Geri

Fövqəladə Hallar Nazirliyinin qurumları arasında mini-futbol üzrə çempionat keçirilmişdir

23-27 may 2016-cı il tarixlərində Fövqəladə Hallar Nazirliyinin İdman-sağlamlıq klubu və Fövqəladə Hallar Nazirliyi işçilərinin Həmkarlar İttifaqının təşkilatçılığı ilə nazirliyin qurumları arasında 28 may-Respublika Gününə həsr edilmiş mini-futbol üzrə çempionat keçirilmişdir.

FHN-in Xüsusi Riskli Xilasetmə Xidməti və Mülki müdafiə qoşunlarının stadionlarında təşkil edilən çempionatda 17 komanda və hər komandada 12 idmançı olmaqla 204 əməkdaş iştirak etmişdir.

Komandalar 4 qrupda  mübarizə aparmış, hər qrupda 1 və 2-ci yeri tutan komandalar 1/4 finala vəsiqə qazanmışdır. Yarımfinalda Xüsusi Riskli Xilasetmə Xidməti (XRXX) Maddi-Texniki Təchizat İdarəsi (MTTİ) ilə, Gəncə Regional Mərkəzi isə Dövlət Yanğından Mühafizə Xidmətinin (DYMX) komandası ilə qarşılaşmışdır. Bu oyunlarda MTTİ 6:5 hesabı ilə XRXX-yə, DYMX isə 7:0 hesabı ilə GRM-yə qalib gəlmişdir.

3-cü yer uğrundakı görüşdə XRXX GRM-yə 7:4 hesabı ilə qalib gəlmişdir. Finalda isə DYMX MTTİ-yə  4:0 hesabı ilə qalib gələrək çempion olmuşdur.

Sonda Fövqəladə Hallar Nazirliyinin İdman-sağlamlıq klubunun rəisi polkovnik Füzuli Musayev və Fövqəladə Hallar Nazirliyi işçilərinin Həmkarlar İttifaqının sədri Mehman İsmayılovun iştirakı ilə qaliblərə kubok, medal və diplomlar təqdim edilmişdir.

Gərgin mübarizə şəraitində keçən yarışın baş hakimi beynəlxalq dərəcəli hakim Elmir Quluzadə, ən məhsuldar hücumçusu Rəfael Nağıyev, ən yaxşı qapıçısı isə Rəşad Səttərzadə olmuşdur.

Digər məlumatlar

FHN-in Aran Regional Mərkəzi maarifləndirmə tədbiri keçirib

6 dekabr 2019-cu il tarixində Fövqəladə Hallar Nazirliyinin Aran Regional Mərkəzi Ucar rayon 5 nömrəli tam orta məktəbinin kollektivi ilə “Fövqəladə hallarla bağlı davranış qaydaları” mövzusunda maarifləndirmə tədbiri keçirib....

Ardını oxu

Dövlət Yanğın Nəzarəti Xidməti maarifləndirmə tədbirlərini davam etdirir

6 dekabr 2019-cu il tarixində FHN-in Dövlət Yanğın Nəzarəti Xidmətinin 2-ci ərazi Dövlət Yanğın Nəzarəti İdarəsi Nəsimi rayon 18 nömrəli Uşaq bağçasında, Gəncə regional Dövlət Yanğın Nəzarəti İdarəsi “Aqroservis” ASC-nin Şəmkir regional ...

Ardını oxu

FHN-in Dövlət Yanğın Nəzarəti və Dövlət Yanğından Mühafizə xidmətləri birgə yanğın-taktiki təlim keçirib

5 dekabr 2019-cu il tarixində Fövqəladə Hallar Nazirliyinin Dövlət Yanğın Nəzarəti Xidmətinin İctimai Obyektlərə Nəzarət Sektoru Nərimanov rayon Dövlət Yanğından Mühafizə Hissəsinin əməkdaşları ilə birlikdə Bakı şəhərində keçiriləcək budo idman döyüş ...

Ardını oxu