Geri

Şimal-qərb Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Şimal-qərb Regional Mərkəzi 29 mart 2016-cı il tarixində Şəki rayon Kiş kənd 1 nömrəli tam orta məktəbində “Fövqəladə hallar zamanı davranış qaydaları” mövzusunda nəzəri-praktiki maarifləndirmə tədbiri keçirmişdir. Tədbirdə məktəbin kollektivi, Şəki rayon Təhsil şöbəsinin, FHN Şimal-qərb Regional Mərkəzinin, Mingəçevir Regional Fövqəladə Hallar və Mülki Müdafiə şöbəsinin əməkdaşları iştirak etmişdir.        

Toplantıda ilk öncə iştirakçılara Fövqəladə Hallar Nazirliyi, Şimal-qərb Regional Mərkəzi haqqında geniş məlumat verilmişdir. Sonra fövqəladə halların yaranma səbəbləri, ərazi üçün xarakterik olan təbii fəlakətlər və fövqəladə hadisə baş verən zaman davranış qaydalarından danışılmışdır.  Tədbirdə fövqəladə halların qarşısının alınmasında təbliğatın rolu, nəqliyyat qəzaları, yanğınların başvermə səbəbləri,  yanğın və texniki təhlükəsizlik qaydaları, mülki müdafiə işinin təşkili, “112” qaynar telefon xətti” və s. mövzular ətrafında çıxışlar olmuşdur. Çıxışlardan  sonra zəlzələ zamanı davranış və dəm qazı təhlükəsinin qarşısının alınmasına dair videoçarxlar nümayiş etdirilmişdir. Tədbirin praktiki hissəsində isə müəllim və şagirdlər, texniki işçilər zəlzələ zamanı davranış qaydaları haqqında geniş təlimatlandırılmış, məktəb binasında şərti zəlzələ həyəcanı verilmişdir. Müəllim və şagirdlər binadan təhlükəsiz yerə təxliyyə olunmuşlar.

Toplantının sonunda iştirakçıları maraqlandıran suallar cavablandırılmışdır.

Digər məlumatlar

Maarifləndirmə tədbirləri davam etdirilir

20 noyabr 2019-cu il tarixində FHN-in Dövlət Yanğın Nəzarəti Xidmətinin İctimai obyektlərə nəzarət sektoru Sumqayıt şəhərində yerləşən “Sumqayıt Plaza” otelində, 1-ci ərazi Dövlət Yanğın Nəzarəti İdarəsi......

Ardını oxu

FHN-in Sumqayıt Regional Mərkəzi seminar-müşavirə keçirib

20 noyabr 2019-cu il tarixində Fövqəladə Hallar Nazirliyinin Sumqayıt Regional Mərkəzi Abşeron rayon Telekommunikasiya Qovşağında “Fövqəladə hallarla bağlı davranış və yanğın təhlükəsizliyi qaydaları” mövzusunda seminar-müşavirə keçirib. ...

Ardını oxu

FHN Akademiyasının rəhbərliyi Moskva şəhərində səfərdə olub

Fövqəladə Hallar Nazirliyi Akademiyasının rəisi general-mayor Baba Salayevin rəhbərlik etdiyi nümayəndə heyəti 12-16 noyabr 2019-cu il tarixlərində Rusiya Federasiyasının paytaxtı Moskva şəhərində səfərdə olub. ...

Ardını oxu