Geri

FHN Qarabağ Regional Mərkəzinin əməkdaşları təhsil müəssisəsində maarifləndirmə tədbiri keçirmişlər

28 oktyabr 2014-cü il tarixində Fövqəladə Hallar Nazirliyinin Qarabağ Regional Mərkəzinin əməkdaşları Tərtər şəhər R.Nuriyev adına 6 nömrəli orta məktəbdə «Təbii fəlakətlər və texnogen qəzalar zamanı özünü necə aparmalı» mövzusunda maarifləndirimə tədbiri keçirmişlər.

Tədbirin keçirilməsində əsas məqsəd şagirdləri fövqəladə hallar sahəsində maarifləndirmək, onların bu sahədə olan biliklərini daha da artırmaq, eləcə də onlara fövqəladə hadisələr zamanı düzgün davranış qaydalarını öyrətməkdən ibarət olmuşdur.

Mərkəz əməkdaşları tədbir iştirakçılarına Qarabağ Regional Mərkəzinin strukturu və fəaliyyət istiqamətləri barədə məlumat vermiş, fövqəladə hallar, onların növləri, fövqəladə hallar zamanı davranış qaydaları, mülki müdafiə haqqında söhbət aparmışlar.

Tədbirdə məktəblilərə Fövqəladə Hallar Nazirliyinin hazırladığı «Dəm qazı və ya arzuolunmaz qonaq» adlı videoçarx nümayiş etdirilmişdir. Şagirdlərin asudə vaxtında yanğın və texniki təhlükəsizlik qaydaları ilə daha yaxından tanış olmaları məqsədilə Regional Mərkəz əməkdaşları tərəfindən hazırlanmış təbliğat vasitələri məktəb rəhbərliyinə təqdim olunmuşdur.

Sonda iştirakçılara mövzuları əhatə edən xəbərdarlıq vərəqələri və broşürlər paylanmış, şagird və müəllimlərin sualları ətraflı cavablandırılmışdır.

 

 

Digər məlumatlar

FHN-in Muğan Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Muğan Regional Mərkəzi 20 iyun 2018-ci il tarixində Neftçala rayonu Xolqaraqaşlı kənd sahə xəstəxanasında “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir. ...

Ardını oxu

FHN-in Qarabağ Regional Mərkəzi dəyirmi masa keçirmişdir

Fövqəladə Hallar Nazirliyinin Qarabağ Regional Mərkəzi 20 iyun 2018-ci il tarixində Ağcabədi rayonu Taxta Körpü qəsəbəsində fəaliyyət göstərən Laçın rayon İcra Hakimiyyətinin ictimai-siyasi orqanı olan "Laçın" qəzetinin redaksiyasında “Fövqəladə hallarla bağlı davranış və yanğın təhlükəsizliyi qaydaları” mövzusunda dəyirmi masa keçirmişdir....

Ardını oxu

FHN-in regional mərkəzlərində və qurumlarında Milli Qurtuluş Günü qeyd edilmişdir

Fövqəladə Hallar Nazirliyinin qurumları və regional mərkəzlərində 15 iyun – Milli Qurtuluş Günü münasibətilə tədbirlər keçirilmişdir. ...

Ardını oxu