Geri

Fövqəladə Hallar Nazirliyi işçilərinin Həmkarlar İttifaqının üzvləri Quba Soyqırımı Memorial Kompleksini ziyarət etmişlər

Fövqəladə Hallar Nazirliyi işçilərinin Həmkarlar İttifaqının təşkilatçılığı ilə 30 mart 2017-ci il tarixində Fövqəladə Hallar Nazirliyinin Aparat və qurumlarında fəaliyyət gostərən həmkarlar ittifaqı komitə sədrləri 31 Mart - Azərbaycanlıların Soyqırımı Günü ilə əlaqədar 1918-ci ildə bolşevik-erməni silahlı dəstələrinin Azərbaycan torpaqlarında həyata keçirdikləri kütləvi qırğınlar nəticəsində həlak olan on minlərlə azərbaycanlının xatirəsinə ucaldılmış Quba Soyqırımı Memorial Kompleksini ziyarət etmişlər.

Ziyarətçilər əvvəlcə, Qudyalçay vadisində yerləşən, soyqırımı izini itirmək istəyən erməni cəlladlarının qədim Qubanın su ehtiyat anbarları kimi istifadə olunmuş quyulara atdığı faciə qurbanlarının kütləvi sümük qalıqları olan məzarlığa baş çəkmişlər.

Sonra kütləvi məzarlığın yanında ucaldılan Memorial Kompleksdə soyqırımına aid 19 bölmədən ibarət, 1918-ci il hadisələri ərəfəsində dinc Quba həyatını əks etdirən foto-şəkillərlə başlayan və qanlı hadisələrdən sonra cinayəti tədqiq etmək üçün Azərbaycan Xalq Cümhuriyyətinin Fövqəladə Təhqiqat Komissiyasının yaradılması haqda qərarı və komissiyanın sənədləri, 1918-1920-ci illərdə Azərbaycan Xalq Cümhuriyyətinin ərazisini əks etdirən xüsusi məzmunlu xəritə, ümummilli lider Heydər Əliyevin soyqırımı haqqında sərəncamı və digər tarixi sənədlərin olduğu muzey ekspozisiyası  ilə tanışlıq olmuşdur.

Soyqırımı kompleksinə ziyarətdən sonra, FHN əməkdaşları Quba şəhəri Heydər Əliyev Mərkəzində, Quba Xalçaçılıq Muzeyində, Quba rayon Tarix-diyarşünaslıq Muzeyində və bir sıra tarixi yerlərə baş çəkmişlər.

Digər məlumatlar

Füzuli rayon Mərkəzi Xəstəxanasında rəhbər heyətin mülki müdafiə məşqi keçirilmişdir

FHN Qarabağ Regional Mərkəzi 22 iyun 2018-ci il tarixində Füzuli rayon Mərkəzi Xəstəxanasında “Fövqəladə hadisələrin nəticələrinin aradan qaldırılması zamanı Mülki müdafiə qüvvələrinin idarə olunmasının təşkili” mövzusunda mülki müdafiə məşqi keçirmişdir. ...

Ardını oxu

Fövqəladə Hallar Nazirliyi işçilərinin Həmkarlar İttifaqının təşkilatçılığı ilə 26 iyun - Silahlı Qüvvələr Günü münasibətilə tədbir keçirilmişdir

22 iyun 2018-ci il tarixində  Fövqəladə Hallar Nazirliyinin Mülki Müdafiə Qoşunlarının Gəncə şəhərində yerləşən N saylı hərbi hissəsində FHN işçilərinin Həmkarlar İttifaqının təşkilatçılığı ilə 26 iyun - Azərbaycan Silahlı Qüvvələri Gününə həsr olunmuş tədbir keçirilmişdir. ...

Ardını oxu

FHN-in Dövlət Yanğın Nəzarəti Xidməti yanğın təhlükəsizliyi ilə bağlı tədbirləri davam etdirir

FHN-in Dövlət Yanğın Nəzarəti Xidmətinin əməkdaşları 22 iyun 2018-ci il tarixində Xətai rayonunun Əhmədli qəsəbəsində və Xudu Məmmədov küçəsi 6 ünvanında yaşayan sakinlərlə görüş keçirmişlər. Sakinlərə yanğın təhlükəsizliyinə dair biliklərin aşılanması məqsədilə təşkil edilən tədbir “Mənzillərdə yanğın təhlükəsizliyi” mövzusunda keçirilmişdir. Görüşdə yanğın təhlükəsizliyinə dair söhbətlər aparılmış, suallar......

Ardını oxu