Geri

Cəlilabad rayonunda seminar-müşavirə keçirilmişdir

26 noyabr 2014-cü il tarixində Fövqəladə Hallar Nazirliyinin Cənub Regional Mərkəzi tərəfindən "Fövqəladə halların proqnozlaşdırılması, profilaktik tədbirlərin həyata keçirilməsi, eləcə də fövqəladə halların nəticələrinin aradan qaldırılması sahəsində FHN-in Cənub Regional Mərkəzi ilə yerli qurumlar arasında qarşılıqlı fəaliyyətin gücləndirilməsi"  mövzusunda seminar-müşavirə keçirilmişdir.

Seminarın işində Fövqəladə Hallar Nazirliyinin regionda fəaliyyət göstərən yerli qurumlarının, Cəlilabad Rayon İcra Hakimiyyətinin, rayon ərazisində fəaliyyət göstərən müvafiq müəssisələrin nümayəndələri iştirak etmişlər.

Müşavirənin keçirilməsində əsas məqsəd ehtimal olunan fövqəladə halların qarşısının alınması, nəticələrinin aradan qaldırılması, qəza-xilasetmə və digər təxirəsalınmaz işlərin həyata keçirilməsi zamanı yerli icra və özünüidarəetmə orqanları, eləcə də rayonda fəaliyyət göstərən xidmət sahələri, müvafiq müəssisələrlə FHN-in regionda fəaliyyət göstərən qurumları arasında qarşılıqlı fəaliyyətin təşkilinin mövcud vəziyyətinin öyrənilməsi, bu sahədə görülən işlər, problemlər və onların həlli yollarının müzakirəsi olmuşdur.

Çıxış edən natiqlər tərəfindən FHN-in Cənub Regional Mərkəzi ilə regionda fəaliyyət göstərən müəssisələr arasında razılaşdırılmış qarşılıqlı fəaliyyət planlarının bəndlər üzrə geniş təhlili aparılmış,  yerli qurumlarla qarşılıqlı fəaliyyət zamanı qarşıya çıxan problemlər haqqında tədbir iştirakçılarına ətraflı məlumat verilmiş, təbii və texnogen xarakterli fövqəladə hadisələr zamanı davranış qaydaları, fərdi mühafizə vasitələrindən və ilkin yanğınsöndürmə avadanlıqlarından istifadə qaydaları, eləcə də yanğın və texniki təhlükəsizlik qaydalarının tələblərinə düzgün riayət olunmasına nəzarətin gücləndirilməsinin vacibliyi tədbir iştirakçılarının diqqətinə çatdırılmışdır.

Tədbir zamanı avtomobil və dəmir yollarının, hidrotexniki qurğuların, yanacaq və maye qazdoldurma məntəqələrinin, yüksək gərginlikli elektrik, orta və yüksək təzyiqli qaz xətlərinin, sututarların və çayların mühafizə zonalarında məskunlaşmanın təhlükəli olması, meşə və meşə zolaqlarında yanğın və texniki təhlükəsizlik qaydalarına ciddi əməl olunması istiqamətində görüləcək işlərin vacibliyi barədə geniş məlumat verilmişdir.

Tədbirin sonunda “Fövqəladə Hallar Nazirliyinin Cənub Regional Mərkəzinin fəaliyyət istiqamətləri”, “Meşə və meşə zolaqlarında yanğın təhlükəsizliyi qaydalarına ciddi riayət edin!”, “Dəm qazından zəhərlənmə hallarının yaranma səbəbləri” və “Subasma zamanı davranış qaydaları”na dair videoçarx və fotoslaydlar nümayiş olunmuş, xəbərdarlıq vərəqələri və yaddaş kitabçaları paylanılmış, tədbir iştirakçılarını maraqlandıran suallar ətraflı cavablandırılmışdır.

Digər məlumatlar

Fövqəladə Hallar Nazirliyinin Qarabağ Regional Mərkəzi maarifləndirmə tədbiri keçirmişdir

Qarabağ Regional Mərkəzi 14 avqust 2018-ci il tarixində Beyləqan şəhər 2 nömrəli Uşaq Bağçasında “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir....

Ardını oxu

FHN-in Aran Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Aran Regional Mərkəzi 10 avqust  2018-ci il tarixində FHN-in regionda fəaliyyət göstərən digər qurumları ilə birgə Zərdab rayon Telekommunikasiya Qovşağında "Fövqəladə hallarla bağlı davranış qaydaları"  mövzusunda maarifləndirmə tədbiri keçirmişdir......

Ardını oxu

FHN-in Cənub Regional Mərkəzi maarifləndirmə tədbiri keçirmişdir

FHN-in Cənub Regional Mərkəzi 10 avqust 2018-ci il tarixində Masallı rayon İcra Hakimiyyəti başçısının Ərkivan qəsəbə inzibati ərazi dairəsi üzrə nümayəndəliyində Nazirliyin regionda fəaliyyət göstərən digər qurumları ilə birgə “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir....

Ardını oxu