Geri

Fövqəladə Hallar Nazirliyi işçilərinin Həmkarlar İttifaqının təşkilatçılığı ilə Azərbaycan Respublikası Silahlı Qüvvələri günü münasibətilə tədbir keçirilmişdir

Fövqəladə Hallar Nazirliyi işçilərinin Həmkarlar İttifaqının təşkilatçılığı ilə 26 İyun - Azərbaycan Respublikası Silahlı Qüvvələri günü münasibətilə Fövqəladə Hallar Nazirliyinin Mülki Müdafiə Qoşunlarının  N saylı hərbi hissəsində tədbir keçirilmişdir.

Tədbir dövlət himninin səsləndirilməsi ilə başlanmışdır.

Fövqəladə Hallar Nazirliyi  işçilərinin Həmkarlar İttifaqının sədri Mehman İsmayılov çıxışında bildirmişdir ki, ümummilli lider Heydər Əliyevin 22 may 1998-ci il tarixli fərmanına əsasən 26 iyun  tarixi Azərbaycan Respublikası Silahlı Qüvvələri günü elan edilmişdir. Ümummilli liderin ordu quruculuğunda misilsiz xidmətlərindən danışan natiq demişdir ki, bu gün Azərbaycanın qüdrətli və nizami orduya malik olması məhz ulu öndərin gərgin zəhmətinin bəhrəsidir və Azərbaycan Silahlı Qüvvələri  bu gün Prezident, Ali Baş Komandan İlham Əliyevin rəhbərliyi altında öz şərəfli missiyasını uğurla davam etdirir.

Daha sonra Mülki Müdafiə Qoşunlarının Qərargah rəisi - komandanın müavini polkovnik Aslan Hüseynov cıxış edərək Azərbaycanda ordu quruculuğundan, bu sahədə ümummilli lider  Heydər Əliyevin xidmətlərindən, Mülkü Müdafiə Qoşunlarının Azərbaycanın ordu sistemindəki rolundan geniş bəhs etmişdir.

Tədbirdə ehtiyatda olan polkovnik, II qrup Qarabağ əlili, Qarabağ, Əfqanıstan və Silahlı Qüvvələr veteranı Rasim Muxtarov, Qarabağ Müharibəsi əlilləri və şəhid ailələri İctimai Birliyinin Xəzər rayon filialının sədri Səfa Əliyev, 20 Yanvar və Xocalı əlili Arif Məhərrəmov, hərbi hissə komandirinin psixoloji təminat üzrə müavini polkovnik-leytenant Əfqan Zahirov çıxış edərək Azərbaycanda həyata keçirilən ordu quruculuğundan geniş söz açmış, bu sahədə ümummilli lider Heydər Əliyevin və Ali Baş Komandan İlham Əliyevin misilsiz xidmətlərini qeyd etmişlər.

Sonda Fövqəladə Hallar Nazirliyi  işçilərinin Həmkarlar İttifaqı tərəfindən  əsgərlərə  bayram sovqatı və xatirə  hədiyyələri təqdim olunmuşdur. Tədbir daha sonra  geniş konsert proqramı ilə davam etmişdir.

Digər məlumatlar

FHN-in Gəncə Regional Mərkəzi mülki müdafiə məşqi keçirib

FHN-in Gəncə Regional Mərkəzi 18 oktyabr 2019-cu il tarixində F. Əmirov adına Gəncə Dövlət Filarmoniyasında rəhbər heyətin mülki müdafiə məşqini keçirib. “Fövqəladə hadisələrin nəticələrinin aradan qaldırılması zamanı Mülki müdafiə orqan və qüvvələrinin idarə edilməsinin təşkili” mövzusunda keçirilən məşqdə müəssisənin rəhbərləri, Mülki müdafiə qərargahı, Mülki müdafiə qüvvələrinin......

Ardını oxu

FHN-in Aran Regional Mərkəzi maarifləndirmə tədbiri keçirib

Fövqəladə Hallar Nazirliyinin Aran Regional Mərkəzi 18 oktyabr 2019-cu il tarixində FHN-in regionda fəaliyyət göstərən digər qurumları ilə birgə Mingəçevir şəhər 4 nömrəli tam orta məktəbinin kollektivi ilə “Fövqəladə hallarla bağlı davranış qaydaları” mövzusunda maarifləndirmə tədbiri keçirib. Tədbir müəllim və şagirdlərin fövqəladə hallarla bağlı davranış qaydaları......

Ardını oxu

Fövqəladə Hallar Nazirliyinin regional mərkəzləri və qurumlarında Azərbaycanın müstəqilliyinin bərpasının 28 illiyi münasibətilə tədbirlər keçirilib

18 oktyabr 2019-cu il tarixində Fövqəladə Hallar Nazirliyinin regional mərkəzləri və qurumlarında Azərbaycanın müstəqilliyinin bərpasının 28 illiyi münasibətilə tədbirlər keçirilib. ...

Ardını oxu