Geri

FHN Şimal Regional Mərkəzi Qusar rayonunda “Yanğın təhlükəsizliyi və su hövzələrində təhlükəsizlik qaydaları” mövzusunda maarifləndirmə tədbiri keçirmişdir

Fövqəladə Hallar Nazirliyinin Şimal Regional Mərkəzi 19 iyul 2013-cü il tarixində Qusar Rayon İcra Hakimiyyəti başçısının Qusar şəhər İnzibati Ərazi Dairəsi üzrə nümayəndəliyində yay mövsümü ilə əlaqədar baş verə biləcək “Yanğın təhlükəsizliyi və su hövzələrində təhlükəsizlik qaydaları” mövzusunda növbəti maarifləndirmə tədbiri keçirmişdir. Tədbirin keçirilməsində məqsəd yay mövsümü ilə əlaqədar olaraq yanğın təhlükəsizliyi, habelə su hövzələrində, çimərliklərdə istirahət edərkən təhlükəsizlik qaydalarının və suda boğulmalar zamanı əhaliyə davranış qaydalarının aşılanması olmuşdur.

Tədbirdə icra nümayəndələri, bələdiyyə sədrləri, idarə, müəssisə, təşkilat və Qusar şəhər sakinləri iştirak etmişlər.

Mərkəzin əməkdaşları Fövqəladə Hallar Nazirliyinin fəaliyyət istiqamətləri, Şimal Regional Mərkəzinin regionda fəaliyyəti, “112” qaynar xətti, təbii və texnogen xarakterli fövqəladə halların baş verməsində insan amilinin rolu və bu hadisələr baş verərkən əhalinin davranış qaydaları, yanğın təhlükəsizliyi qaydaları meşə yanğınlarının baş vermə səbəbləri, yanğınların qarşısının alınmasında və nəticələrinin aradan qaldırılmasında əhali ilə qarşılıqlı fəaliyyət, zəlzələdən qabaq və sonra davranış qaydaları haqqında tədbir iştirakçılarına geniş məlumat vermişlər.

Tədbirin sonunda Mərkəzin əməkdaşları tərəfindən iştirakçıları maraqlandıran suallar cavablandırılmışdır.

Digər məlumatlar

FHN-in Regional mərkəzlərində maarifləndirmə tədbirləri davam edir

Fövqəladə Hallar Nazirliyinin Şimal Regional Mərkəzi Şabran şəhər 2 nömrəli ümumi orta məktəbində, Muğan Regional Mərkəzi Hacıqabul rayonu Udulu kənd tam orta məktəbində “Fövqəladə hallarla bağlı davranış və yanğın təhlükəsizliyi qaydaları” mövzusunda  maarifləndirmə tədbirləri keçirib. ...

Ardını oxu

Maarifləndirmə tədbirləri davam edir

11 dekabr 2019-cu il tarixində FHN Dövlət Yanğın Nəzarəti Xidmətinin Gəncə regional Dövlət Yanğın Nəzarəti İdarəsi Şəmkir rayon Zəyəm qəsəbə Körpələr evi-uşaq bağçasında, 3-cü ərazi Dövlət Yanğın Nəzarəti İdarəsi Nizami rayonunda ...

Ardını oxu

FHN-in Sumqayıt Regional Mərkəzi seminar-müşavirə keçirib

11 dekabr 2019-cu il tarixində Fövqəladə Hallar Nazirliyinin Sumqayıt Regional Mərkəzi tərəfindən “Azərkimya” İstehsalat Birliyində “Fövqəladə hallarla bağlı davranış və yanğın təhlükəsizliyi qaydaları” mövzusunda seminar-müşavirə keçirilib. ...

Ardını oxu