Geri

FHN-in Qarabağ Regional Mərkəzi maarifləndirmə tədbiri keçirmişdir

Fövqəladə Hallar Nazirliyi Qarabağ Regional Mərkəzinin əməkdaşları 25 noyabr 2014-cü il tarixində Xocavənd rayon Salakətin kənd tam orta məktəbində “Həyatının təhlükəsizliyi sənin öz əlindədir” mövzusunda maarifləndirmə tədbiri keçirmişdir. Tədbirdə FHN-in yerli qurumlarının və Xocavənd rayon Təhsil Şöbəsinin nümayəndələri iştirak etmişdir.

Tədbir iştirakçılarına fövqəladə hallar və növləri, mülki müdafiənin təşkili, mövsüm ərzində baş verə biləcək fövqəladə hadisələr və onların profilaktikası haqda dolğun məlumat verilmişdir. “Dəm qazı həyatımız və sağlamlığımız üçün böyük təhlükədir”, “Elektrik cihazları və qaz qızdırıcılarından istifadə zamanı təhlükəsizlik qaydaları”, “Məktəb təsərrüfatında baş verə biləcək yanğın hadisələri, onların qarşısının alınması vasitələri”, “Tanımadığınız əşyalarla rastlaşarkən təhlükəsizlik qaydaların riayət edin!” və “112” xidməti təhlükəsizliyimizin qarantıdır” mövzularında çıxışlar edilmişdir. Mərkəz əməkdaşları tərəfindən şagirdləri maraqlandıran suallar cavablandırılmış, broşür və bukletlər paylanmışdır.

 Sonda məktəb binalarının təxliyyə planlarının mərtəbələr üzrə qaydalara əməl etməklə düzgün hazırlanmasına, yanğın və texniki təhlükəsizlik qaydalarının tələblərinə riayət olunmasına nəzarətin artırılmasına, məktəbin əsas və ehtiyat çıxış qapılarının və zirzəmilərinin daim istifadəyə yararlı vəziyyətdə saxlanılmasına, yararsız vəziyyətdə olan elektrik naqil və avadanlıqlarının yenilənməsinə dair bir sıra təkliflər verilmiş,  Fövqəladə Hallar Nazirliyinin hazırladığı “Qazdan istifadə zamanı təhlükəsizlik qaydaları” adlı videoçarx nümayiş etdirilmişdir.

Digər məlumatlar

FHN işçilərinin Həmkarlar İttifaqı Azərbaycan xalqının ümummilli lideri Heydər Əliyevin anadan olmasının 95 illiyi münasibətilə Əlincə qalasına yürüş təşkil etmişdir

16 iyul 2018-ci il tarixində Azərbaycan Respublikası Fövqəladə Hallar Nazirliyi işçilərinin Həmkarlar İttifaqının bir qrup komitə sədrləri Azərbaycan xalqının ümummilli lideri, müasir Azərbaycan Respublikasının qurucusu Heydər Əliyevin anadan olmasının 95 illiyi münasibətilə cəsarət, möhkəm iradə və sarsılmazlığın rəmzinə çevrilən, 1800 metr yüksəklikdə yerləşən Əlincəqalaya yürüş təşkil......

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti 2018-ci il iyul ayının 17-dən 19-dək “Pambıqçılığın yanğın təhlükəsizliyi” mövzusunda Yevlax, Ucar və Tərtər rayonlarında  yanğına qarşı təbliğat işləri və müvafiq maarifləndirmə tədbirləri keçirmiş, ilkin yanğınsöndürmə vasitələrindən istifadə qaydaları əyani olaraq nümayiş etdirilmiş, Xidmət tərəfindən bu məqsədlə hazırlanmış yaddaş......

Ardını oxu

FHN-in Aran Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Aran Regional Mərkəzi 19 iyul 2018-ci il tarixində FHN-in regionda fəaliyyət göstərən digər qurumları ilə birgə Göyçay rayon Suvarma sistemləri idarəsinin kollektivi ilə "Fövqəladə hallarla bağlı davranış qaydaları" mövzusunda maarifləndirmə tədbiri keçirmişdir. ...

Ardını oxu