Geri

FHN Şimal-qərb Regional Mərkəzi seminar-müşavirə keçirmişdir

Fövqəladə Hallar Nazirliyinin Şimal-qərb Regional Mərkəzi 27 sentyabr 2013-cü il tarixində İsmayıllı rayon İcra Hakimiyyətində rayon ərazisində “Mülki müdafiə tədbirlərinin planlaşdırılması və həyata keçirilməsi, əhalinin mülki müdafiə hazırlığının təşkil olunması” mövzusunda seminar-müşavirə keçirmişdir.

Tədbirdə rayon İcra Hakimiyyəti başçısının müavini-fövqəladə hallar komissiyasının sədri, Dövlət Yanğın Nəzarəti Şöbəsinin, Dövlət Yanğından Mühafizə Hissəsinin əməkdaşları,  rayonun digər idarə və müəssisələrinin rəhbərləri və əməkdaşları, inzibati ərazi nümayəndələri, bələdiyyə sədrləri və üzvləri iştirak etmişlər.

Tədbirdə Regional Mərkəzin əməkdaşları “Fövqəladə hal anlayışı”, “Mülki müdafiə”, “Texnogen qəzalar”, “Fərdi mühafizə vasitələri”, “Yanğın və yanğın təhlükəsizliyi”, “Partlayış, kimyəvi zəhərlənmə və radioaktiv şüalanma təhlükəsindən necə mühafizə olunmalı”, “Dəm qazından zəhərlənmənin profilaktikası”, “112” zəng xidmətindən hansı hallarda istifadə etmək olar” və sair mövzularında çıxışlar etmişlər.

Daha sonra tədbir iştirakçıları ilə ərazidə olan mövcud vəziyyət və görülməsi vacib olan təhlükəsizlik tədbirləri müzakirə olunmuşdur.

 

Digər məlumatlar

FHN-in Dövlət Yanğından Mühafizə Xidməti “Bilgah Beach Hotel”də yanğın-taktiki təlim keçirib

Fövqəladə Hallar Nazirliyinin Dövlət Yanğından Mühafizə Xidməti “Bilgah Beach Hotel”də “Mehmanxanalarda yanğınların söndürülməsi” mövzusunda yanğın-taktiki təlim keçirib....

Ardını oxu

Fövqəladə Hallar Nazirliyi işçilərinin Həmkarlar İttifaqının onlayn iclası keçirilib

22 may 2020-ci il tarixində FHN işçilərinin Həmkarlar İttifaqı FHN-in aparatı, regional mərkəzləri və qurumlarında fəaliyyət göstərən həmkarlar ittifaqı komitəsi sədrlərinin iştirakı ilə onlayn iclas keçirib.  ...

Ardını oxu

Fövqəladə Hallar Nazirliyinin Dövlət Yanğından Mühafizə Xidməti Şabran rayonunda regional müşavirə keçirib

Fövqəladə Hallar Nazirliyinin Dövlət Yanğından Mühafizə Xidməti 20 may 2020-ci il tarixində Şabran şəhərində cari ilin ötən dövrü ərzində şimal regionu üzrə baş vermiş yanğınlarla bağlı əməliyyat şəraitinin vəziyyətinin, görülmüş işlər və qarşıda duran vəzifələrin müzakirəsinə həsr olunmuş müşavirə keçirib. ...

Ardını oxu