Geri

FHN Akademiyasında 31 Mart-Azərbaycanlıların Soyqırımı Gününə həsr olunmuş tədbir keçirilmişdir

Fövqəladə Hallar Nazirliyinin Akademiyasında 31 Mart-Azərbaycanlıların Soyqırımı Gününə həsr olunmuş tədbir keçirilmişdir.

Əvvəlcə, tədbir iştirakçıları soyqırımı qurbanlarının əziz xatirəsini bir dəqiqəlik sükutla yad etmişlər.

Tədbiri giriş sözü ilə açan Fövqəladə Hallar Nazirliyi Akademiyasının rəisi general-mayor Pənah Süleymanov bildirmişdir ki, 1918-ci il martın 31-dən ermənilərin Bakı və ətraf kəndlərdən başlatdığı soyqırımı Azərbaycanın bir çox şəhər və rayonlarını, indiki Ermənistan ərazisində azərbaycanlıların yaşadığı kəndləri əhatə etmişdir. Daşnak-bolşevik birləşmələri yüzlərlə yaşayış məntəqəsini dağıtmış, on minlərlə günahsız azərbaycanlını vəhşicəsinə qətlə yetirmiş, Bakının böyük bir hissəsini xarabalığa çevirmişlər. Ümummilli lider Heydər Əliyevin 1998-ci il martın 26-da imzaladığı “Azərbaycanlıların soyqırımı haqqında” Fərmanla ilk dəfə dövlət səviyyəsində bu qətliama siyasi qiymət verilmişdir.

Azərbaycan Respublikası Milli Məclisinin deputatı, professor Elman Nəsirov çıxışında demişdir ki, 1918-ci il martın 31-də törədilmiş qətliamlar Azərbaycan xalqının qan yaddaşında ən faciəli hadisələrdən biri kimi qalmışdır.  Ermənilər tərəfindən azərbaycanlıların kütləvi şəkildə qətl edilməsi, doğma yurdlarından didərgin salınması siyasəti XX əsrin sonlarında da davam etmişdir.

E. Nəsirov qeyd etmişdir ki, hazırda müstəqil Azərbaycan dövlətinin yürütdüyü xarici siyasət və güclü ordumuz ermənilərin “Böyük Ermənistan” xülyasını darmadağın edəcəkdir.

Tədbirin sonunda 31 Mart-Azərbaycanlıların Soyqırımı Gününə həsr edilmiş videoçarx nümayiş olunmuşdur.

Digər məlumatlar

FHN-in Dövlət Yanğın Nəzərəti Xidməti iri ticarət mərkəzlərinin rəhbərləri ilə görüşlərini davam etdirir.

Fövqəladə Hallar Nazirliyinin Dövlət Yanğın Nəzarət Xidməti aprel ayıın 25-də FHN-in Sumqayıt Regional Mərkəzi ilə birgə “Sumqayıt”, “Karvan”, “Cavid”, “Xəlifə” və “Səfərli” ticarət mərkəzlərinin, “Jalə-94” firmasının, “Vicdan-1” MMC-nin (avtomobil bazarı), “Qayalı”, “Fəxri”, “Pioner” və “Qobustan” istehsalat ticarət mərkəzlərinin, “Qalatasaray” Səbuni-10” firmasının və digər ticarət mərkəzlərinin rəhbərləri......

Ardını oxu

FHN-in Muğan Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Muğan Regional Mərkəzi 25 aprel 2018-ci il tarixində Saatlı rayonu, 3 nömrəli tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir. ...

Ardını oxu

FHN-in Sumqayıt Regional Mərkəzi seminar-müşavirə keçirmişdir

Fövqəladə Hallar Nazirliyinin Sumqayıt Regional Mərkəzi 25 aprel 2018-ci il tarixində Xızı rayon Telekommunikasiya Qovşağında “Fövqəladə hallarla bağlı davranış və yanğın təhlükəsizliyi qaydaları” mövzusunda seminar-müşavirə keçirmişdir. ...

Ardını oxu