Geri

FHN-in Cənub Regional Mərkəzi seminar-müşavirə keçirmişdir

Fövqəladə Hallar Nazirliyinin Cənub Regional Mərkəzi 21 iyul 2016-cı il tarixində Yardımlı Meşə Mühafizəsi və Bərpası Müəssisəsində “Dənli və texniki bitkilərin yığılması, daşınması və emalı dövründə, eləcə də meşə zolaqlarında, milli parklarda və dövlət qoruqlarında yanğın təhlükəsizliyinin təmin edilməsi” mövzusunda seminar-müşavirə keçirmişdir.

Tədbirdə FHN-in regionda fəaliyyət göstərən qurumlarının əməkdaşları, Yardımlı rayon İcra Hakimiyyətinin məsul işçiləri, bələdiyyə sədrləri yerli icra nümayəndələri, Yardımlı Meşə Mühafizəsi və Bərpası Müəssisəsinin kollektivi iştirak etmişdir.

Seminar-müşavirədə fövqəladə halların xəbərdar edilməsi və nəticələrinin aradan qaldırılması zamanı qarşılıqlı fəaliyyətin təşkili, fövqəladə hallar zamanı davranış, ilkin yanğınsöndürmə avadanlıqları və fərdi mühafizə vasitələrindən istifadə qaydaları və dəm qazı təhlükəsinin yaranma səbəbləri barədə məlumat verilmişdir. Toplantıda, həmçinin dənli və texniki bitkilərin yığılması, daşınması, saxlanması və emalı dövründə dənli və texniki bitkilərin, eləcə də meşələrin yanğın təhlükəsizliyinin təmin olunması ilə əlaqədar qarşıda duran vəzifələrdən söz açılmış, tədbir iştirakçılarını maraqlandıran suallar ətraflı cavablandırılmışdır.

Sonda sözügedən mövzulara dair videoçarx və fotoslaydlar nümayiş etdirilmiş, yanğın və texniki təhlükəsizlik qaydalarına aid yaddaş kitabçaları və xəbərdarlıq vərəqələri tədbir iştirakçılarına paylanılmışdır.

Digər məlumatlar

FHN-in Şimal-qərb Regional Mərkəzində mülki müdafiə kursları keçirilib

Fövqəladə Hallar Nazirliyinin Şimal-qərb Regional Mərkəzində “2019-cu il üçün Mülki müdafiə kurslarının dinləyicilərlə komplektləşdirmə planı”na əsasən, 19-21 avqust 2019-cu il tarixlərində “Hərbiləşdirilməmiş Mülki müdafə dəstələrinin komandir rəis heyətinin mülki müdafiə və fövqəladə hadisələrdən mühafizəsi üsullarının hazırlanılması” proqramı əsasında kəşfiyyat manqa komandirləri kateqoriyası üzrə mülki müdafiə kursları......

Ardını oxu

FHN-in Muğan Regional Mərkəzi maarifləndirmə tədbiri keçirib

Fövqəladə Hallar Nazirliyinin Muğan Regional Mərkəzi 21 avqust 2019-cu il tarixində Sabirabad rayon Yol İstismar idarəsində “Fövqəladə hallarla bağlı davranış qaydaları” mövzusunda maarifləndirmə tədbiri keçirib. ...

Ardını oxu

Maarifləndirmə tədbirləri davam edir

FHN-in Dövlət Yanğın Nəzarəti Xidmətinin Gəncə regional Dövlət Yanğın Nəzarəti İdarəsi 21 avqust  2019-cu il tarixində Ağstafa rayonunda yerləşən “Akkord Tekstil” MMC-də, Qarabağ regional......

Ardını oxu