Geri

FHN Şimal Regional Mərkəzi Xaçmaz rayonunun Palıdlı kənd tam orta məktəbində maarifləndirimə tədbiri keçirmişdir

Fövqəladə Hallar Nazirliyinin Şimal Regional Mərkəzi Xaçmaz rayonu Palıdlı  kənd tam orta məktəbində “Fövqəladə hallar zamanı özünü necə aparmalı” mövzusunda  növbəti maarifləndirmə tədbiri keçirmişdir.

Tədbirin keçirilməsində məqsəd məktəbin müəllim və şagird heyətinə müxtəlif xarakterli təbii və texnogen fövqəladə hallardan necə qorunmalı, soyuq havalarda elektrik və qaz cihazlarından təhlükəsiz istifadə qaydaları, mənzildə yanğın baş verdikdə sağ qalma üsulları, daxili yanğınsöndürmə kran və avadanlıqlarından istifadə üsulları, məişətdə və evdən kənarda təhlükəsizlik tədbirləri mövzularında biliklərin  aşılanması olmuşdur.

Nəzəri hissədə Şimal Regional Mərkəzinin regionda yerləşən təhsil müəssisələri ilə qarşılıqlı fəaliyyətinin əhəmiyyəti, FHN-in fəaliyyət istiqamətləri, gündəlik həyatda baş verən texnogen faciələrin yaranma səbəbləri və onların təsnifatı, qar uçqunu, sürüşmə və sel kimi fövqəladə hallar zamanı davranış qaydaları, meşə yanğınlarının baş vermə səbəbləri, zəlzələ zamanı davranış qaydaları, təhsil ocaqlarında yanğın və zəlzələ zamanı təxliyyənin həyata keçirmə  qaydaları, təhlükəsizliyimizin təmin olunmasında “112” qaynar xəttinin rolu kimi  mövzularda ətraflı məlumatlar  verilmişdir.   

Tədbirin praktiki hissəsində isə iştirakçılara müasir yanğınsöndürmə texnikalarından, xilasetmə alət və avadanlıqlarından istifadə üsulları, ilkin tibbi yardımın göstərilməsi qaydaları izah olunmuşdur.

 Sonda meşə yanğınları və dəm qazı haqqında videoslaydlar nümayiş etdirilməklə iştirakçıları maraqlandıran suallar Mərkəzin əməkdaşları tərəfindən cavablandırılmışdır.

 

Digər məlumatlar

Füzuli rayon Mərkəzi Xəstəxanasında rəhbər heyətin mülki müdafiə məşqi keçirilmişdir

FHN Qarabağ Regional Mərkəzi 22 iyun 2018-ci il tarixində Füzuli rayon Mərkəzi Xəstəxanasında “Fövqəladə hadisələrin nəticələrinin aradan qaldırılması zamanı Mülki müdafiə qüvvələrinin idarə olunmasının təşkili” mövzusunda mülki müdafiə məşqi keçirmişdir. ...

Ardını oxu

Fövqəladə Hallar Nazirliyi işçilərinin Həmkarlar İttifaqının təşkilatçılığı ilə 26 iyun - Silahlı Qüvvələr Günü münasibətilə tədbir keçirilmişdir

22 iyun 2018-ci il tarixində  Fövqəladə Hallar Nazirliyinin Mülki Müdafiə Qoşunlarının Gəncə şəhərində yerləşən N saylı hərbi hissəsində FHN işçilərinin Həmkarlar İttifaqının təşkilatçılığı ilə 26 iyun - Azərbaycan Silahlı Qüvvələri Gününə həsr olunmuş tədbir keçirilmişdir. ...

Ardını oxu

FHN-in Dövlət Yanğın Nəzarəti Xidməti yanğın təhlükəsizliyi ilə bağlı tədbirləri davam etdirir

FHN-in Dövlət Yanğın Nəzarəti Xidmətinin əməkdaşları 22 iyun 2018-ci il tarixində Xətai rayonunun Əhmədli qəsəbəsində və Xudu Məmmədov küçəsi 6 ünvanında yaşayan sakinlərlə görüş keçirmişlər. Sakinlərə yanğın təhlükəsizliyinə dair biliklərin aşılanması məqsədilə təşkil edilən tədbir “Mənzillərdə yanğın təhlükəsizliyi” mövzusunda keçirilmişdir. Görüşdə yanğın təhlükəsizliyinə dair söhbətlər aparılmış, suallar......

Ardını oxu