Geri

FHN-in Dövlət Yanğından Mühafizə Xidməti müsabiqə keçirmişdir

Fövqəladə Hallar Nazirliyi Dövlət Yanğından Mühafizə Xidmətinin təşkilatçılığı, FHN işçilərinin Həmkarlar İttifaqının dəstəyi ilə 27 oktyabr 2016-cı il tarixində Bakı və Sumqayıt qarnizonunun Yanğından Mühafizə Hissələri arasında “Köpük verməklə ən yaxşı manqa” adı uğrunda baxış-müsabiqə keçirilmişdir.

Müsabiqədə Dövlət Yanğından Mühafizə Xidmətinin Azərbaycan Respublikası Dövlət Neft Şirkətinin obyektləri üzrə Yanğından Mühafizə İdarəsinin 45, 46, 47, 48, 49,50,  51, 53, 54, 56 nömrəli, Neftayırma Müəssisələri üzrə Yanğından Mühafizə Dəstəsi Yanğından Mühafizə Xidmətinin 11, 12, 13, 18, 19 nömrəli və Sumqayıt şəhər Dövlət Yanğından Mühafizə İdarəsinin 21 və 24 nömrəli yanğından mühafizə hissələri iştirak etmişdir. Hər bir komanda manqa şəklində “MAN” markalı AÇ-2,5T avtomobilində tərkibi 7 nəfər yanğınsöndürmə növbəsinin rəisi və ya köməkçisi, manqa komandiri, sürücü, dörd yanğınsöndürəndən ibarət olmaqla təmsil olunmuşdur.

Bir mərhələdən və iki hissədən ibarət olan müsabiqədə manqaların şəxsi heyətinin sıra baxışı keçirilmiş, yanğın texnikasına, yanğın texniki ləvazimatlara və təqdim edilmiş sənədlərə baxış keçirildikdən sonra manqalar kompleks tədbirlərdən ibarət döyüş açılışını etməklə yarışa qatılmışlar.

Sonda 17 komandanın, o cümlədən 119 yanğınsöndürənin iştirak etdiyi baxış müsabiqənin nəticələri elan olunmuşdur. Gərgin mübarizə şəraitində keçən müsabiqədə Sumqayıt ŞDYMİ-nin 24 nömrəli YMH-nin komandası 1-ci yeri, Sumqayıt ŞDYMİ-nin 21 nömrəli YMH-nin komandası 2-ci yeri, ADNŞO üzrə YMİ-nin 48 nömrəli YMH-nin komandası isə 3-cü yeri tutmuşdur.

Qaliblərə Dövlət Yanğından Mühafizə Xidməti və FHN işçiləri Həmkarlar İttifaqı tərəfindən medal və diplomlar, qiymətli hədiyyələr təqdim edilmişdir.

Digər məlumatlar

FHN-in Sumqayıt Regional Mərkəzi mülki müdafiə məşqi keçirmişdir

Fövqəladə Hallar Nazirliyinin Sumqayıt Regional Mərkəzi 21 sentyabr 2018-ci il tarixində SOCAR-ın “Azərikimiya” İstehsalat Birliyinin təmir tikinti idarəsində “Fövqəladə hadisələrin nəticələrinin aradan qaldırılması zamanı Mülki müdafiə qüvvələrinin idarə olunmasının təşkili” mövzusunda nümunəvi obyekt mülki müdafiə məşqi keçirmişdir. ...

Ardını oxu

FHN-in Kiçikhəcmli Gəmilərə Nəzarət və Sularda Xilasetmə Dövlət Xidməti maarifləndirmə tədbiri keçirmişdir

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti FHN-in Şimal Regional Mərkəzinin əməkdaşları ilə birgə 19 sentyabr 2018-ci il tarixində  maarifləndirmə tədbiri keçirmişdir. ...

Ardını oxu

FHN-in Şimal Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Şimal Regional Mərkəzi 19 sentyabr 2018-ci il tarixində Quba şəhər 2 saylı orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir. ...

Ardını oxu