Geri

Beynəlxalq qrossmeyster Vüqar Həşimovun xatirəsinə həsr olunmuş şahmat üzrə çempionat keçirilmişdir

21-25  yanvar 2014-cü il tarixlərində Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyində nazirliyin qurumları arasında Azərbaycanın məşhur şahmatçısı, ölkə və Avropa çempionu, beynəlxalq qrossmeyster Vüqar Həşimovun xatirəsinə həsr olunmuş şahmat turniri keçirilmişdir. FHN-in İdman-sağlamlıq Klubunun təşkilatçılığı ilə keçirilən turnirdə 24 qurumun 100-ə yaxın əməkdaşı iştirak etmişdir. Tədbirin final mərhələsinin açılışında FHN-in İdman-sağlamlıq Klubunun rəisi Füzuli Musayev, mərhum Vüqar Həşimovun atası Qasım Həşimov, Şahmat Federasiyasının vitse-prezidenti Faiq Həsənov, Bakı şəhər Gənclər və İdman Baş İdarəsinin rəisi Rafiq Abbasov iştirak etmişlər.

Yarışları beynəlxalq dərəcəli baş hakimlər Bəxtiyar Rüstəmov vəVitali Sopranov, respublika dərəcəli hakim Azər Abdullayev və I dərəcəli hakim Anar Ələkbərov izləmişlər. Yarışda komanda hesabında Dövlət Yanğından Mühafizə Xidməti birinci, Tikintidə Təhlükəsizliyə Nəzarət Dövlət Agentliyi ikinci, Fövqəladə Hallar Nazirliyinin Akademiyası 3-cü yerə çıxmışdır.

Fərdi yarışlarda isə Fövqəladə Hallar Nazirliyinin Akademiyasının əməkdaşı Ramiz İsgəndərov birinci yerə sahib olmuşdur. Tikintidə Təhlükəsizliyə Nəzarət Dövlət Agentliyinin əməkdaşı Elçin Əsədov ikinci, Şimal-qərb Regional Mərkəzinin əməkdaşı Dəyanət Məmmədov isə 3-cü nəticə göstərmişdir. Oyun başa çatdıqdan sonra fəxri qonaqların iştirakı ilə mükafatlandırma mərasimi keçirilmişdir. Qaliblər həm komanda, həm də fərdi şəkildə təltif olunmuşlar. Yarışın bağlanış mərasimində FHN İdman-sağlamlıq klubunun rəisi Füzuli Musayev, Azərbaycan Şahmat Federasiyasının vitse-prezidenti Faiq Həsənov, Bakı şəhər Gənclər və İdman Baş İdarəsinin rəisi Rafiq Abbasov çıxış edərək Vüqar Həşimovun Azərbaycan idmanına verdiyi böyük töhfələrdən danışmış, qalibləri təbrik etmişlər. Qasım Həşimov oğlunun xatirəsinə həsr olunmuş tədbirin təşkilinə görə minnətdarlığını bildirmiş və bu cür yarışların davamlı olmasını arzulamışdır.

 

 

Digər məlumatlar

FHN-in Kiçikhəcmli Gəmilərə Nəzarət və Sularda Xilasetmə Dövlət Xidməti maarifləndirmə tədbiri keçirmişdir

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti FHN-in Cənub Regional Mərkəzinin əməkdaşları ilə birgə 18 oktyabr 2018-ci il tarixində Lənkəran rayonunun Aşağı Nüvədi kəndində kiçikhəcmli gəmi istifadəçiləri üçün maarifləndirmə tədbiri keçirmişdir. ...

Ardını oxu

Fövqəladə Hallar Nazirliyinin Akademiyasında dövlət müstəqilliyimizin bərpasının 27-ci ildönümünə həsr olunmuş tədbir keçirilmişdir

Fövqəladə Hallar Nazirliyinin Akademiyasında 18 oktyabr ­­­– Azərbaycan Respublikasının dövlət müstəqilliyinin bərpasının 27-ci ildönümünə həsr olunmuş tədbir keçirilmişdir. ...

Ardını oxu

FHN-in Sumqayıt Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Sumqayıt Regional Mərkəzi 17 oktyabr 2018-ci il tarixində Xızı rayonu O.Həsənov adına Tıxlı kənd ümumi orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbiri keçirmişdir. ...

Ardını oxu