Geri

FHN Bakı Regional Mərkəzi Dövlət Sularda Xilasetmə Xidməti ilə birgə müşavirə keçirmişdir

Fövqəladə Hallar Nazirliyinin Bakı Regional Mərkəzi aprel 29-da FHN Dövlət Sularda Xilasetmə Xidməti ilə birgə Səbail Rayon İcra Hakimiyyətində “Su hövzələrində insanların təhlükəsizliyinin təmin edilməsi” mövzusunda müşavirə keçirmişdir.

Tədbirdə Bakı Regional Mərkəzinin və Dövlət Sularda Xilasetmə Xidmətinin əməkdaşları, rayonun aidiyyəti xidmətlərinin, təhsil müəssisələrinin rəhbərləri, qəsəbə icra, bələdiyyə və mənzil istismar sahələrinin nümayəndələri, eləcə də çimərliklərin fəaliyyətinə məsul olan şəxslər iştirak etmişdir.  

Keçirilən müşavirədə rayon ərazisində yerləşən çimərliklərin vəziyyəti, dəniz suyunun gigiyenik normalara uyğunluğu, məişət tullantılarının daşınması ilə bağlı mövcud olan problemlər, eləcə də əhalinin təhlükəsiz istirahətinin təmin edilməsi üçün görülməli olan işlər müzakirə olunmuşdur.

Müşavirəni giriş sözü ilə açan Səbail Rayon İcra Hakimiyyəti başçısının müavini Abit Əliyev tədbirin əhəmiyyətindən danışmış, Fövqəladə Hallar Nazirliyinin, yerli icra və özünüidarəetmə orqanlarının birgə fəaliyyətinin vacib olduğunu qeyd etmişdir.

FHN Dövlət Sularda Xilasetmə Xidmətinin nüamyəndəsi “Yay çimərlik mövsümündə vətəndaşların təhlükəsizliyinin təmin olunması” mövzusunda çıxış etmiş, rayon ərazisində olan çimərliklərdə keçirilən monitorinqin nəticələri və mövcud olan vəziyyət barədə tədbir iştirakçılarını məlumatlandırmışdır.

Tədbirdə çıxış edən natiqlər “Yay mövsümü ərzində əhalinin mənalı istirahətinin təşkili məqsədilə çimərlik sahələrində görülən işlər”, “Çimərlik sahələrində əhaliyə tibbi xidmətin göstərilməsi”, “Çimərliklərdə dəniz suyunun təmizlik vəziyyəti” mövzularında ətraflı məlumat vermişlər.

Daha sonra çıxış edən FHN Bakı Regional Mərkəzinin rəis müavini Tale Şamçıyev çimərlik sahələrində müşahidə olunan problemlər barədə danışmış, həmin sahələrə nəzarətin gücləndirilməsinin zəruriliyini vurğulamışdır. O, qeyd etmişdir ki, paytaxt sakinlərinin, eləcə də Bakıda keçiriləcək “Formula 1 Avropa Qran-Pri” yarışları ilə bağlı ölkəyə gələcək turistlərin çimərliklərə axınını nəzərə alsaq, həmin problemlər təcili aradan qaldırılmalı, eləcə də insanların təhlükəsizliyinindaha yaxşı təmin edilməsi istiqamətində təxirəsalınmaz işlər görülməlidir.

Tədbirin sonunda su hövzələrində təhlükəsizlik qaydaları ilə bağlı videoçarx nümayiş etdirilmişdir.

Digər məlumatlar

Regional Mərkəzlərdə maarifləndirmə tədbirləri davam edir

Fövqəladə Hallar Nazirliyinin Cənub Regional Mərkəzi Yardımlı rayon Anzov kənd tam orta məktəbində, Gəncə Regional Mərkəzi Samux rayonu Lək kənd tam orta məktəbində, Şimal Regional Mərkəzi Quba rayonu Qımıl kənd tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbirləri keçirib. ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirləri keçirib

FHN-in Dövlət Yanğın Nəzarəti Xidmətinin İctimai obyektlərə nəzarət sektoru 18 sentyabr 2019-cu il tarixində Bakı şəhərində yerləşən “Paradise” oteldə, Aran regional Dövlət Yanğın Nəzarəti İdarəsi......

Ardını oxu

FHN-in Qarabağ Regional Mərkəzi maarifləndirmə tədbiri keçirib

Fövqəladə Hallar Nazirliyinin Qarabağ Regional Mərkəzi 17 sentyabr 2019-cu il tarixində Tərtər rayonu Bəyimsarov kənd tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirib. Qarabağ Regoinal Mərkəzinin və rayon Təhsil Şöbəsinin nümayəndələri, məktəbin müəllim-şagird kollektivi iştirak etdiyi tədbirdə məqsəd, şagirdlərin baş verə biləcək fövqəladə hadisələr zamanı davranış......

Ardını oxu