Geri

FHN Şimal Regional Mərkəzi nəzəri-praktiki maarifləndirmə tədbiri keçirmişdir

Fövqəladə Hallar Nazirliyinin Şimal Regional Mərkəzinin əməkdaşları aylıq Kompleks Tədbirlər planına əsasən qış mövsümü ilə əlaqədar baş verə biləcək fövqəladə hadisələrlə bağlı 29 yanvar 2014-cü il tarixində Qusar rayonu, Çiləgir kənd orta məktəbində “Fövqəladə hallarda özünü necə aparmalı?” mövzusunda növbəti nəzəri-praktiki maarifləndirmə tədbiri keçirmişdir.

Tədbirin keçirilməsində məqsəd müəllim və şagirdlərin təbii və texnogen mənşəli fövqəladə hallardan necə qorunmalı, özünə və digərlərinə necə kömək etməli, ilkin  tibbi yardımın göstərilməsi və yanğın təhlükəsizliyi sahəsində davranış qaydaları haqqında biliklərin aşılanması olmuşdur.

Tədbirdə Şimal Regional Mərkəzinin əməkdaşları ilə yanaşı Qusar Rayon Dövlət Yanğından Mühafizə Hissəsinin, Qusar Mərkəzi Rayon Xəstəxanasının əməkdaşları və məktəbin müəllim və şagird heyəti iştirak etmişdir.     

Tədbirin nəzəri hissəsində Fövqəladə Hallar Nazirliyinin fəaliyyət istiqamətləri, fövqəladə halların yaranma səbəbləri, Şimal Regional Mərkəzinin regionda fəaliyyət göstərən təhsil müəssisələri ilə qarşılıqlı fəaliyyətinin əhəmiyyəti, “112” qaynar xətti, zəlzələ, qar uçqunları, daşqınlar, torpaq sürüşməsi və nəqliyyat qəzaları kimi təbii və texnogen xarakterli fövqəladə hallar zamanı davranış qaydaları, yanğınların başvermə səbəbləri və yanğınların qarşısının alınması zamanı həyata keçirilən işlər, təhsil müəssisələrində yanğın təhlükəsizliyi qaydaları, müəllim və şagirdlərin bu istiqamətdə təlimatlandırılması haqqında ətraflı məlumatlar verilmiş, həmçinin, dəm qazının yaranma səbəbləri və dəm qazından zəhərlənmə zamanı davranış mövzusunda videoslayd nümayiş olunmuşdur.

Tədbirin praktiki hissəsində Qusar rayon Dövlət Yanğından Mühafizə Hissəsinin əməkdaşları tərəfindən yanğının söndürülməsi zamanı istifadə olunan müasir yanğınsöndürmə texnikası və üsulları, “Nissan Patrol” markalı xüsusi təyinatlı avtomobil və onun təchiz olunduğu müasir alət və avadanlıqlar, axtarış və qəza-xilasetmə əməliyyatları zamanı istifadə olunan müvafiq texnika və avadanlıqlar haqqında məlumat verilmiş və onların istifadə qaydaları praktiki olaraq nümayiş olunmuşdur.

Qusar Mərkəzi Rayon Xəstəxanasının Təcili Tibbi Yardım Stansiyasının əməkdaşları tərəfindən isə ilkin tibbi yardımın göstərilməsi qaydaları, müvafiq tibbi yardım avadanlığı və vasitələri əyani olaraq tədbir iştirakçılarına nümayiş olunmuşdur.

Mərkəz əməkdaşları tərəfindən məktəbin elektrik təsərrüfatına və mövcud ehtiyat çıxış yollarına baxış keçirilmiş və məktəb rəhbərliyinə müvafiq tapşırıq və tövsiyələr verilmişdir.

Tədbirin sonunda müəllim və şagirdləri maraqlandıran suallar Mərkəz əməkdaşları tərəfindən cavablandırılmışdır.

 

Digər məlumatlar

FHN işçilərinin Həmkarlar İttifaqı Azərbaycan xalqının ümummilli lideri Heydər Əliyevin anadan olmasının 95 illiyi münasibətilə Əlincə qalasına yürüş təşkil etmişdir

16 iyul 2018-ci il tarixində Azərbaycan Respublikası Fövqəladə Hallar Nazirliyi işçilərinin Həmkarlar İttifaqının bir qrup komitə sədrləri Azərbaycan xalqının ümummilli lideri, müasir Azərbaycan Respublikasının qurucusu Heydər Əliyevin anadan olmasının 95 illiyi münasibətilə cəsarət, möhkəm iradə və sarsılmazlığın rəmzinə çevrilən, 1800 metr yüksəklikdə yerləşən Əlincəqalaya yürüş təşkil......

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti 2018-ci il iyul ayının 17-dən 19-dək “Pambıqçılığın yanğın təhlükəsizliyi” mövzusunda Yevlax, Ucar və Tərtər rayonlarında  yanğına qarşı təbliğat işləri və müvafiq maarifləndirmə tədbirləri keçirmiş, ilkin yanğınsöndürmə vasitələrindən istifadə qaydaları əyani olaraq nümayiş etdirilmiş, Xidmət tərəfindən bu məqsədlə hazırlanmış yaddaş......

Ardını oxu

FHN-in Aran Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Aran Regional Mərkəzi 19 iyul 2018-ci il tarixində FHN-in regionda fəaliyyət göstərən digər qurumları ilə birgə Göyçay rayon Suvarma sistemləri idarəsinin kollektivi ilə "Fövqəladə hallarla bağlı davranış qaydaları" mövzusunda maarifləndirmə tədbiri keçirmişdir. ...

Ardını oxu