin məqsədəuyğun olduğunu bildirmiş və əməkdaşlığın gələcəkdə də davam etdirilməsinin vacibliyini vurğulamışlar.

Digər məlumatlar

Füzuli rayon Mərkəzi Xəstəxanasında rəhbər heyətin mülki müdafiə məşqi keçirilmişdir

FHN Qarabağ Regional Mərkəzi 22 iyun 2018-ci il tarixində Füzuli rayon Mərkəzi Xəstəxanasında “Fövqəladə hadisələrin nəticələrinin aradan qaldırılması zamanı Mülki müdafiə qüvvələrinin idarə olunmasının təşkili” mövzusunda mülki müdafiə məşqi keçirmişdir. ...

Ardını oxu

Fövqəladə Hallar Nazirliyi işçilərinin Həmkarlar İttifaqının təşkilatçılığı ilə 26 iyun - Silahlı Qüvvələr Günü münasibətilə tədbir keçirilmişdir

22 iyun 2018-ci il tarixində  Fövqəladə Hallar Nazirliyinin Mülki Müdafiə Qoşunlarının Gəncə şəhərində yerləşən N saylı hərbi hissəsində FHN işçilərinin Həmkarlar İttifaqının təşkilatçılığı ilə 26 iyun - Azərbaycan Silahlı Qüvvələri Gününə həsr olunmuş tədbir keçirilmişdir. ...

Ardını oxu

FHN-in Dövlət Yanğın Nəzarəti Xidməti yanğın təhlükəsizliyi ilə bağlı tədbirləri davam etdirir

FHN-in Dövlət Yanğın Nəzarəti Xidmətinin əməkdaşları 22 iyun 2018-ci il tarixində Xətai rayonunun Əhmədli qəsəbəsində və Xudu Məmmədov küçəsi 6 ünvanında yaşayan sakinlərlə görüş keçirmişlər. Sakinlərə yanğın təhlükəsizliyinə dair biliklərin aşılanması məqsədilə təşkil edilən tədbir “Mənzillərdə yanğın təhlükəsizliyi” mövzusunda keçirilmişdir. Görüşdə yanğın təhlükəsizliyinə dair söhbətlər aparılmış, suallar......

Ardını oxu