Geri

FHN-in Dövlət Yanğın Nəzarəti Xidməti “Azərtoxum”MMC- də yanğına qarşı təbliğat günü keçirmişdir

Fövqəladə Hallar Nazirliyinin Dövlət Yanğın Nəzarəti Xidməti 27 aprel 2016-cı il tarixində Yevlax rayonundakı “Azərtoxum” MMC-də yanğına qarşı təbliğat günü keçirmişdir. Dənli və texniki bitkilərin yığılmasi, daşınması, saxlanması və emalı zamanı yanğın hadisələrinin qarşısının alınması məqsədilə keçirilmiş tədbirdə kənd təsərrüfatı texnikalarına, elektrik təsərrüfatına, əraziyə baxış keçirilmiş, texniki işçilərin təlimatlandırılması, texnikaların ilkin yanğınsöndürmə vasitələri ilə təmin olunması işinin vəziyyəti öyrənilmiş, yanğınsöndürmə vasitələrinin yararlılığı yoxlanılmışdır. Təbliğat günündə, həmçinin yanğın təhlükəsizliyinin təmin olunması üçün müvafiq tövsiyələr verilmiş, təbliğat xarakterli söhbətlər aparılmişdır.

“Azərtoxum” MMC-də yanğın təhlükəsizliyi ilə əlaqədar qabaqlayıcı tədbirlərlə yanaşı, əməyin mühafizəsi və texniki təhlükəsizlik məsələlərinə də toxunularaq bildirilmişdir ki, təhlükəsiz və sağlam əmək şəraitinin təmin olunması üçün işçilər əməyin mühafizəsi üzrə təlimatlara, əmək və istehsalat intizamına əməl etməlidirlər.

Tədbirdə dənli-texniki bitkilərin yığılması, daşınması, saxlanması və emalı dövründə yanğın təhlükəsizliyi mövzusunda videoslayd nümayiş etdirilmiş, bu sahədə yanğın təhlükəsizliyi qaydalarını təbliğ edən plakatlar və “Dənli və texniki bitkiləri yığımı dövründə yanğın təhlükəsizliyi tədbirləri” adlı yaddaş kitabçası “Azərtoxum” MMC-nin işçilərinə paylanmışdır.

Digər məlumatlar

Taxıl zəmilərində, otlaq sahələrində və meşə fondu ərazilərində yanğın təhlükəsizliyinə riayət olunmalıdır

Yanğın təhlükəsizliyinin təmin edilməsi ilə bağlı əkin sahələrində baş vermiş yanğınların qarşısının alınması məqsədilə Tərtər və Cəlilabad rayon İcra Hakimiyyətində qərərgahlar yaradılıb....

Ardını oxu

Yanğın təhlükəsizliyi müzakirə olunub

Sabirabad rayonu ərazisində dənli və texniki bitkilərin yığılması, daşınması, saxlanılması və emalı dövründə, eləcə də meşə zolaqlarında  yanğın təhlükəsizliyinin təmin edilməsi məqsədilə......

Ardını oxu

Əkin sahələrinin yanğın təhlükəsizliyinə dair videokonfranslar keçirilib

Taxıl və dənli bitkilərin biçin mövsümü ilə əlaqədar olaraq Yevlax və Göyçay rayonlarında əkin sahələrində yanğın təhlükəsizliyinin təmin edilməsi məqsədilə həmin rayonların icra hakimiyyətlərində müvafiq qərargahlar yaradılıb....

Ardını oxu