Geri

Fövqəladə Hallar Nazirliyinin Akademiyasında soyqırımı qurbanları anılmışdır

Martın 30-da Fövqəladə Hallar Nazirliyinin Akademiyasında 31 Mart - Azərbaycanlıların Soyqırımı Gününə həsr olunmuş toplantı keçirilmişdir.

Əvvəlcə, tədbir iştirakçıları soyqırımı qurbanlarının xatirəsini bir dəqiqəlik sükutla yad etmişlər.

Toplantını giriş sözü ilə açan Fövqəladə Hallar Nazirliyinin Akademiyasının rəisi general-mayor Pənah Süleymanov erməni millətçilərinin və onların havadarlarının son iki əsrdə azərbaycanlılara qarşı məqsədyönlü şəkildə həyata keçirdikləri soyqırımlardan ətraflı bəhs etmişdir. O bildirmişdir ki, bəşər tarixinin ən qanlı və faciəli səhifələrindən olan 31 mart 1918-ci il qətliamı nəticəsində Azərbaycan ərazisində on minlərlə soydaşımız, o cümlədən Bakıda və ətraf kəndlərdə 30 minə yaxın azərbaycanlı erməni daşnak birlikləri tərəfindən qəddarlıqla qətlə yetirilmiş, məscidlər, məktəb binaları yandırılmışdır. Ermənilər bolşeviklərin köməyi ilə Quba qəzasında üç dəfə qətliam törətmişlər. Daşnak-bolşevik birləşmələri Quba qəzasında 162 kəndi yandırmış, çoxlu sayda insanı qətlə yetirmişlər. Şamaxı qəzasının 53 kəndində isə ermənilər 8 mindən çox azərbaycanlını öldürmüşlər.  Akademiyanın rəisi qeyd etmişdir ki, son illər Qubada aparılmış arxeoloji qazıntılar nəticəsində ermənilərin törətdiyi kütləvi insan qətllərini aşkarlayan faktlar üzə çıxarılmışdır. Tapılmış saysız-hesabsız insan sümükləri bu qırğınlar zamanı erməni vəhşiliyini təsdiqləyən əyani dəlillərdir.

Toplantıda qeyd olunmuşdur ki, ümummilli liderimiz Heydər Əliyevin “Azərbaycanlıların soyqırımı haqqında” 1998-ci il 26 mart tarixli Fərmanında bu hadisələrə siyasi qiymət verilmiş və azərbaycanlıların ermənilər tərəfindən soyqırımına məruz qaldıqları ilk dəfə rəsmi surətdə bəyan olunmuşdur. Artıq on səkkiz ildir ki, martın 31-i Azərbaycanlıların Soyqırımı Günü kimi hər il dövlət səviyyəsində qeyd edilir.

Sonra Akademiyanın rəis müavini polkovnik Afət Qurbanov “Soyqırımı azərbaycanlılara qarşı törədilmiş amansız cinayətdir”  və Humanitar fənlər kafedrasının baş müəllimi Fizuli İbrahimzadə “Ermənilərin azərbaycanlılara qarşı törətdikləri 31 Mart soyqırımı və təcavüzkarlıq siyasəti” mövzusunda çıxışlar etmişlər.

Tədbirin sonunda 31 mart - Azərbaycanlıların Soyqırımı Gününə həsr olunmuş videoçarx nümayiş etdirilmişdir.

Digər məlumatlar

Fövqəladə Hallar Nazirliyi işçilərinin Həmkarlar İttifaqının onlayn iclası keçirilib

22 may 2020-ci il tarixində FHN işçilərinin Həmkarlar İttifaqı FHN-in aparatı, regional mərkəzləri və qurumlarında fəaliyyət göstərən həmkarlar ittifaqı komitəsi sədrlərinin iştirakı ilə onlayn iclas keçirib.  ...

Ardını oxu

Fövqəladə Hallar Nazirliyinin Dövlət Yanğından Mühafizə Xidməti Şabran rayonunda regional müşavirə keçirib

Fövqəladə Hallar Nazirliyinin Dövlət Yanğından Mühafizə Xidməti 20 may 2020-ci il tarixində Şabran şəhərində cari ilin ötən dövrü ərzində şimal regionu üzrə baş vermiş yanğınlarla bağlı əməliyyat şəraitinin vəziyyətinin, görülmüş işlər və qarşıda duran vəzifələrin müzakirəsinə həsr olunmuş müşavirə keçirib. ...

Ardını oxu

FHN-in Cənub Regional Mərkəzi tərəfindən qanvermə aksiyası keçirilib

Heydər Əliyev Fondunun çağırışına və təşəbbüsünə dəstək olaraq Fövqəladə Hallar Nazirliyinin regionlarda yerləşən strukturları da könüllü qanvermə aksiyasına qoşulur. ...

Ardını oxu