Geri

FHN və Fransa səfirliyi birgə seminar keçirir

Azərbaycan Respublikası Fövqəladə Hallar Nazirliyinin və Fransa Respublikasının Azərbaycan Respublikasındakı Səfirliyinin birgə təşkilatçılığı ilə 27 sentyabr 2016-cı il tarixində Dövlət Yanğından Mühafizə Xidmətinin akt zalında “Meşə yanğınlarının idarə olunması” mövzusunda seminar işə başlamışdır.

Seminarın ilk günü çıxış edən FHN Beynəlxalq əlaqələr idarəsinin rəis müavini Ziya Hacılı bildirmişdir ki, seminarda Fransa Daxili İşlər Nazirliyinin yanğından mühafizə üzrə mütəxəssisləri öz təcrübələrini FHN-in əməkdaşları ilə bölüşəcəkdir. Əldə olunmuş razılaşmaya əsasən, FHN və Fransa Səfirliyinin təşkilatçılığı ilə mütəmadi olaraq fövqəladə halların qarşısının alınması və nəticələrinin aradan qaldırılmasına dair müxtəlif sahələri əhatə edən tədbirlər təşkil edilir və fransalı mütəxəssislər öz zəngin təcrübələrini azərbaycanlı həmkarları ilə bölüşürlər. Qeyd edilmişdir ki, bu seminar zamanı fərqlənən əməkdaşlara Fransa Respublikasının Azərbaycan Respublikasındakı Səfirliyi tərəfindən sertifikatların təqdim olunması planlaşdırılır.

Toplantıda Fransa Səfirliyinin daxili təhlükəsizlik attaşesi Brüno Balduk fransalı mütəxəssisləri təqdim edərək bildirmişdir ki, seminarda Fransa Respublikası Daxili İşlər Nazirliyinin Xilasetmə və Yanğın idarəsinin Vierzon Baş Xilasetmə mərkəzinin rəhbəri Sebastian Lakrua və 5 nömrəli Mülki müdafiə bölməsinin əməliyyat şöbəsinin rəhbəri Stiv Uilomın ekspert qismində çıxış edəcəklər. O, sözügedən sahə ilə bağlı təcrübə mübadiləsinin aparılmasının texnogen və təbii xarakterli qəzalarla mübarizədə çox böyük əhəmiyyətə malik olduğunu vurğulamış və tədbir iştirakçılarına uğurlar arzulamışdır.

Seminarda Fövqəladə Hallar Nazirliyi Aparatının struktur bölmələri və strukturuna daxil olan qurumlarının əməkdaşları iştirak edirlər.

 









Digər məlumatlar

FHN-in Gəncə Regional Mərkəzi mülki müdafiə məşqi keçirib

FHN-in Gəncə Regional Mərkəzi 18 oktyabr 2019-cu il tarixində F. Əmirov adına Gəncə Dövlət Filarmoniyasında rəhbər heyətin mülki müdafiə məşqini keçirib. “Fövqəladə hadisələrin nəticələrinin aradan qaldırılması zamanı Mülki müdafiə orqan və qüvvələrinin idarə edilməsinin təşkili” mövzusunda keçirilən məşqdə müəssisənin rəhbərləri, Mülki müdafiə qərargahı, Mülki müdafiə qüvvələrinin......

Ardını oxu

FHN-in Aran Regional Mərkəzi maarifləndirmə tədbiri keçirib

Fövqəladə Hallar Nazirliyinin Aran Regional Mərkəzi 18 oktyabr 2019-cu il tarixində FHN-in regionda fəaliyyət göstərən digər qurumları ilə birgə Mingəçevir şəhər 4 nömrəli tam orta məktəbinin kollektivi ilə “Fövqəladə hallarla bağlı davranış qaydaları” mövzusunda maarifləndirmə tədbiri keçirib. Tədbir müəllim və şagirdlərin fövqəladə hallarla bağlı davranış qaydaları......

Ardını oxu

Fövqəladə Hallar Nazirliyinin regional mərkəzləri və qurumlarında Azərbaycanın müstəqilliyinin bərpasının 28 illiyi münasibətilə tədbirlər keçirilib

18 oktyabr 2019-cu il tarixində Fövqəladə Hallar Nazirliyinin regional mərkəzləri və qurumlarında Azərbaycanın müstəqilliyinin bərpasının 28 illiyi münasibətilə tədbirlər keçirilib. ...

Ardını oxu