Geri

FHN-in qurumları arasında voleybol üzrə çempionat keçirilmişdir

24-28 oktyabr 2016-cı il tarixlərində Fövqəladə Hallar Nazirliyinin İdman-sağlamlıq klubu və Fövqəladə Hallar Nazirliyi işçilərinin Həmkarlar İttifaqının  birgə təşkilatçılığı ilə voleybol üzrə çempionat keçirilmişdir.

Fövqəladə Hallar Nazirliyinin qurumları arasında keçirilən çempionatın ilk üç günü nazirliyin Tikintidə Təhlükəsizliyə Nəzarət Dövlət Agentliyinin idman zalında, yarımfinal və final mərhələsi isə Azərbaycan Voleybol Federasiyasında baş tutmuşdur. Yarışda 170-ə yaxın idmançının təmsil olunduğu 14 komanda öz qüvvəsini sınamışdır. Gərgin idman mübarizəsi şəraitində keçən yarışın final görüşü FHN Tikintidə Təhlükəsizliyə Nəzarət Dövlət Agentliyi və FHN Dövlət Yanğından Mühafizə Xidmətinin komandaları arasında olmuşdur. Rəqibini məğlub edən Tikintidə Təhlükəsizliyə Nəzarət Dövlət Agentliyinin komandası yarışın qızıl medalına layiq görülmüşdür. İkinci yerə Dövlət Yanğından Mühafizə Xidmətinin, üçüncü yerə isə Qarabağ Regional Mərkəzini məğlub edən Xüsusi Riskli Xilasetmə Xidmətinin komandaları layiq görülmüşdür. 

Tədbirdə çıxış edən Fövqəladə Hallar Nazirliyi işçilərinin Həmkarlar İttifaqının sədri Mehman İsmayılov və FHN-in İdman-sağlamlıq klubunun rəsmisi Bəxtiyar Mirzəliyev yarışda iştirak etmiş komandaları təbrik etmiş, onlara növbəti oyunlarda uğurlar arzulamışdır.

Sonda qalib komandalara kubok, medal və diplomlar təqdim olunmuşdur. Qeyd edək ki, yarışın baş hakimi Səbuhi Əliyev olmuşdur.

Digər məlumatlar

FHN-nin Sumqayıt Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Sumqayıt Regional Mərkəzi 13 dekabr 2017-ci il tarixində Abşeron rayonu, Ceyranbatan qəsəbə 2 nömrəli tam orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir. ...

Ardını oxu

FHN-in Muğan Regional Mərkəzi müşavirə keçirmişdir

Muğan Regional Mərkəzi 13 dekabr 2017-ci il tarixində dislokasiya ərazisində fəaliyyət göstərən nazirliyin digər qurumlarının iştirakı ilə Neftçala rayon İcra Hakimiyyətində “Fövqəladə halların proqnozlaşdırılması, profilaktik tədbirlərin həyata keçirilməsi və fövqəladə halların nəticələrinin aradan qaldırılması sahəsində Mərkəz ilə yerli qurumlar arasında qarşılıqlı fəaliyyətin təşkili və gücləndirilməsi” mövzusunda......

Ardını oxu

FHN-in Şimal Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Şimal Regional Mərkəzi 13 dekabr 2017-ci il tarixində Şabran şəhər 2 nömrəli tam orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir. ...

Ardını oxu