Geri

“Dəyirmi masa” keçirilmişdir

Yardımlı Rayon İcra Hakimiyyətində 26 noyabr 2015-ci il tarixində “Yardımlı Rayon İcra Hakimiyyətinin fövqəladə hallar komissiyası, yerli icra strukturları, bələdiyyələr ilə fövqəladə halların qarşısının alınması və nəticələrinin aradan qaldırılması sahəsində fəaliyyətin koordinasiyası məsələləri” mövzusunda “dəyirmi masa” keçirilmişdir.

Tədbirdə Fövqəladə Halar Nazirliyi (FHN) Mərkəzi Aparatının və regionda fəaliyyət göstərən qurumlarının məsul əməkdaşları, Yardımlı Rayon İcra Hakimiyyətinin başçısı, Yardımlı Rayon Fövqəladə Hallar üzrə Komissiyasının sədri, Yardımlı rayonunun kənd və qəsəbə bələdiyyələrinin rəhbərləri, Telekommunikasiya Qovşağının, Meşə Mühafizəsi və Bərpası Müəssisəsinin, enerji, qaz və su təchizatı üzrə xidmətlərinin rəisləri, Mərkəzi Xəstəxana, Polis və Təhsil şöbələrinin rəsmi nümayəndələri iştirak etmişlər.

“Dəyirmi masa”nın keçirilməsində məqsəd fövqəladə halların qarşısının alınması və nəticələrinin aradan qaldırılması, qəza-xilasetmə və digər təxirəsalınmaz işlərin həyata keçirilməsi zamanı yerli icra və özünüidarəetmə orqanları, xidmət sahələri ilə FHN-in regionda fəaliyyət göstərən qurumları arasında qarşılıqlı fəaliyyətin təşkilinin mövcud vəziyyətinin öyrənilməsi, görülən işlər, qarşıda duran problemlər və onların həlli yollarının müzakirəsi olmuşdur.

Tədbirdə FHN-in əməkdaşları çıxış edərək nazirliyin regionda fəaliyyət göstərən qurumları ilə enerji, qaz və su təchizatı üzrə xidmətlər arasında razılaşdırılmış qarşılıqlı fəaliyyət planının bəndlər üzrə geniş təhlilini aparmış və həmin plana uyğun olaraq həyata keçirilən tədbirlərin icrasına nəzarətin gücləndirilməsinin vacibliyini vurğulamış, sualları cavablandırmışlar.

Sonra müvafiq idarə və müəssisə rəhbərlərinin, bələdiyyə sədrlərinin təklifləri dinlənilmişdir. Çıxışlarda irəli sürülən müddəaların interaktiv formatda konseptual təhlili keçirilmiş, qeyd olunan məsələlərin həlli istiqamətində görüləcək işlərin səmərəliliyinin artırılması üçün tövsiyələr verilmişdir.

Toplantının sonunda FHN Cənub Regional Mərkəzinin fəaliyyəti, regionun torpaq sürüşməsi sahələri, yanğın-partlayış hadisələrinin törətdiyi fəsadlar barədə danışılmış, su obyektləri, hidrotexniki qurğular və yüksək gərginlikli hava elektrik ötürücü xətlərinin mühafizə zonalarında yerləşən tikililər, fərdi yaşayış evlərinin qəzalı vəziyyətə düşmə səbəbləri və müxtəlif təyinatlı obyektlərlə bağlı fotoslaydlar göstərilmiş, verilən  suallar ətraflı cavablandırılmışdır.

Digər məlumatlar

FHN-in Sumqayıt Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Sumqayıt Regional Mərkəzi 17 oktyabr 2018-ci il tarixində Xızı rayonu O.Həsənov adına Tıxlı kənd ümumi orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir. ...

Ardını oxu

FHN-in Aran Regional Mərkəzi Naftalan şəhərində “dəyirmi masa” keçirmişdir

Fövqəladə Hallar Nazirliyinin Aran Regional Mərkəzi 16 oktyabr 2018-ci il tarixində Naftalan şəhəri Maliyyə idarəsinin inzibati binasında “Fövqəladə halların baş verdiyi ərazilərdən əhalinin müvəqqəti olaraq köçürülməsi, maddi və mədəni sərvətlərin evakuasiya (təxliyə) edilməsi və digər təxirəsalınmaz tədbirlərin planlaşdırılması və həyata keçirilməsində Nazirliyin struktur bölmələri və müvafiq......

Ardını oxu

FHN-in Şimal Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Şimal Regional Mərkəzi 17 oktyabr 2018-ci il tarixində Qusar şəhəri 1 nömrəli tam orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir. ...

Ardını oxu