Geri

FHN Cənub Regional Mərkəzi maarifləndirmə tədbiri keçirmişdir

30 iyul 2013-cü il tarixində Fövqəladə Hallar Nazirliyinin Cənub Regional Mərkəzinin əməkdaşları tərəfindən Masallı rayon Təzə Alvadı kənd Sağlamlıq Mərkəzində səhiyyə işçiləri ilə birgə “2013-cü ilin yay çimərlik mövsümündə su hövzələrində insanların təhlükəsizliyinin təmin olunması” mövzusunda maarifləndirmə tədbiri keçirilmişdir.

Keçirilən təbliğat xarakterli tədbirdə Masallı rayon Təzə Alvadı kənd Sağlamlıq Mərkəzinin kollektivi və kənd sakinləri iştirak etmişlər.

Belə tədbirlərin keçirilməsində əsas məqsəd əhalinin su hövzələrində təhlükəsizlik tədbirlərinə əməl etməsi, yarana biləcək fövqəladə hallara hazır olması, fövqəladə hallar zamanı davranış qaydaları və mülki müdafiə sahəsində mükəmməl vərdiş və biliklərə  yiyələnməsinə nail olmaqdır.

Tədbirin gündəliyinə əsasən Mərkəzin əməkdaşları “Azərbaycan Respublikası Fövqəladə Hallar Nazirliyi və strukturuna daxil olan qurumlar”, “Məişət elektrik cihazlarından istifadə edərkən təhlükəsizlik tədbirləri”, “Sularda baş verə biləcək bədbəxt hadisələrin qarşısının alınması və insanların təhlükəsizliyinin təmin edilməsi”, “Hansı hallarda “112” qaynar xətlə əlaqə saxlamaq lazımdır?” mövzularında çıxışlar edərək verilən sualları cavablandırmışlar.

Daha sonra səhiyyə müəssisəsinin təxliyyə planının mərtəbələr üzrə qaydalara əməl etməklə düzgün hazırlanmasının, yanğın və texniki təhlükəsizlik tədbirlərinə əməl olunmasına nəzarətin artırılmasının, müəssisənin ehtiyat çıxış qapılarının və zirzəmilərinin daim istifadəyə yararlı vəziyyətdə saxlanılmasının, ilkin yanğınsöndürmə vasitələri ilə təchiz olunmasının vacibliyi bir daha səhiyyə işçilərinin diqqətinə çatdırılmışdır.

Tədbirin sonunda “Fövqəladə Hallar Nazirliyi xəbərdarlıq edir!”, “Hansı hallarda “112” qaynar xətlə əlaqə saxlamaq lazımdır”, “Qəza radiasiya zədələnmələrinin diaqnozu necə qoyulmalı və ilk cavab tədbirlərini necə görməli”, “Özünə və başqalarına kömək etməyi bacar” mövzularında hazırlanmış vərəqə və yaddaş kitabçaları tədbir iştirakçılarına paylanılmış, Mərkəzin fəaliyyəti, regionda baş vermiş təbii və texnogen fövqəladə hadisələr barədə fotoslaydlar nümayiş olunmuş və göstərilən materiallarla bağlı tədbir iştirakçılarını maraqlandıran suallar məruzəçilər tərəfindən ətraflı cavablandırılmışdır.

 

Digər məlumatlar

FHN-in Regional mərkəzlərində maarifləndirmə tədbirləri davam edir

Fövqəladə Hallar Nazirliyinin Şimal Regional Mərkəzi Şabran şəhər 2 nömrəli ümumi orta məktəbində, Muğan Regional Mərkəzi Hacıqabul rayonu Udulu kənd tam orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda  maarifləndirmə tədbirləri keçirib. ...

Ardını oxu

Maarifləndirmə tədbirləri davam edir

11 dekabr 2019-cu il tarixində FHN Dövlət Yanğın Nəzarəti Xidmətinin Gəncə regional Dövlət Yanğın Nəzarəti İdarəsi Şəmkir rayon Zəyəm qəsəbə Körpələr evi-uşaq bağçasında, 3-cü ərazi Dövlət Yanğın Nəzarəti İdarəsi Nizami rayonunda ...

Ardını oxu

FHN-in Sumqayıt Regional Mərkəzi seminar-müşavirə keçirib

11 dekabr 2019-cu il tarixində Fövqəladə Hallar Nazirliyinin Sumqayıt Regional Mərkəzi tərəfindən “Azərkimya” İstehsalat Birliyində “Fövqəladə hallarla bağlı davranış və yanğın təhlükəsizliyi qaydaları” mövzusunda seminar-müşavirə keçirilib. ...

Ardını oxu