Geri

DYMX Sumqayıt şəhərində yanğın-taktiki təlimi keçirmişdir

Fövqəladə Hallar Nazirliyinin Dövlət Yanğından Mühafizə Xidməti 28 aprel 2016-cı il tarixində Bakı və Sumqayıt şəhərlərinin yanğından mühafizə qarnizonlarının iştirakı ilə SOCAR-ın “Azərikimya” İB-nin “Etilen-Polietilen” zavodunun  30 nömrəli  neft-kimya məhsullarının qəbulu və buraxılması sahəsində yanğın-taktiki təlimi keçirmişdir. Təlim orta və böyük rəis heyətinin neft məhsulları saxlanılan rezervuarlarda yanğınların söndürülməsi üzrə təcrübəsini təkmilləşdirmək, bilik və bacarıqlarını yoxlamaq, onlara döyüş sahələrinə rəhbərlik etmək vərdiş və bacarığı aşılamaq məqsədilə keçirilmişdir. 

DYMX-nin rəis müavini daxili xidmət polkovniki Rza Xudiyevin rəhbərliyi ilə keçirilmiş təlimə 4 saylı çağırış üzrə Bakı və Sumqayıt qarnizonlarının qüvvə və vasitələrindən başqa, SOCAR-ın “Azərikimya” İB-nin “Etilen-Polietilen” zavodunun 30 nömrəli neft-kimya məhsullarının qəbulu və buraxılması sahəsinin müvafiq texnika və canlı qüvvəsi cəlb edilmişdir.

Yanğın-taktiki təlimdə şərti yanğın söndürülmüş və qəza-xilasetmə işləri həyata keçirilmişdir. Təlimlərdən sonra tədbirin nəticələri qiymətləndirilmiş, yanğınların ləğv edilməsi, qəzaların nəticələrinin aradan qaldırılması zamanı və digər mürəkkəb xarakterli xüsusi şəraitlərdə qüvvə və vasitələrin bacarıqla idarə olunması, yanğınların söndürülməsi üzrə dəqiq və əsaslandırılmış qərarların qəbulu istiqamətində vəzifələrin icra olunması, nöqsanların aradan qaldırılması  ilə bağlı şəxsi heyətə tövsiyələr verilmişdir.

Digər məlumatlar

Fövqəladə Hallar Nazirliyi işçilərinin Həmkarlar İttifaqının onlayn iclası keçirilib

22 may 2020-ci il tarixində FHN işçilərinin Həmkarlar İttifaqı FHN-in aparatı, regional mərkəzləri və qurumlarında fəaliyyət göstərən həmkarlar ittifaqı komitəsi sədrlərinin iştirakı ilə onlayn iclas keçirib.  ...

Ardını oxu

Fövqəladə Hallar Nazirliyinin Dövlət Yanğından Mühafizə Xidməti Şabran rayonunda regional müşavirə keçirib

Fövqəladə Hallar Nazirliyinin Dövlət Yanğından Mühafizə Xidməti 20 may 2020-ci il tarixində Şabran şəhərində cari ilin ötən dövrü ərzində şimal regionu üzrə baş vermiş yanğınlarla bağlı əməliyyat şəraitinin vəziyyətinin, görülmüş işlər və qarşıda duran vəzifələrin müzakirəsinə həsr olunmuş müşavirə keçirib. ...

Ardını oxu

FHN-in Cənub Regional Mərkəzi tərəfindən qanvermə aksiyası keçirilib

Heydər Əliyev Fondunun çağırışına və təşəbbüsünə dəstək olaraq Fövqəladə Hallar Nazirliyinin regionlarda yerləşən strukturları da könüllü qanvermə aksiyasına qoşulur. ...

Ardını oxu