Geri

FHN işçiləri Həmkarlar İttifaqı Respublika Komitəsinin plenumu keçirilmişdir

12 yanvar 2017-ci il tarixində Fövqəladə Hallar Nazirliyinin Bakı Regional Mərkəzinin akt zalında FHN işçiləri Həmkarlar İttifaqı Respublika Komitəsinin plenumu keçirilmişdir.

Plenumda FHN işçiləri Həmkarlar İttifaqının sədri Mehman İsmayılov, Azərbaycan Həmkarlar İttifaqları Konfederasiyasının sədr müavini Cavanşir  Alxasov, Nazirliyin Aparat və qurumlarının Həmkarlar İttifaqı komitələrinin sədrləri iştirak etmişdir.

Tədbirdə çıxış edən FHN işçiləri Həmkarlar İttifaqının sədri Mehman İsmayılov 2016-cı ildə görülən işlər haqqında hesabat verərək bildirmişdir ki, FHN işçiləri Həmkarlar İttifaqının təşkilatçılığı ilə bir sıra tədbirlər həyata keçirilmiş, nazirliyin əməkdaşlarının mədəni istirahəti və asudə vaxtlarını mənalı keçirməsi istiqamətində işlər görülmüşdür. Nazirliyin əməkdaşlarının azyaşlı uşaqları üçün 31 dekabr -  Dünya Azərbaycanlılarının Həmrəylik Günü və Yeni il, Novruz bayramında şənliklər təşkil edilmişdir.

Bundan başqa, Gənclər Günü, 8 Mart - Beynəlxalq Qadınlar Günü və digər bayramlar, həmçinin, vəzifə borcunu layiqincə yerinə yetirməkdə xüsusi fərqlənmiş və yubiley yaşı tamam olmuş əməkdaşlar FHN işçiləri Həmkarlar İttifaqı tərəfindən fəxri fərman və qiymətli hədiyyələrlə mükafatlandırılmışdır.

FHN işçilərinin Həmkarlar İttifaqı “Gənc xilasedici” IV Beynəlxalq yarışı və “Gənc xilasedici və yanğınsöndürən” V Ümumrespublika birinciliyində, “Fövqəladə hallar uşaqların gözü ilə” VI Respublika yaradıcılıq müsabiqəsinin təşkilində yaxından iştirak etmiş, nazirliyin qurumları arasında keçirilən bir sıra idman tədbirlərinə dəstək olmuş, maddi durumu çətin olan və vəzifə borclarını yerinə yetirərkən xəsarət almış əməkdaşlara maddi yardım göstərmişdir. Həmçinin, aprel döyüşləri zamanı xəsarət almış əməkdaşlara, şəhid olmuş, yaralanmış şəxslərə və onların ailələrinə maddi yardım verilmişdir.

Sonra çıxış edən AHİK sədrinin müavini Cavanşir Alxasov tədbirin əhəmiyyətindən danışmış və FHN işçiləri Həmkarlar İttifaqının fəaliyyətini yüksək qiymətləndirmişdir.

Sonda Azərbaycan Həmkarlar İttifaqları Konfederasiyasının 2018-ci ildə keçirilməsi nəzərdə tutulan III qurultayına hazırlıqla əlaqədar Fövqəladə Hallar Nazirliyi işçiləri Həmkarlar İttifaqının Həmkarlar İttifaqı komitələrində hesabat-seçki konfranslarının keçirilməsi qərara alınmışdır. 

Digər məlumatlar

Gəncədə “Ümummilli lider Heydər Əliyev və Silahlı Qüvvələr” mövzusunda elmi-praktik konfrans keçirilmişdir

Azərbaycan Respublikası Fövqəladə Hallar Nazirliyi işçilərinin Həmkarlar İttifaqı ümummilli lider Heydər Əliyevin anadan olmasının 95 illiyi və Azərbaycan Silahlı Qüvvələrinin yaradılmasının 100 illiyi münasibətilə 22 iyun 2018-ci il tarixində Fövqəladə Hallar Nazirliyinin Gəncə Regional Mərkəzində “Ümummilli lider Heydər Əliyev və Silahlı Qüvvələr” mövzusunda elmi-praktik konfrans keçirmişdir....

Ardını oxu

Füzuli rayon Mərkəzi Xəstəxanasında rəhbər heyətin mülki müdafiə məşqi keçirilmişdir

FHN Qarabağ Regional Mərkəzi 22 iyun 2018-ci il tarixində Füzuli rayon Mərkəzi Xəstəxanasında “Fövqəladə hadisələrin nəticələrinin aradan qaldırılması zamanı Mülki müdafiə qüvvələrinin idarə olunmasının təşkili” mövzusunda mülki müdafiə məşqi keçirmişdir. ...

Ardını oxu

Fövqəladə Hallar Nazirliyi işçilərinin Həmkarlar İttifaqının təşkilatçılığı ilə 26 iyun - Silahlı Qüvvələr Günü münasibətilə tədbir keçirilmişdir

22 iyun 2018-ci il tarixində  Fövqəladə Hallar Nazirliyinin Mülki Müdafiə Qoşunlarının Gəncə şəhərində yerləşən N saylı hərbi hissəsində FHN işçilərinin Həmkarlar İttifaqının təşkilatçılığı ilə 26 iyun - Azərbaycan Silahlı Qüvvələri Gününə həsr olunmuş tədbir keçirilmişdir. ...

Ardını oxu