Geri

"Su hövzələrində insanların təhlükəsizliyinin təmin edilməsi" mövzusunda müşavirə keçirilib

Fövqəladə Hallar Nazirliyi Aran Regional Mərkəzi 27 may 2016-cı il tarixində Dövlət Sularda Xilasetmə Xidməti ilə birgə Mingəçevir şəhər İcra hakimiyyətində "Su hövzələrində insanların təhlükəsizliyinin təmin edilməsi" mövzusunda müşavirə keçirmişdir.

Mingəçevir şəhər İcra Hakimiyyəti Başçısı Aparatının, Aran Regional Mərkəzinin, Dövlət Sularda Xilasetmə Xidmətinin, Mingəçevir və Yevlax sularda xilasetmə məntəqələrinin və Aran Dalğıc Axtarış Qrupunun əməkdaşlarının, şəhərin aidiyyəti xidmətlərinin, təhsil müəssisələri rəhbərlərinin, qəsəbə icra, bələdiyyə və mənzil istismar sahələri nümayəndələrinin, eləcə də çimərliklərin fəaliyyətinə məsul olan şəxslərin iştirakı ilə reallaşdırılan müşavirədə şəhərin ərazisində yerləşən çimərliklərin vəziyyəti, dəniz suyunun gigiyenik normalara uyğunluğu, məişət tullantılarının daşınması ilə bağlı mövcud olan problemlər, əhalinin təhlükəsiz istirahətinin təmin edilməsi üçün görülməli olan işlər müzakirə olunmuşdur.

Müşavirəni giriş sözü ilə açan Mingəçevir şəhər İcra Hakimiyyəti başçısının birinci müavini İlham İsmayılov su hövzələrində mövcud olan problemlərin həllinin vacibliyini vurğulamışdır.

FHN Dövlət Sularda Xilasetmə Xidmətinin nümayəndələri "Yay çimərlik mövsümündə vətəndaşların təhlükəsizliyinin təmin olunması" mövzusunda çıxış etmiş, şəhər ərazisində olan çimərliklərdə keçirilən monitorinqlərin nəticələri və mövcud olan vəziyyət barədə tədbir iştirakçılarına məlumat vermişdir.

Şəhərin Mənzil Kommunal Təsərrüfat Birliyinin, Təcili və Təxirəsalınmaz Tibbi Yardım Stansiyasının, Polis şöbəsinin və Gigiyena və Epidemiologiya Mərkəzinin nümayəndələri müvafiq olaraq "Yay mövsümü ərzində əhalinin mənalı istirahətinin təşkili məqsədilə çimərlik sahələrində görülən işlər", "Çimərlik sahələrində əhaliyə tibbi xidmətin göstərilməsi", "Çimərliklərdə ictimai asayişin qorunmasının təşkil olunması və vəziyyəti" və "Çimərliklərdə dəniz suyunun təmizlik vəziyyəti" mövzularında çıxış etmişlər.

FHN-in Aran Regional Mərkəzinin rəis müavini, polkovnik-leytenant Akif Orucov müşavirəyə yekun vuraraq su hövzələrində müşahidə olunan problemlər barədə danışmış, həmin ərazilərə nəzarətin gücləndirilməsinin zəruriliyini vurğulamışdır.

Tədbirin gedişində su hövzələrində təhlükəsizlik qaydaları ilə bağlı videoçarx nümayiş etdirilmişdir.

Digər məlumatlar

FHN-in Aran Regional Mərkəzi maarifləndirmə tədbiri keçirib

6 dekabr 2019-cu il tarixində Fövqəladə Hallar Nazirliyinin Aran Regional Mərkəzi Ucar rayon 5 nömrəli tam orta məktəbinin kollektivi ilə “Fövqəladə hallarla bağlı davranış qaydaları” mövzusunda maarifləndirmə tədbiri keçirib....

Ardını oxu

Dövlət Yanğın Nəzarəti Xidməti maarifləndirmə tədbirlərini davam etdirir

6 dekabr 2019-cu il tarixində FHN-in Dövlət Yanğın Nəzarəti Xidmətinin 2-ci ərazi Dövlət Yanğın Nəzarəti İdarəsi Nəsimi rayon 18 nömrəli Uşaq bağçasında, Gəncə regional Dövlət Yanğın Nəzarəti İdarəsi “Aqroservis” ASC-nin Şəmkir regional ...

Ardını oxu

FHN-in Dövlət Yanğın Nəzarəti və Dövlət Yanğından Mühafizə xidmətləri birgə yanğın-taktiki təlim keçirib

5 dekabr 2019-cu il tarixində Fövqəladə Hallar Nazirliyinin Dövlət Yanğın Nəzarəti Xidmətinin İctimai Obyektlərə Nəzarət Sektoru Nərimanov rayon Dövlət Yanğından Mühafizə Hissəsinin əməkdaşları ilə birlikdə Bakı şəhərində keçiriləcək budo idman döyüş ...

Ardını oxu