Geri

FHN-in Akademiyasında Dünya Azərbaycanlılarının Həmrəylik Günü və Yeni il bayramı münasibətilə tədbir keçirilmişdir

Dekabrın 30-da Fövqəladə Hallar Nazirliyinin Akademiyasında Dünya Azərbaycanlılarının Həmrəylik Günü və Yeni il bayramı münasibətilə tədbir keçirilmişdir

Nazirliyin və Akademiyanın əməkdaşlarının, kursantların iştirak etdiyi bayram tədbirində Azərbaycan Respublikasının Dövlət himni səslənmişdir.

Akademiyanın rəisi general-mayor Pənah Süleymanov tədbir iştirakçılarını bayram münasibətilə təbrik etmiş,  31 dekabr – Dünya Azərbaycanlılarının Həmrəylik Gününün  hər il dünyanın bir çox ölkəsində yaşayan azərbaycanlılar tərəfindən qeyd olunduğunu diqqətə çatdırmışdır.

Akademiyanın humanitar fənlər kafedrasının baş müəllimi, tarix üzrə fəlsəfə doktoru, dosent Fizuli İbrahimzadə çıxışında bildirmişdir ki, ulu öndər Heydər Əliyevin Naxçıvan Muxtar Respublikası Ali Məclisinin sədri olduğu zaman - 1991-ci ilin 16 dekabrında  Dünya Azərbaycanlılarının Həmrəylik Günü ilə bağlı qərar qəbul olunması müxtəlif ölkədə yaşayan soydaşlarımızın birliyinin yaradılması və gücləndirilməsi məqsədinə xidmət edirdi. Bütün dünyada diaspor təşkilatlarının yaradılması, onların fəaliyyətinin əlaqələndirilməsi xalqımızın ümummilli liderinin və onun layiqli davamçısı, Prezident İlham Əliyevin gərgin səyləri nəticəsində mümkün olmuşdur.

Tədbirdə Akademiyanın Yanğın təhlükəsizliyi fakültəsinin IV kurs müdavimi Yusif Qurbanlı çıxış edərək bütün gənclər adından təbriklərini çatdırmışdır.

Tədbirin sonunda Dünya Azərbaycanlılarının Həmrəylik Gününə həsr olunmuş videoçarx nümayiş edilmişdir.




Digər məlumatlar

FHN-in Şimal-qərb Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Şimal-qərb Regional Mərkəzinin təşkilatçılığı, Şimal-qərb Regional Dövlət Yanğın Nəzarəti İdarəsinin, Qax Rayon Dövlət Yanğından Mühafizə Hissəsinin əməkdaşlarının iştirakı ilə 21 noyabr 2017-ci il tarixində Qax rayonu Zəyəm kənd tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirilmişdir. Tədbirdə məktəbin kollektivi......

Ardını oxu

FHN-in Cənub Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Cənub Regional Mərkəzi 21 noyabr 2017-ci il tarixində FHN-in regionda fəaliyyət göstərən digər qurumları ilə birgə Lənkəran şəhər 10 saylı tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir. ...

Ardını oxu

FHN-in Qarabağ Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Qarabağ Regional Mərkəzi 21 noyabr 2017-ci il tarixində Bərdə rayonu Mirzəxan kənd  tam orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir. ...

Ardını oxu