Geri

FHN və BMT İP-ın birgə layihəsi çərçivəsində seminar keçirilmişdir

Azərbaycan Respublikasının Fövqəladə Hallar Nazirliyi, BMT-nin İnkişaf Proqramı (BMT İP) və Qlobal Ətraf Mühitin Mühafizəsi Fondunun (GEF) birgə təşkilatçılığı ilə 30 noyabr 2016-ci il tarixində Qəbələ şəhərində “Böyük Qafqaz regionunda zəif dağ icmaları tərəfindən su və daşqınlar üzrə idarəetməyə iqlim dəyişikliyi risklərinin daxil edilməsi” layihəsi çərçivəsində “İcma əsaslı erkən xəbərdarlıq sistemləri və icmaların su ilə bağlı yarana biləcək problemlərə hazırlığı” mövzusunda seminar keçirilmişdir.

Layihənin əsas məqsədi Böyük Qafqazın dağlıq icmalarında su və selin idarəedilməsi sistemlərini təkmilləşdirmək və iqlimlə bağlı daşqın və su basmalarının təsirlərini azaltmaqdır.

Tədbirdə FHN-in Dövlət Su Ehtiyatları Agentliyinin və Simal-qerb Regional Mərkəzinin, BMT İP, layihənin tərəfdaş təşkilatları, rayon icra hakimiyyətlərinin məsul əməkdaşları, beynəlxalq və yerli ekspertlər, zəif dağ icmalarının nümayəndələri iştirak etmişdir.

Tədbiri giriş sözü ilə açan BMT İP-in strateji əməkdaşlıq üzrə müşaviri Məzahir Əfəndiyev FHN ilə birgə həyata keçirilən layihənin əhəmiyyəti və müsbət nəticələrindən bəhs etmişdir. O, qeyd etmişdir ki, layihənin məqsədi təhlükə altında olan ərazilərdə yaşayan icmaların su çatışmazlığı və daşqın təhlükələrinə qarşı zəifliyini azaltmaqdan ibarətdir.

Daha sonra çıxış edən FHN-in Regional mərkəzlərlə işin təşkili, layihələrin idarə edilməsi və təhsil məsələləri üzrə baş idarənin rəis müavini Gündüz Həmzəyev, Şimal-qerb Regional Mərkəzinin rəisi Sadiq Bəkirli, Qəbələ rayon icra hakimiyyətinin birinci müavini Abil Ağasəfov, beynəlxalq ekspertlər Xuan Fernandez və David Milton layihənin əhatə dairəsi və qazanılan nəticələr barədə məlumat vermişlər. Qeyd edilmişdir ki, iqlim dəyişikliyi və onun törətdiyi fəsadların çox aktual məsələ olduğunu nəzərə alaraq, belə tədbirlərin regionlarda tez-tez və davamlı olaraq keçirilməsi əhalinin bu istiqamətdə maarifləndirilməsinə kömək edir.

Seminar zamanı layihə çərçivəsində əldə edilən yeni erkən xəbərdarlıq qurğuları icma üzvlərinə təhvil verilmişdir. Ekspertlər quraqlıq və su çatışmazlığı zamanı kənd təsərrüfatı texnologiyalarının istifadəsinin əhəmiyyətini vurğulamış, icma əsaslı erkən xəbərdarlıq sisteminin tam mobilizasiyasını daşqınların səmərəli proqnozlaşdırılması üçün yaxşı vasitə kimi qiymətləndirmişlər. Eksperimental təcrübə üçün Azərbaycanın Mıxlıqovaq icmasının seçildiyi iştirakçıların nəzərinə çatdırılmışdır.

Sonda seminarda iştirak edən nümayəndələrə, icma üzvlərinə sertifikatlar təqdim olunmuşdur.

 

Digər məlumatlar

FHN-in Sumqayıt Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Sumqayıt Regional Mərkəzi 17 oktyabr 2018-ci il tarixində Xızı rayonu O.Həsənov adına Tıxlı kənd ümumi orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir. ...

Ardını oxu

FHN-in Aran Regional Mərkəzi Naftalan şəhərində “dəyirmi masa” keçirmişdir

Fövqəladə Hallar Nazirliyinin Aran Regional Mərkəzi 16 oktyabr 2018-ci il tarixində Naftalan şəhəri Maliyyə idarəsinin inzibati binasında “Fövqəladə halların baş verdiyi ərazilərdən əhalinin müvəqqəti olaraq köçürülməsi, maddi və mədəni sərvətlərin evakuasiya (təxliyə) edilməsi və digər təxirəsalınmaz tədbirlərin planlaşdırılması və həyata keçirilməsində Nazirliyin struktur bölmələri və müvafiq......

Ardını oxu

FHN-in Şimal Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Şimal Regional Mərkəzi 17 oktyabr 2018-ci il tarixində Qusar şəhəri 1 nömrəli tam orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir. ...

Ardını oxu